୭୫ କୋଟି ଟଙ୍କାର ମିଲିଟ୍ରି ହେଲିକପ୍ଟରରେ ସେକ୍ସ କରୁଥିବା ବେଳେ ଧରାପଡିଲେ ୨ ସୈନିକ, ନିଶାରେ ଥିଲେ ଚୂର
ନୂଆଦିଲ୍ଲୀ : ବ୍ରିଟେନରେ ଏକ ଆଶ୍ଚର୍ଯ୍ୟଜନକ ଘଟଣାରେ ଦୁଇଜଣ ସୈନିକ ମିଲିଟ୍ରି ହେଲିକପ୍ଟରରେ ସେକ୍ସ କରୁଥିବା ବେଳେ ଧରାପଡିଛନ୍ତି । ଘଟଣା ସମୟରେ ଉଭୟ ସୈନିକ ମଦ ନିଶାରେ ଥିଲେ । ବ୍ରିଟେନର ଗଣମାଧ୍ୟମ ରିପୋର୍ଟ ଅନୁଯାୟୀ, ସାମରିକ ତାଲିମ କ୍ଷେତ୍ରରେ ଏକ ସାମରିକ ଆପାଚେ ହେଲିକପ୍ଟରରେ କିଛି ଅସାଧାରଣ ଗତିବିଧି ଦେଖିବାକୁ ମିଳିଥିଲା ।
ଏହା ପରେ ସେଠାରେ ଥିବା କର୍ମଚାରୀମାନେ ଅନୁସନ୍ଧାନ କରିବାକୁ ନିଷ୍ପତ୍ତି ନେଇଥିଲେ ଏବଂ ଯେତେବେଳେ ସେମାନେ ହେଲିକପ୍ଟର ନିକଟକୁ ଯାଇଥିଲେ ସେମାନେ ଆଶ୍ଚର୍ଯ୍ୟ ହୋଇଯାଇଥିଲେ ।
ସେମାନେ ଜାଣିବାକୁ ପାଇଲେ ଯେ ଦୁଇଜଣ ସୈନିକ ଭିତରେ ଶାରୀରିକ ସମ୍ପର୍କ ରଖୁଛନ୍ତି । ବ୍ରିଟିଶ ସୈ ନିକମାନେ ସେତେବେଳେ ନିଶାରେ ଥିଲେ ବୋଲି ଜଣାଯାଇଛି । ମିରର୍ ରିପୋର୍ଟ ଅନୁଯାୟୀ, ସାମରିକ ହେଲିକପ୍ଟରର ମୂଲ୍ୟ ୮.୫ ନିୟୁତ ୟୁରୋ ଅର୍ଥାତ୍ ପ୍ରାୟ ୭୫ କୋଟି ଟଙ୍କା ଥିଲା ଏବଂ ଏଥିରେ ୩୦ ମିଲିମିଟର ତୋପ ଏବଂ ହେଲଫାୟାର କ୍ଷେପଣାସ୍ତ୍ର ରହିଥିଲା । ଯେତେବେଳେ ଗ୍ରାଉଣ୍ଡ କର୍ମଚାରୀମାନେ ସାମରିକ ହେଲିକପ୍ଟର ସଭିସିଂ କରୁଥିଲେ, ସେହି ସମୟରେ ହଠାତ୍ ରାତିରେ ସେ ରୋଟରରେ କିଛି ଅସାଧାରଣ କାର୍ଯ୍ୟକଳାପ ଦେଖିଲେ ।
