ଗୋଟିଏ ବୟଫ୍ରେଣ୍ଡ ପାଇଁ ୨ ଯୁବତୀଙ୍କ ମଧ୍ୟରେ ଲଢ଼େଇ: ବିଚ୍ ରାସ୍ତାରେ ଚୁଟି ଭିଡ଼ାଭିଡ଼ି ହେବା ସହ…, Video ଭାଇରାଲ

ନୂଆଦିଲ୍ଲୀ: ଇଣ୍ଟରନେଟରେ ଆପଣ ଅନେକ ଖବର ବିଷୟରେ ପ୍ରତିଦିନ ଶୁଣିବାକୁ ପାଉଛନ୍ତି । ଅନେକ ଘଟଣାର ଭିଡିଓ ମଧ୍ୟ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି । ଏପରି ଏକ ଆଶ୍ଚର୍ଯ୍ୟଜନକ ଭିଡିଓ ଏବେ ଭାଇରାଲ ହେବାରେ ଲାଗିଛି । ତେବେ ମହାରାଷ୍ଟ୍ରର ଏକ ବସ ଷ୍ଟପରେ ଏପରି ଘଟଣା ଘଟିଛି, ଯାହା ବିଷୟରେ ଶୁଣି ଆପଣ ମଧ୍ୟ ଆଶ୍ଚର୍ଯ୍ୟ ହୋଇଯିବେ । କୁହାଯାଉଛି କି, ଗୋଟିଏ ବୟଫ୍ରେଣ୍ଡ ଚକ୍କରରେ ୨ ଯୁବତୀଙ୍କ ମଧ୍ୟରେ ଘମାଘୋଟ ଲଢ଼େଇ ହୋଇଥିଲା ।

ଜଣେ ଯୁବକଙ୍କ ସହ ଯେତେବେଳେ ତାଙ୍କ ପ୍ରେମିକା ବସ୍ ଷ୍ଟପରେ ପହଞ୍ଚିଥିଲେ, ସେବେ ମହାଭାରତ ଆରମ୍ଭ ହୋଇଗଲା । କାରଣ ସେହି ଯୁବକର ଆଉ ଜଣେ ପ୍ରେମିକା ବସ୍ ଷ୍ଟପରେ ପହଞ୍ଚିଥିଲେ ଓ ଦୁହିଁଙ୍କୁ ହାତ ଧରାଧରି ହୋଇ ଠିଆ ହୋଇଥିବାର ଦେଖିଦେଇଥିଲେ । ଏହା ପରେ ୨ ଯୁବତୀଙ୍କ ମଧ୍ୟରେ ଯୁକ୍ତିତର୍କ ଆରମ୍ଭ ହୋଇଥିଲା ଓ ଧୀରେ ଧୀରେଏହା ଲଢ଼େଇର ରୂପ ନେଇଗଲା । ସେଠାରେ ଉପସ୍ଥିତ ଥିବା ଲୋକମାନେ ଦୁହିଁଙ୍କ ଝଗଡ଼ା ଦେଖି ଆଶ୍ଚର୍ଯ୍ୟ ହୋଇଥିଲେ ।

ଯେଉଁ ବସ୍ ଷ୍ଟପରେ ଝଗଡ଼ା ହୋଇଥିଲା, ସେଠାରେ ପ୍ରବଳ ଭିଡ଼ ଥିଲା । ଅବଶ୍ୟ ଯୁବତୀଙ୍କ ଝଗଡ଼ାକୁ ଦେଖି ଯୁବକ ଜଣକ ସେଠାରୁ ଫେରାର ହୋଇଥିଲା । ଏହା ପରେ ୨ ଯୁବତୀଙ୍କୁ ପୋଲିସ ଷ୍ଟେସନ ନିଆଯାଇଥିଲା । ସେଠାରେ ଦୁହିଁଙ୍କ କାଉନସଲିଙ୍ଗ ହୋଇଥିଲା ଓ ପରେ ଛାଡ଼ି ଦିଆଯାଇଥିଲା । ସୋସିଆଲ ମିଡିଆରେ ଏହାର ଭିଡିଓ ଏବେ ଖୁବ୍ ଭାଇରାଲ ହେବାରେ ଲାଗିଛି ।