IPLରେ ଆଜି ମୁମ୍ବାଇ-ଦିଲ୍ଲୀ ଟକ୍କର: ପ୍ରତିଶୋଧ ଲକ୍ଷ୍ୟରେ ରିଷଭ ପନ୍ତ, ଏମିତି ରହିପାରେ Playing-11
ନୂଆଦିଲ୍ଲୀ: ଆଜି ଆଇପିଏଲ ମହାଲଢେଇରେ ମୁହାଁମୁହିଁ ହେବାକୁ ଯାଉଛନ୍ତି ମୁମ୍ବାଇ ଇଣ୍ଡିଆନ୍ସ ଏବଂ ଦିଲ୍ଲୀ କ୍ୟାପିଟାଲ୍ସ । ଆଇପିଏଲ ଟୁର୍ଣ୍ଣାମେଣ୍ଟର ଦୁଇ ବଡ଼ ଫିନିସରଙ୍କ ମଧ୍ୟରେ ଆଜି ହେବ କଡ଼ା ଟକ୍କର । ଏଥିପାଇଁ ଉଭୟ ଦଳ ରଣନୀତି ପ୍ରସ୍ତୁତ କରି ସାରିଛନ୍ତି । ଅପରାହ୍ନ ୩.୩୦ରେ ହେବାକୁ ଥିବା ଏହି ମ୍ୟାଚରେ ପୂର୍ବ ପରାଜୟର ପ୍ରତିଶୋଧ ନେବାକୁ ମଇଦାନକୁ ଓହ୍ଲାଇବ ଦିଲ୍ଲୀ କ୍ୟାପିଟାଲ୍ସ । ଅନ୍ୟ ପକ୍ଷରେ ମ୍ୟାଚ ଜିତି ମୁମ୍ବାଇ ମଧ୍ୟ ପ୍ଲେଅଫ୍ ରେସରେ ରହିବା ପାଇଁ ଉଦ୍ୟମ କରିବ ।
ଆଇପିଏଲ ଇତିହାସରେ ମୁମ୍ବାଇ ଏବଂ ଦିଲ୍ଲୀ ମଧ୍ୟରେ ମୋଟ ୩୪ ଥର ମୁକାବିଲା ହୋଇଛି । ତେବେ ରେକର୍ଡ ଅନୁସାରେ, ମୁମ୍ବାଇ ଦିଲ୍ଲୀ ଉପରେ ଭାରୀ ପଡ଼ିଛି । ୩୪ଟି ମ୍ୟାଚରୁ ମୁମ୍ବାଇ ୧୯ଟି ବିଜୟ ହାସଲ କରିଥିବା ବେଳେ ଦିଲ୍ଲୀ କ୍ୟାପିଟାଲ୍ସ ମାତ୍ର ୧୩ଟି ମ୍ୟାଚରେ ବାଜି ମାରିପାରିଛି । ତେବେ ଚଳିତ ସିଜନରେ ମୁମ୍ବାଇ ପକ୍ଷରୁ ସାମାନ୍ୟ ଦୁର୍ବଳ ପ୍ରଦର୍ଶନ ଦେଖିବାକୁ ମିଳିଛି । ଏହାପରେ ମଧ୍ୟ ପ୍ରଥମ ପର୍ଯ୍ୟାୟରେ ଦିଲ୍ଲୀବିପକ୍ଷରେ ବିଜୟ ହାସଲ କରିଛି ହାର୍ଦ୍ଦିକ ସେନା । ତେଣୁ ଆଜିର ମ୍ୟାଚରେ କିଏ ବାଜି ମାରିବ, ତାହା ଦେଖିବାକୁ ବାକି ରହିଲା ।
ଚଳିତ ସିଜନରେ ଦିଲ୍ଲୀ କ୍ୟାପିଟାଲ୍ସ ବର୍ତ୍ତମାନ ପର୍ଯ୍ୟନ୍ତ ୯ଟି ମ୍ୟାଚରୁ ୪ଟି ବିଜୟ ସହ ପଏଣ୍ଟ ଟେବୁଲର ପଞ୍ଚମ ସ୍ଥାନରେ ରହିଛି । ତେବେ ମୁମ୍ବାଇ ୮ଟି ମ୍ୟାଚରୁ ମାତ୍ର ୩ଟି ବିଜୟ ହାସଲ କରିବାରେ ସଫଳ ହୋଇଛି । ଏହାସହିତ ପଏଣ୍ଟ ଟେବୁଲର ନବମ ସ୍ଥାନରେ ପହଞ୍ଚି ଯାଇଛି ମୁମ୍ବାଇ ଇଣ୍ଡିଆନ୍ସ ।
କେମିତି ରହିବ ଉଭୟ ଦଳର ପ୍ଲେଇଙ୍ଗ-୧୧
ଦିଲ୍ଲୀ କ୍ୟାପିଟାଲ୍ସ: ରିଷଭ ପନ୍ତ(ଅଧିନାୟକ), ପୃଥ୍ୱୀ ଶ’, ଜ୍ୟାକ୍ ଫ୍ରେଜର-ମ୍ୟାକଗର୍କ, ଅଭିଶେକ ପୋରେଲ, ଶାଏ ହୋପ୍, ଟ୍ରିଷ୍ଟନ୍ ଷ୍ଟବ୍ସ, ଅକ୍ଷର ପଟେଲ, କୁଳଦୀପଯାଦବ, ଏନରିକ ନୋକିଆ, ଖଲିଲ ଅହମଦ ଏବଂ ମୁକେଶ କୁମାର
ମୁମ୍ବାଇ ଇଣ୍ଡିଆନ୍ସ: ହାର୍ଦ୍ଦିକ ପାଣ୍ଡ୍ୟା(ଅଧିନାୟକ), ରୋହିତ ଶର୍ମା, ଇଶାନ୍ କିଶାନ୍, ସୂର୍ଯ୍ୟକୁମାର ଯାଦବ, ତିଲକ ବର୍ମା, ଟିମ ଡାଭିଡ, ରୋମରିଓ ଶେଫର୍ଡ, ମହମ୍ମଦ ନବୀ, ଗେରାଲ୍ଡ କୋଏଟଜୀ, ଶ୍ରେୟସ ଗୋପାଲ, ଯଶପ୍ରୀତ ବୁମରାହ
