ଋଷ ବିରୁଦ୍ଧରେ ୟୁକ୍ରେନ ନେଲା ବଡ ନିଷ୍ପତ୍ତି : ଅନ୍ତରାଷ୍ଟ୍ରୀୟ ନ୍ୟାୟାଳୟର ଦ୍ୱାରସ୍ଥ ହେଲେ ରାଷ୍ଟ୍ରପତି
ନୂଆଦିଲ୍ଲୀ: ୟୁକ୍ରେନ ବିରୁଦ୍ଦରେ ଋଷ ଆକ୍ରମଣ ଜାରି ରଖିଛି । ସମାଧାନର ପ୍ରାୟ ଅନେକ ରାସ୍ତା ବନ୍ଦ ହେବାକୁ ଯାଉଥିବା ବେଳେ ଋଷ ବିରୁଦ୍ଧରେ ଏକ ବଡ ନିଷ୍ପତ୍ତି ନେଇଛି ୟୁକ୍ରେନ । ଅନ୍ତରାଷ୍ଟ୍ରୀୟ ନ୍ୟାୟାଳୟ(ଓଉଔ)ର ଦ୍ୱାରସ୍ଥ ହେବା ପାଇଁ ନିଷ୍ପତ୍ତି ନେଇଛନ୍ତି ରାଷ୍ଟ୍ରପତି ଜେଲେନସ୍କି । ଏହା ସହିତ ଋଷର ଏପରି ଆଚରଣକୁ ଯୁଦ୍ଧ ନୁହେଁ ବରଂ ନରସଂହାରର ରୂପ ଦେଇଛି ୟୁକ୍ରେନ ।
ୟୁକ୍ରେନର ରାଷ୍ଟ୍ରପତି ଜେଲେନସ୍କି ଟ୍ୱିଟ କରି ଏହା କହିଛନ୍ତି ଯେ, ଆକ୍ରୋଶର ଯଥାର୍ଥତା ପାଇଁ ଜାତିସଂଘର ଧାରଣାକୁ ବ୍ୟବହାର କରିବା ଅଭିଯୋଗରେ ଋଷ ଦୋଷୀ ରହିବା ଉଚିତ । ତେବେ ଋଷର ଏହି କାର୍ଯ୍ୟକଳାପକୁ ବନ୍ଦ କରିବା ପାଇଁ ତୁରନ୍ତ ନିଷ୍ପତ୍ତି ନେବାକୁ ଅନୁରୋଧ କରିଛି ୟୁକ୍ରେନ । କେବଳ ସେତିକି ନୁହେଁ, ୟୁକ୍ରେନ ଉପରେ ୟାକ୍ରମଣ କରିବା ଅଭିଯୋଗରେ ଋଷକୁ ଜାତିସଂଘ ସୁରକ୍ଷା ପରିଷଦରୁ ବତାଡିତ କରିବା ଉଚିତ ବୋଲି ଦାବି କରିଛନ୍ତି ରାଷ୍ଟ୍ରପତି ଜେଲେନସ୍କି ।
Ukraine has submitted its application against Russia to the ICJ. Russia must be held accountable for manipulating the notion of genocide to justify aggression. We request an urgent decision ordering Russia to cease military activity now and expect trials to start next week.
— Володимир Зеленський (@ZelenskyyUa) February 27, 2022
ଉଲ୍ଲେଖଯୋଗ୍ୟ ଯେ, ଅନେକ ବିମାନବନ୍ଦର ଏବଂ ଇନ୍ଧନ ଷ୍ଟେସନ ନଷ୍ଟ କରିବା ପରେ ୟୁକ୍ରେନର ଦ୍ୱିତୀୟ ବୃହତ୍ତମ ସହର ଖାର୍କିଭରେ ପଶିଛି ଋଷ ସେନା । ସହରରେ ସୈନ୍ୟମାନଙ୍କ ସହ ଲଢିବା ସହିତ ସାଧାରଣ ଲୋକମାନଙ୍କୁ ଘରୁ ବାହାରକୁ ନ ଯିବାକୁ ଋଷ ସେନା ଧମକ ଦେଇଥିବା କହିଛନ୍ତି ଖାର୍କିଭ ଆଞ୍ଚଳିକ ପ୍ରଶାସନର ମୁଖ୍ୟ ଓଲେହ ସିନେହୁବୋଭ ।