ଭିଣୋଇକୁ କିଡନାପ କରୁଥିଲେ ଶଳା, ଅଧାବାଟରେ ଓଗାଳିଲା ପୋଲିସ୍‌, ଡିକିରୁ ହାତ-ଗୋଡ଼ ବନ୍ଧା ଅବସ୍ଥାରେ ଉଦ୍ଧାର

ଉତ୍ତରପ୍ରଦେଶ: ଆଗ୍ରାରୁ ଏକ ଆଶ୍ଚର୍ଯ୍ୟଜନକ ଘଟଣା ସାମ୍ନାକୁ ଆସିଛି। ଏଠାରେ ତିନି ଜଣ ଭାଇ ତାଙ୍କ ଭିଣୋଇଙ୍କୁ ଫିଲ୍ମୀ ଷ୍ଟାଇଲରେ ଅପହରଣ କରିଥିଲେ। ସେମାନେ ଭିଣୋଇର ହାତ ଏବଂ ଗୋଡକୁ ରଶିରେ ବାନ୍ଧି ତାଙ୍କ ମୁହଁରେ କପଡା ଗୁଡ଼ାଇ ତାଙ୍କୁ କାରର ଡିକି ରଖି ଦେଇଥିଲେ।

ଶଳା କରୁଥିଲେ ଭିଣୋଇକୁ କିଡନାପ। କିନ୍ତୁ ଅଧା ବାଟରେ ଓଗାଳିଦେଲା ପୋଲିସ। ଷଡଯନ୍ତ୍ରର ହୋଇଗଲା ପର୍ଦ୍ଦାଫାଶ। ପୋଲିସ କାରକୁ ଅଟକାଇ ଭିଣୋଇକୁ ସୁରକ୍ଷିତ ଭାବରେ ଗାଡ଼ି ଡିକିରୁ ବାହାର କରି ଆଣିଥିଲା।

ଭାଇମାନେ ପୋଲିସକୁ କହିଥିଲେ – ସାର୍ ଆମ ଭଉଣୀଙ୍କୁ ଏ ଲୋକ ମାରୁଥିଲା। ଆମେ ତାକୁ ଥାନାକୁ ନେଉଥିଲୁ।ବର୍ତ୍ତମାନ, ଏହି ମାମଲାରେ ପୋଲିସ ଦୁଇ ଜଣଙ୍କୁ ଅଟକ ରଖିଛି।

ମାମଲା ଖଣ୍ଡୌଲିର ଖେରିଆ ଗାଁରୁ। ଭିଣୋଇ ମଦ ପିଇ ଆସି ଭଉଣୀଙ୍କୁ ମାଡ଼ ମାରେ। ଯାହା ଭାଇମାନେ ରାଗିଯାଇ ଭିଣୋଇକୁ ଅପହରଣ କରୁଥିଲେ। କିଛି ଲୋକ କାରକୁ ଅଟକାଇଥିଲେ।

ପୋଲିସକୁ ଏହି ଘଟଣା ବିଷୟରେ ସୂଚନା ପାଇବା ମାତ୍ରେ, ସେମାନେ ତୁରନ୍ତ ଅଞ୍ଚଳକୁ ଘେରାବନ୍ଦୀ କରି ଆଗ୍ରା-ହାଥରସ ରାସ୍ତାରେ ପାଡ୍ରାଓଁ ଗାଁ ନିକଟରେ କାରକୁ ଅଟକାଇ ଦେଇଥିଲେ।

ଯେତେବେଳେ ପୋଲିସ କାରର ଡିକି ଖୋଲିଥିଲା ସେଠାରେ ଉପସ୍ଥିତ ଦୁଇ ପକ୍ଷଙ୍କ ମଧ୍ୟରେ ଝଗଡ଼ା ଆରମ୍ଭ ହେଲା। ଏହି ସମୟରେ ପୋଲିସଙ୍କ ସହ ଧସ୍ତାଧସ୍ତି ମଧ୍ୟ ହୋଇଥିଲା।

