ମୋବାଇଲରୁ ବାହାରୁଥିବା ଆଲୋକ ଆପଣଙ୍କୁ ବୟସ ପୂର୍ବରୁ କରୁଛି ବୃଦ୍ଧ: ଜାଣନ୍ତୁ ବର୍ତ୍ତିବାର ଉପାୟ
ସ୍ମାର୍ଟଫୋନ୍ ଆମ ଜୀବନର ଏକ ଗୁରୁତ୍ୱପୂର୍ଣ୍ଣ ଅଂଶ ହୋଇପାରିଛି । କିଛି ସମୟ ଧରି ସ୍ମାର୍ଟଫୋନର ବ୍ୟବହାର ଯଥେଷ୍ଟ ବୃଦ୍ଧି ପାଇଛି । ଲୋକମାନଙ୍କୁ ମୋବାଇଲ୍ ଫୋନର ନିଶା ହୋଇଯାଇଛି । ଲୋକମାନେ ସେମାନଙ୍କର ସ୍ମାର୍ଟଫୋନ୍ କିମ୍ବା ମୋବାଇଲ୍ କୁ କିଛି କ୍ଷଣ ପାଇଁ ମଧ୍ୟ ଦୂରେଇ ପାରୁନାହାଁନ୍ତି ।
ଏଥି ସହିତ ଅନେକ ଅନୁସନ୍ଧାନରୁ ଜଣାପଡିଛି ଯେ, ମୋବାଇଲର ଅତ୍ୟଧିକ ବ୍ୟବହାର ଆମର ମାନସିକ ଏବଂ ଶାରୀରିକ ସ୍ୱାସ୍ଥ୍ୟ ଉପରେ ନକାରାତ୍ମକ ପ୍ରଭାବ ପକାଇଥାଏ । ଅନେକ ଅନୁସନ୍ଧାନରୁ ଏହା ମଧ୍ୟ ଜଣାପଡିଛି ଯେ ମୋବାଇଲ୍ ଫୋନରୁ ନିର୍ଗତ ହୋଇଥିବା ନୀଳ ଆଲୋକ ଆମ ଚର୍ମରେ ଅନେକ ଗୁରୁତର କ୍ଷତି ଘଟାଉଛି ।
ମୋବାଇଲ୍ ଆଲୋକ ସୂର୍ଯ୍ୟ କିରଣ ପରି ବିପଜ୍ଜନକ :-
ରିପୋର୍ଟ ଅନୁଯାୟୀ, ମୋବାଇଲ୍, ଲାପଟପ୍ ଏବଂ ଇଲେକ୍ଟ୍ରୋନିକ୍ ଗ୍ୟାଜେଟର ପରଦାରୁ ନିର୍ଗତ ହୋଇଥିବା ନୀଳ ଆଲୋକ ଆମ ଚର୍ମରେ ଅନେକ ସମସ୍ୟାର କାରଣ ହୋଇପାରେ । ଏହି ଆଲୋକଗୁଡିକ ଅକାଳରେ ବାର୍ଦ୍ଧକ୍ୟ, ଟ୍ୟାନ୍, ଡାର୍କ ସ୍ପର୍ଟ, ପିଗମେଣ୍ଟେସନ୍ ଭଳି ସମସ୍ୟା ସୃଷ୍ଟି କରେ । ଚର୍ମରୋଗ ବିଶେଷଜ୍ଞମାନେ ମଧ୍ୟ କହିଛନ୍ତି ଯେ, ସ୍ମାର୍ଟଫୋନରୁ ନିର୍ଗତ ନୀଳ ଆଲୋକ ସୂର୍ଯ୍ୟ କିରଣ ପରି ଚର୍ମ ପାଇଁ କ୍ଷତିକାରକ । ବିଶେଷଜ୍ଞଙ୍କ ଅନୁଯାୟୀ, ପାଞ୍ଚ ଦିନ ଡିଜିଟାଲ୍ ଡିଭାଇସ୍ ସାମ୍ନାରେ କାମ କରିବା ଚର୍ମକୁ ସମାନ ପରିମାଣର ଅଲ୍ଟ୍ରା-ବାଇଗଣି