Spam Calls ଏବଂ ମେସେଜ କରୁଥିବା ଲୋକଙ୍କୁ ତ୍ରାହି ନାହିଁ, TRAI ବ୍ଲକ କଲା ୨.୭୫ ଲକ୍ଷ ମୋବାଇଲ ନମ୍ବର
ନୂଆଦିଲ୍ଲୀ: TRAI ରଙ୍ଗ୍ ନମ୍ବର ଏବଂ ମେସେଜ ପଠାଉଥିବା ଲୋକଙ୍କ ବିରୋଧରେ କଡା କାର୍ଯ୍ୟନୁଷ୍ଠାନ ଗ୍ରହଣ କରି ୨.୭୫ ଲକ୍ଷ ମୋବାଇଲ ନମ୍ବରକୁ ବ୍ଲକ କରିଛି। ଦୂରସଂଚାର ନିୟାମକ ଗତ କିଛି ମାସରୁ ଏକ୍ସେସ ସର୍ଭିସ ପ୍ରୋଭାଇଡର୍ସଙ୍କୁ ଟେଲିମାର୍କେଟିଙ୍ଗର ଲୋକେ ନକଲି କଲ ଏବଂ ମେସେଜ ବିଷୟରେ ଚେତାବନୀ ଦେଉଥିଲା। TRAI ପ୍ରମୁଖ କାର୍ଯ୍ୟାନୁଷ୍ଠାନ ଗ୍ରହଣ କରି, ୫୦ଟି ଟେଲି ମାର୍କେଟିଂ ଆକ୍ସେସ୍ ସେବା ପ୍ରଦାନକାରୀଙ୍କୁ ମଧ୍ୟ ବ୍ଲକ ଲିଷ୍ଟରେ ସାମିଲ କରିଛି। ଏଥି ସହ, ଟେଲିକମ୍ ରେଗୁଲେଟର ଅକ୍ଟୋବର ୧ ରୁ ନୂତନ ନିୟମ ଲାଗୁ କରିବାକୁ ଯାଉଛି, ଯେଉଁଥିରେ ହ୍ୱାଇଟଲିଷ୍ଟ ବିନା ଟେଲି ମାର୍କେଟର କୌଣସି ପ୍ରକାରର URL ଧାରଣ କରିଥିବା ମେସେଜ ପଠାଇ ପାରିବେ ନାହିଁ। ଏହାପୂର୍ବରୁ ଏହାର ଶେଷ ତାରିଖ ୩୧ ଅଗଷ୍ଟ ପର୍ଯ୍ୟନ୍ତ ଥିଲା, ଯାହାକି ୩୦ ସେପ୍ଟେମ୍ବର ୨୦୨୪ ପର୍ଯ୍ୟନ୍ତ ବୃଦ୍ଧି କରାଯାଇଛି।
TRAI ଏହାର ବିବୃତ୍ତିରେ କହିଛି ଯେ, ୨୦୨୪ ର ପ୍ରଥମାର୍ଦ୍ଧରେ ସ୍ପାମ୍ କଲ୍ ର ବୃଦ୍ଧି ଦେଖିବାକୁ ମିଳିଛି। ଚଳିତ ବର୍ଷ ଜାନୁଆରୀରୁ ଜୁନ୍ ମଧ୍ୟରେ ପଞ୍ଜୀକୃତ ହୋଇନଥିବା ଟେଲି ମାର୍କେଟର ବିରୋଧରେ ୭.୯ ଲକ୍ଷରୁ ଅଧିକ ଅଭିଯୋଗ ଗ୍ରହଣ କରାଯାଇଛି। ତେବେ ଏହାକୁ ଦୃଷ୍ଟିରେ ରଖି ନିୟନ୍ତ୍ରକ ୧୩ ଅଗଷ୍ଟ ୨୦୨୪ ରେ ସମସ୍ତ ପ୍ରବେଶ ପ୍ରଦାନକାରୀଙ୍କୁ କଡା ନିର୍ଦ୍ଦେଶ ଦେଇଥିଲେ। SIP, PRI କିମ୍ବା ଅନ୍ୟାନ୍ୟ ଟେଲିକମ୍ ଉତ୍ସ ବ୍ୟବହାର କରି ପଞ୍ଜୀକୃତ ହୋଇନଥିବା ପବ୍ଲିସର କିମ୍ବା ଟେଲି ମାର୍କେଟରରୁ ପ୍ରମୋସନାଲ ଭଏସ୍ କଲ୍ ତୁରନ୍ତ ବନ୍ଦ କରିବାକୁ TRAI ଆକ୍ସେସ୍ ପ୍ରଦାନକାରୀଙ୍କୁ ନିର୍ଦ୍ଦେଶ ଦେଇଛି।