ଅଳଙ୍କାର ଦୋକାନକୁ ମାଡ଼ିଗଲା ଟ୍ରକ୍, ଜଣେ ମୃତ
ବଲାଙ୍ଗିର: ଅଳଙ୍କାର ଦୋକାନକୁ ଟ୍ରକ୍ ମାଡ଼ିଯିବାର ଘଟଣା ବର୍ତ୍ତମାନ ସାମ୍ନାକୁ ଆସିଛି । ଏହି ଦୁର୍ଘଟଣାରେ ଅଳଙ୍କାର ଦୋକାନର ସିକ୍ୟୁରିଟି ଗାର୍ଡଙ୍କର ମୃତ୍ୟୁ ଘଟିଛି । ଏହି ଘଟଣାଟି ଟାଉନ ଥାନା ପାଟଣା ଛକ ନିକଟ ଏକ ଅଳଙ୍କାର ଦୋକାନକୁ ମାଡ଼ିଯାଇଛି । ଏଥିସହ ପାଖ ୪ଟି ଦୋକାନର ବୋର୍ଡ ଭାଙ୍ଗିଯାଇଛି । ତେବେ ଏହି ଘଟଣାରେ ଟ୍ରକ୍ ଡ୍ରାଇଭର ନିଶାସକ୍ତ ଥିବାର ସୂଚନା ରହିଛି । ଘଟଣାସ୍ଥଳରେ ପୋଲିସ ପହଞ୍ଚି ଟ୍ରକ୍ ଜବତ ସହ ଡ୍ରାଇଭରକୁ ଅଟକ ରଖିବା ସହ, ଡ୍ରାଇଭରଙ୍କୁ ଜେରା କରାଯାଉଛି ।
ସେହିପରି କେରଳ ଆଲାପୁଝା ଜିଲ୍ଳା କାଲାରକୋଡ ନିକଟରେ ଏକ ମର୍ମନ୍ତୁଦ ସଡ଼କ ଦୁର୍ଘଟଣା ଘଟିଛି। ରବିବାର ବିଳମ୍ବିତ ରାତିରେ ଏକ କାର ଏବଂ କେଏସ୍ଆରଟିସି ବସ୍ ମଧ୍ୟରେ ଦୁର୍ଘଟଣା ହୋଇଥିଲା । ଏହି ଦୁର୍ଘଟଣାରେ ୫ ଜଣ ଡାକ୍ତରୀ ଛାତ୍ରଙ୍କ ମୃତ୍ୟୁ ଘଟିଛି। ପୋଲିସ ସୂତ୍ରରୁ ପ୍ରକାଶ ଯେ, ସୋମବାର ବିଳମ୍ବିତ ରାତିରେ କାଲାରକୋଡ ଅଞ୍ଚଳରେ ରାତି ପ୍ରାୟ ୧୦ଟା ପାଖାପାଖି ଏହି କାର- ବସ୍ ମଧ୍ୟରେ ଭୟଙ୍କର ଦୁର୍ଘଟଣା ହୋଇଥିଲା । ଖବର ପାଇ ରେସ୍କ୍ୟୁ ଟିମ୍ ଘଟଣାସ୍ଥଳରେ ପହଞ୍ଚି ଉଦ୍ଧାର କାର୍ଯ୍ୟ ଜାରି ରଖିଥିଲା। ଏହି ଦୁର୍ଘଟଣାରେ କାରଟି ସମ୍ପୂର୍ଣ୍ଣ କ୍ଷତିଗ୍ରସ୍ତ ହୋଇଥିଲା । ସମସ୍ତ ଗୁୁରୁତରଙ୍କୁ ନିକଟସ୍ଥ ହସ୍ପିଟାଲରେ ଭର୍ତ୍ତି କରାଯାଇଥିଲା । କାରରେ ଥିବା ୭ ଜଣଙ୍କ ମଧ୍ୟରୁ ୫ ଜଣଙ୍କ ଚିକିତ୍ସାଧୀନ ଅବସ୍ଥାରେ ମୃତ୍ୟୁ ଘଟିଛି। ଅପରପକ୍ଷରେ ମେଡିକାଲରେ ୨ ଗୁରୁତରଙ୍କ ଚିକିତ୍ସା ଚାଲିଛି ।