ରଶ୍ମି ଯୋଗାଇଥାଏ ଯେତିକି ସୂର୍ଯ୍ୟକିରଣରେ ୨୫ ମିନିଟ୍ ବସିଲେ ମିଳିଥାଏ । ସେ ଆହୁରି ମଧ୍ୟ କହିଛନ୍ତି ଯେ, ଚର୍ମରେ କେବଳ ସାତ ମିନିଟ୍ ସୂର୍ଯ୍ୟ କିରଣ ଯଥେଷ୍ଟ, ତେଣୁ ସ୍ମାର୍ଟଫୋନ୍ ସାମ୍ନାରେ ଏତେ ଦିନ ବସି ରହିବା ଅତ୍ୟନ୍ତ କ୍ଷତିକାରକ ହୋଇପାରେ ।
ଚର୍ମ ଟୋନ ଉପରେ ପ୍ରଭାବ :-
ମୋବାଇଲ୍ ଫୋନର ନୀଳ ଆଲୋକ କିରଣ ଆମ ଚର୍ମ ଟୋନ୍ ଉପରେ ବହୁତ ପ୍ରଭାବ ପକାଇଥାଏ । ଏହା ଚର୍ମର ଗର୍ତ୍ତ ଦେଇ ଗଭୀରକୁ ଯାଇଥାଏ, ଯେଉଁ କାରଣରୁ ଚର୍ମରେ କୁଞ୍ଚନ, ଶୁଷ୍କତା ଏବଂ ଟ୍ୟାନ୍ ସମସ୍ୟା ଆରମ୍ଭ ହୁଏ । ଅତ୍ୟଧିକ ଫୋନ୍ ବ୍ୟବହାର କରିବା ଦ୍ୱାରା ଚର୍ମ ଦୁର୍ବଳ ଏବଂ ଡାର୍କ ହୋଇଯାଏ ।
ବୟସ ପୂର୍ବରୁ ଦେଖାଯାଆନ୍ତି ବୃଦ୍ଧ :-
ବୈଦ୍ୟୁତିକ ଉପକରଣଗୁଡ଼ିକ ଚର୍ମକୁ ନଷ୍ଟ କରିଥାଏ । ମୋବାଇଲ୍ ଆଲୋକ ସହିତ ନିର୍ଗତ ହେଉଥିବା ରେଡିଏସନ୍ ହେତୁ ଚର୍ମ ଟ୍ୟାନିଂ ଏବଂ ଟିସୁ ନଷ୍ଟ ହେବାର ସମସ୍ୟା ହୋଇପାରେ । ଯାହା ଅକାଳ ବୃଦ୍ଧାବସ୍ଥାର ଲକ୍ଷଣ ଦେଖାଏ ।
ଏହାକୁ ଏଡ଼ାଇବା ପାଇଁ ଆପଣାନ୍ତୁ ଏହି ଉପାୟ :-
-ଅଧିକ ପାଣି ପିଅନ୍ତୁ ।
-ମୁହଁର ପରିଷ୍କାର ପରିଚ୍ଛନ୍ନତା ପ୍ରତି ଧ୍ୟାନ ଦିଅନ୍ତୁ ।
– ମୁହଁରେ ପାଣି ଛିଞ୍ଚନ୍ତୁ ।
-ଘରେ ଏସପିଏଫ୍ ମଶ୍ଚରାଇଜର ବ୍ୟବହାର କରନ୍ତୁ ।
– ଶୋଇବା ସମୟରେ ମୋବାଇଲକୁ ଦୂରରେ ରଖନ୍ତୁ ।
– ନାଇଟ୍ ମୋଡ୍ ବ୍ୟବହାର କରନ୍ତୁ ।
-ବ୍ରାଇଟନେସ୍ କମ୍ ରଖନ୍ତୁ ।
– ପ୍ରାକୃତିକ ଆଲୋକରେ ମୋବାଇଲ୍ ଦେଖନ୍ତୁ ।
– ଅନ୍ଧାରରେ ଅଧିକ ସମୟ ମୋବାଇଲ୍ ବ୍ୟବହାର କରନ୍ତୁ ନାହିଁ ।