ବହୁତ ପରିଶ୍ରମ ପରେ ପୋଲିସ ପରିସ୍ଥିତିକୁ ନିୟନ୍ତ୍ରଣ କରିଥିଲା ଏବଂ ଭିଣୋଇକୁ ସୁରକ୍ଷିତ ଭାବରେ ବାହାର କରିଥିଲା।

ସମ୍ପୂର୍ଣ୍ଣ ଘଟଣା କ’ଣ?
ଖେରିଆ ଗାଁର ବାସିନ୍ଦା ହରଦେବ ସିଂହ ତାଙ୍କ ଅଭିଯୋଗରେ ପୋଲିସକୁ କହିଛନ୍ତି ଯେ ସେ ୨୫ ବର୍ଷ ପୂର୍ବେ ହାଥରସର ଲକ୍ଷ୍ମୀଙ୍କ ସହ ବିବାହ କରିଥିଲେ। ହରଦେବ ଅଭିଯୋଗ କରିଛନ୍ତି ଯେ ତାଙ୍କ ସ୍ତ୍ରୀଙ୍କ ବାପା,ମା ତାଙ୍କ ଜମି ଦଖଲ କରିବାକୁ ଚାହୁଁଛନ୍ତି। ଯାହା କାରଣରୁ ଘରେ ପ୍ରାୟତଃ ଝଗଡ଼ା ହୁଏ।

ହରଦେବଙ୍କ ଅନୁଯାୟୀ, ବୁଧବାର ତାଙ୍କ ସ୍ତ୍ରୀଙ୍କ ସହ ତାଙ୍କର ଝଗଡ଼ା ହୋଇଥିଲା। ଗୁରୁବାର ସକାଳେ ଯେତେବେଳେ ସେ ପୂଜା କରୁଥିଲେ, ତାଙ୍କ ଶଳା ରାଜପାଲ, ସତ୍ୟପାଲ ଏବଂ ଧରମବୀରଙ୍କ ସମେତ ପାଞ୍ଚ ଜଣ ତାଙ୍କ ଘରକୁ ଆସିଥିଲେ। ସେମାନେ ହରଦେବଙ୍କୁ ଧରି ତାଙ୍କ ହାତ ଗୋଡ଼ ବାନ୍ଧି ତାଙ୍କ ମୁହଁରେ କପଡା ଲଗାଇ କାରର ଡିକିରେ ବନ୍ଦ କରି ଦେଇଥିଲେ।

‘ତାଙ୍କୁ ପୋଲିସକୁ ହସ୍ତାନ୍ତର କରିବାକୁ ଚାହୁଁଥିଲି’
ସେହି ସମୟରେ, ହରଦେବଙ୍କ ଶଳା ରାଜପାଲ କହିଥିଲେ ଯେ ତାଙ୍କ ଭିଣୋଇ ହରଦେବ ପ୍ରତିଦିନ ତାଙ୍କ ଭଉଣୀକୁ ମାଡ଼ ମାରୁଛନ୍ତି। ସେ କହିଛନ୍ତି ଯେ ବୁଧବାର ଦିନ ହରଦେବ ତାଙ୍କ ଭଉଣୀକୁ ବହୁତ ମାଡ଼ ମାରିଥିଲେ।

ଯାହା ଯୋଗୁଁ ତାଙ୍କୁ ହସ୍ପିଟାଲରେ ଭର୍ତ୍ତି କରିବାକୁ ପଡିଥିଲା। ସେ ଦାବି କରିଛନ୍ତି ଯେ ଯେତେବେଳେ ସେ ହରଦେବଙ୍କୁ ପୋଲିସ ପାଖକୁ ନେଉଥିଲେ, ସେମାନେ ଝଗଡ଼ା କରିବା ଆରମ୍ଭ କରିଥିଲେ।