ୟୁଜିସି-ନେଟ୍ ୨୦୨୪ ପେପର ଲିକ୍ ମାମଲା; ବାତିଲ ପରେ ତଦନ୍ତ ଆରମ୍ଭ କଲା CBI
ନୂଆଦିଲ୍ଲୀ: ୟୁଜିସି-ନେଟ୍ ୨୦୨୪ ପ୍ରଶ୍ନପତ୍ର ଲିକ୍ ହେବା ମାମଲା, କେନ୍ଦ୍ର ଶିକ୍ଷା ମନ୍ତ୍ରଣାଳୟ ପରୀକ୍ଷା ବାତିଲ କରିବାର ଦିନକ ପରେ ତଦନ୍ତ ଆରମ୍ଭ କରିଛି ସିବିଆଇ। ୟୁଜିସି ନେଟ୍ ପରୀକ୍ଷାକୁ ନେଇ ବୈଠକ ପରେ ସାଲିସ୍ କରିବା ଅଭିଯୋଗରେ ଜଣେ ଅଜଣା ବ୍ୟକ୍ତିଙ୍କ ବିରୋଧରେ ମାମଲା ରୁଜୁ ହୋଇଛି। ଅପରାଧିକ ଷଡ଼ଯନ୍ତ୍ର ଓ ଠକେଇ ଧାରାରେ ମାମଲା ରୁଜୁ ହୋଇଛି।
ମେ’ ୫ ତାରିଖରେ ଅନୁଷ୍ଠିତ ନିଟ୍-ୟୁଜି ପରୀକ୍ଷାରେ ଅନିୟମିତତା ଅଭିଯୋଗରେ ତୀବ୍ର ସମାଲୋଚନାର ସମ୍ମୁଖୀନ ହୋଇଥିବା ଶିକ୍ଷାମନ୍ତ୍ରୀ ଧର୍ମେନ୍ଦ୍ର ପ୍ରଧାନ ଗୁରୁବାର ଏକ ସାମ୍ବାଦିକ ସମ୍ମିଳନୀରେ କହିଛନ୍ତି ଯେ ୟୁଜିସି-ନେଟ୍ ୨୦୨୪ ପ୍ରଶ୍ନପତ୍ର ଡାର୍କନେଟରେ ଲିକ୍ ହୋଇଛି।
ଶିକ୍ଷାମନ୍ତ୍ରୀ ଗଣମାଧ୍ୟମକୁ କହିଛନ୍ତି ଯେ ଡାର୍କନେଟ୍ ରେ ଥିବା ୟୁଜିସି-ନେଟ୍ ପ୍ରଶ୍ନପତ୍ର ୟୁଜିସି-ନେଟ୍ ପ୍ରଶ୍ନପତ୍ର ୟୁଜିସି-ନେଟ୍ ର ମୂଳ ପ୍ରଶ୍ନପତ୍ର ସହ ମେଳ ଖାଉଛି ବୋଲି ସ୍ପଷ୍ଟ ହେବା ପରେ ଆମେ ପରୀକ୍ଷା ବାତିଲ କରିବାକୁ ନିଷ୍ପତ୍ତି ନେଇଥିଲୁ। ତେବେ ବୁଧବାର ଶିକ୍ଷା ମନ୍ତ୍ରଣାଳୟ ପକ୍ଷରୁ ଏକ ବିବୃତି ଜାରି କରାଯାଇଛି।
ଏହି ବିବୃତିରେ କୁହାଯାଇଛି ଯେ, ପରୀକ୍ଷା ବ୍ୟବସ୍ଥା ଉପରେ ପ୍ରଶ୍ନ ଉଠିଛି। ସେଥିଲାଗି ଆଉଥରେ ପରୀକ୍ଷା କରାଯିବ, ଏଥିପାଇଁ ଆଲଗା ସୂଚନା ପ୍ରଦାନ କରାଯିବ। ଏଥିସହିତ ଏହି ମାମଲାର ଅଧିକ ତଦନ୍ତ ପାଇଁ ସିବିଆଇକୁ ହସ୍ତାନ୍ତର କରାଯାଉଛି ବୋଲି ମନ୍ତ୍ରଣାଳୟ ପକ୍ଷରୁ କୁହାଯାଇଛି।
ୟୁନିଭରସିଟି ଗ୍ରାଣ୍ଟସ୍ କମିସନ (ୟୁଜିସି)ର ଅଧ୍ୟକ୍ଷ ଏମ୍ ଜଗଦେଶ କୁମାରଙ୍କ କହିବାନୁଯାୟୀ, ଏହି ପରୀକ୍ଷା ୩୧୭ଟି ସହରରେ ହୋଇଥିଲା। ୧୧.୨୧ ଲକ୍ଷରୁ ଅଧିକ ପଞ୍ଜୀକୃତ ପ୍ରାର୍ଥୀଙ୍କ ମଧ୍ୟରୁ ପ୍ରାୟ ୮୧% ପ୍ରାଥୀ ନେଟ୍ ପରୀକ୍ଷା ଦେଇଥିଲେ।