ଖରା ଦିନେ ସ୍ୱାସ୍ଥ୍ୟ ପାଇଁ ଭଲ ଏହି ଫଳ, କିନ୍ତୁ ଖାଇବାର ସଠିକ୍ ଉପାୟ ଜାଣନ୍ତୁ
ନୂଆଦିଲ୍ଲୀ : ଅଖରୋଟ୍ ଗ୍ରୀଷ୍ମ ସହିତ ସିଧାସଳଖ ଜଡିତ ନୁହେଁ । ଶୀତ ଏବଂ ବସନ୍ତ ଋତୁରେ ସେଗୁଡିକ ବହୁ ପରିମାଣରେ ଖିଆଯାଏ । କିନ୍ତୁ ଏହାକୁ ଗ୍ରୀଷ୍ମ ଖାଦ୍ୟର ଏକ ଅଂଶ ବୋଲି ମଧ୍ୟ କୁହାଯାଏ । ଏଥିରେ ଓମେଗା-ଫ୍ୟାଟି ଏସିଡ୍ ଭରପୂର ମାତ୍ରାରେ ଥାଏ । ଏହା ସହ ଏଥିରେ ଆହୁରି ମଧ୍ୟ ଅନେକ ପୋଷକ ତତ୍ତ୍ୱ ଥାଏ, ଯାହା ଶରୀର ମଧ୍ୟ ନିଜେ ତିଆରି କରିପାରେ ନାହିଁ । ଫ୍ୟାଟି ଏସିଡ୍ ମସ୍ତିଷ୍କକୁ ସୁସ୍ଥ ରଖେ, ହୃଦୟକୁ ଭଲ ରଖେ ଏବଂ ବର୍ଷସାରା ଏହାକୁ ଖାଇହେବ । ଏହା ବ୍ୟତୀତ ଅଖରୋଟ୍ ପ୍ରୋଟିନ୍ ଏବଂ ଫାଇବରର ଉତ୍ତମ ଉତ୍ସ । ତେବେ ଖରା ଦିନେ ଏଭଳି କିଛି ଉପାୟରେ ଖାଇବା ଦ୍ୱାରା ପେଟ ଥଣ୍ଡା ରହିବ ସହ ଶରୀରକୁ ପ୍ରେଟିନ୍ ଏବଂ ଫାଇବର ମିଳିପାରିବ ।
ଅଖରୋଟ୍ ଭିଜାଇ ଖାଇବ : ଗ୍ରୀଷ୍ମ ସମୟରେ ଅଖରୋଟ୍ ଖାଇବା ପାଇଁ ସର୍ବୋତ୍ତମ ଉପାୟ ହେଉଛି ସେଗୁଡିକୁ ଭିଜାଇ ଖାଇବ । ଖାଲି ପେଟରେ ଭିଜାଇଥିବା ବାଦାମ ଖାଇବା ଦ୍ୱାରା ସର୍ବାଧିକ ଲାଭ ମିଳିଥାଏ । ଏହା ଦ୍ୱାରା ପେଟ ଥଣ୍ଡା ରହିଥାଏ ଏବଂ ହଜମ ସହଜ ହୁଏ ।
କ୍ଷୀର ସହିତ : ରାତିରେ କ୍ଷୀର ସହିତ ବାଦାମ ଖାଇ ପାରିବେ । ଏଥିପାଇଁ ଆପଣ କ୍ଷୀରରେ ଅଖରୋଟ୍ ଫୁଟାଇ ପାରିବେ କିମ୍ବା କ୍ଷୀରରେ ମଧ୍ୟ ତାହାକୁ ଭିଜାଇ ରଖିପାରିବେ । ଏହା ଦ୍ୱାରା ଅଖରୋଟ୍ ଉତ୍ତାପ ହ୍ରାସ ହୋଇଥାଏ ଏବଂ ସ୍ୱାସ୍ଥ୍ୟ ପାଇଁ ଭଲ ହୋଇଥାଏ ।
ଖାଦ୍ୟରେ ସାମିଲ : ଅନେକ ପ୍ରକାର ଖାଦ୍ୟ ପ୍ରସ୍ତୁତରେ ଆପଣ ଏହାକୁ ଖାଇପାରିବ । ସୁଜି ବା ଗାଜର ହାଲୁଆ, ଖିରୀ ଏବଂ ମିଠା ବ୍ୟତୀତ ଓଟ୍ସରେ ମିଶାଇ ଖାଇ ପାରିବେ ।
ସ୍ମୁଦି : ସେକ୍ ଓ ସ୍ମୁଦି ପ୍ରସ୍ତୁତ କରିବା ପାଇଁ ଆପଣ ଅଖରୋଟ୍ ବ୍ୟବହାର କରିପାରିବେ ।
କ୍ଷୀର ସର୍ବତ : କ୍ଷୀର ସର୍ବତ ସ୍ୱାଦିଷ୍ଟ ଏବଂ ସତେଜ ପାନୀୟ । ଏହାକୁ ପ୍ରସ୍ତୁତ କରିବା ପାଇଁ, ରାତିସାରା ବାଦାମକୁ ଭିଜାଇ ପରଦିନ ସକାଳେ ଏହାକୁ ବ୍ଲେଣ୍ଡରେ ବ୍ଲେଣ୍ଡ କରି ଦିଅନ୍ତଚୁ । ତା’ପରେ ଏହି ମିଶ୍ରଣକୁ ଏକ ମସଲିନ୍ କପଡାରେ ଚିପୁଡି ଦିଅନ୍ତୁ । ଏହି ରସକୁ ଥଣ୍ଡା କ୍ଷୀର ରେ ମିଶାନ୍ତୁ । ସେଥିରେ ୨-୪ ଖଣ୍ଡ ବରଫ ମିଶାନ୍ତୁ , ପ୍ରସ୍ତୁତ ହୋଇଗଲା ଅଖରୋଟ୍ କ୍ଷୀର ସର୍ବତ ।
