ବଡ ସମସ୍ୟା: ଦିନିକିଆ ବିଶ୍ୱକପ-୨୦୨୩ରେ ଖେଳି ନ ପାରନ୍ତି ଏହି ଅଧିନାୟକ
ନୂଆଦିଲ୍ଲୀ: ଆଇପିଏଲ-୨୦୨୩ ରୋମାଞ୍ଚକର ମୋଡ ନେଇ ସାରିଥିବା ବେଳେ ବର୍ତ୍ତମାନ ଏକ ଦୁଃଖଦ ଖବର ସାମନାକୁ ଆସିଛି । ଆସନ୍ତା ଦିନିକିଆ ବିଶ୍ୱକପରୁ ବାଦ୍ ପଡିପାରନ୍ତି ଜଣେ ବିଶ୍ୱବିଜୟୀ ଅଧିନାୟକ । ତେଣୁ ଦଳକୁ ଆଉ ଜଣେ ନୂଆ ଅଧିନାୟକ ଖୋଜଚିବାକୁ ପଡିବ । ବିଶ୍ୱକପକୁ ଆଉ ମାତ୍ର କେଇଟା ମାସ ବାକି ଥିବା ବେଳେ ଏଭଳି ଏକ ଘଟଣା ସମ୍ପୂର୍ଣ୍ଣ ଦଳକୁ ଚିନ୍ତାରେ ପକାଇ ଦେଇଛି । ଆହତ ଯୋଗୁଁ ନ୍ୟୁଜିଲାଣ୍ଡର ଅଦିନାୟକ କେନ୍ ୱିଲିୟମସନ୍ ବିଶ୍ୱକପରୁ ବାଦ୍ ପଡିପାରନ୍ତି ବୋଲି ଚର୍ଚ୍ଚା ହେଉଛି ।
Injury Update | Kane Williamson will require surgery on his injured right knee, after scans on Tuesday confirmed he’d ruptured his anterior cruciate ligament while fielding for the Gujarat Titans in the Indian Premier League. More at the link https://t.co/3VZV7AcnL2 pic.twitter.com/tN0e7X8tme
— BLACKCAPS (@BLACKCAPS) April 5, 2023
ଆଇପିଏଲ-୨୦୨୩ର ଉଦଘାଟନୀ ମ୍ୟାଚରେ ଗୁଜୁରାଟ ଟାଇଟନ୍ସ ପକ୍ଷରୁ ଖେଳିବାକୁ ଆସିଥିବା ୱିଲିୟମସନ କ୍ୟାଚ ଧରିବାକୁ ଚେଷ୍ଟା କରି ଗୁରୁତର ଆହତ ହୋଇଛନ୍ତି । ଫଳରେ ଆଇପିଏଲରୁ ବାଦ୍ ପଡି ସେ ନ୍ୟୁଜିଲାଣ୍ଡ ଫେରି ଯାଇଛନ୍ତି । ତେବେ ମେଡିକାଲ ଟେଷ୍ଟ ପରେ ବର୍ତ୍ତମାନ ତାଙ୍କର ଏକ ସର୍ଜରୀ ଆବଶ୍ୟକ ହେଉଥିବା କହିଛନ୍ତି ଡାକ୍ତରୀ ଟିମ୍ । ତେବେ ଏହି ସର୍ଜରୀ ଯୋଗୁଁ ସେ କିଛି ମାସ କ୍ରିକେଟରୁ ଦୂରେଇ ରହିପାରନ୍ତି । ତେଣୁ ଦିନିକିଆ ବିଶ୍ୱକପରୁ ମଧ୍ୟ ସେ ବାଦ୍ ପତିପାରନ୍ତି ବୋଲି ଅନୁମାନ କରାଯାଉଛି । ଏ ନେଇ ୱିଲିୟମସନ୍ କହିଛନ୍ତି ଯେ, ବର୍ତ୍ତମାନ ମୁଁ ସର୍ଜରୀ ଏବଂ ଏହାପରେ ନିଜର ଫିଟନେସ ଉପରେ ଗୁରୁତ୍ୱ ଦେଉଛି । ଏଥିପାଇଁ କିଛଇ ସମୟ ଲାଗିପାରେ, କିନ୍ତୁ ଖୁବଶୀଘ୍ର ମଇଦାନକୁ କମବ୍ୟାକ କରିବା ପାଇଁ ମୁଁ ଚେଷ୍ଟା କରିବି । ତେବେ ଏଭଳି ଆଘାତରୁ ମୁକ୍ତ ହୋଇ ଫିଟନେସ ହାସଲ କରିବାକୁ ଦୀର୍ଘ ସମୟ ଲାଗିଥାଏ । ଏହାକୁ ଦୃଷ୍ଟିରେ ରଖି ଅନୁମାନ କରାଯାଉଛି ଯେ, ଆଗାମୀ ଅକ୍ଟୋବର-ନଭେମ୍ବରରେ ହେବାକୁ ଥିବା ବିଶ୍ୱକପ-୨୦୨୩ରେ ସେ ଦଳରୁ ବାଦ୍ ପଡିପାରନ୍ତି ।
ତେବେ ୱିଲିୟମସନ୍ ଆହତ ହୋଇ ଦଳରୁ ବାଦ୍ ପଡିଲେ ନ୍ୟୁଜିଲାଣ୍ଡକୁ ଆଉ ଜଣେ ଅଧିନାୟକ ଖୋଜିବାକୁ ପଡିବ । ନୂଆ ଅଧିନାୟକଙ୍କ ନେତୃତ୍ୱରେ ଦଳର ସନ୍ତୁଳନ ବିଗିଡିପାରେ ବୋଲି ମଧ୍ୟ ଭୟ ରହିଛି । ଉଲ୍ଲେଖଯୋଗ୍ୟ, କେନ୍ ୱିଲିୟମସନଙ୍କ ନେତୃତ୍ୱରେ ନ୍ୟୁଜିଲାଣ୍ଡ ୨୦୨୧ ମସିହାରେ ଭାରତକୁ ହରାଇ ବିଶ୍ୱ ଟେଷ୍ଟ ଚମ୍ପିଆନସିପ ବିଜୟୀ ହୋଇଥିଲା ।
