ଜମି ବିବାଦକୁ ନେଇ ତୁମୁଳ କାଣ୍ଡ, ବାପା-ମାଆ ଏବଂ ଭଉଣୀଙ୍କୁ କୁରାଢ଼ିରେ ହତ୍ୟା କଲା ପୁଅ

ନୂଆଦିଲ୍ଲୀ: ଉତ୍ତର ପ୍ରଦେଶର ଗାଜିପୁରରୁ ଏକ ଆଶ୍ଚର୍ଯ୍ୟଜନକ ଘଟଣା ସାମ୍ନାକୁ ଆସିଛି । ଏଠାରେ ଜମି ବିବାଦ ପରେ ଜଣେ ବ୍ୟକ୍ତି ତାଙ୍କ ବାପା, ମାଆ ଏବଂ ଭଉଣୀଙ୍କୁ ହତ୍ୟା କରିଛି । ଘଟଣା ସମ୍ପର୍କରେ ସୂଚନା ପାଇବା ପରେ ପୋଲିସ ଘଟଣାସ୍ଥଳରେ ପହଞ୍ଚି ମୃତଦେହଗୁଡ଼ିକୁ ହେପାଜତକୁ ନେଇ ପୋଷ୍ଟମର୍ଟମ ପାଇଁ ପଠାଇଛି ।

ପୋଲିସ ତଦନ୍ତରୁ ଜଣାପଡିଛି ଯେ ଅଭିଯୁକ୍ତ ବ୍ୟକ୍ତି ତିନି ଜଣଙ୍କୁ କୁରାଢ଼ିରେ କାଟି ହତ୍ୟା କରିଛି । ଘଟଣାଟି ଗାଜିପୁରର ନନ୍ଦଗଞ୍ଜ ଥାନା ଅଞ୍ଚଳର ବୋଲି ଜଣାପଡିଛି ।

କଣ ପାଇଁ ଘଟିଲା ଟ୍ରିପଲ ମର୍ଡର- ପୋଲିସର କହିବା ଅନୁଯାୟୀ, ଅଭିଯୁକ୍ତ ଏବଂ ତାଙ୍କ ପରିବାର ମଧ୍ୟରେ ଜମିକୁ ନେଇ କିଛି ସମୟ ଧରି ବିବାଦ ଚାଲିଥିଲା। ଏହି ବିବାଦ ଅଧୀନରେ ଅଭିଯୁକ୍ତ 3ଜଣଙ୍କୁ ହତ୍ୟା କରିଛି ।  35 ବର୍ଷୀୟ ଯୁବକ ତାଙ୍କ ମାଆ, ଭଉଣୀ ଏବଂ ବାପାଙ୍କୁ ଗୋଡ଼ାଇ ଗୋଡ଼ାଇ କୁରାଢ଼ିରେ ହତ୍ୟା କରିଥିଲା ।

ପଡ଼ୋଶୀଙ୍କଠାରୁ ସୂଚନା ପାଇବା ପରେ ପୋଲିସ ମଧ୍ୟ ଘଟଣାସ୍ଥଳରେ ପହଞ୍ଚିଥିଲା। ଅଭିଯୁକ୍ତ ଯୁବକ ଖସି ପଳାଇ ଯାଇଥିଲା। ପୋଲିସ ତାଙ୍କୁ ଖୋଜିବା ସହିତ ଘଟଣାର ତଦନ୍ତ କରୁଛି ।

ପୋଲିସ 3ଜଣଙ୍କ ମୃତଦେହକୁ ଜବତ କରିଛି । ହତ୍ୟାର କାରଣ ଜମି ବିବାଦ ବୋଲି କୁହାଯାଉଛି । ପଡ଼ୋଶୀଙ୍କ କହିବା ଅନୁସାରେ, ଚିତ୍କାର ଶୁଣି ଆମେ ସେଠାରେ ପହଞ୍ଚିଥିଲୁ। ଆମକୁ ଦେଖି ଅଭିଯୁକ୍ତ ପୁଅ ଦୌଡ଼ି ପଳାଇଗଲା। ମୃତକଙ୍କ ମଧ୍ୟରେ ଶିବରାମ ଯାଦବ (୭୦), ତାଙ୍କ ସ୍ତ୍ରୀ ଜାମୁନି ଦେବୀ (୬୫) ଏବଂ ଝିଅ କୁସୁମ (୩୫) ଅନ୍ତର୍ଭୁକ୍ତ । ଅଭିଯୁକ୍ତଙ୍କ ନାମ ଅଭୟ ହୋଇଥିବା ବେଳେ ତାକୁ ଖୋଜୁଛି ପୋଲିସ ।