(Video) ଉତ୍ତରାଖଣ୍ଡରେ ଲାଗୁ ହେଲା ୟୁନିଫର୍ମ ସିଭିଲ କୋଡ, ଜାଣନ୍ତୁ କେଉଁ ନିୟମରେ ହେବ ପରିବର୍ତ୍ତନ

ନୂଆଦିଲ୍ଲୀ: ଉତ୍ତରାଖଣ୍ଡରେ ବର୍ତ୍ତମାନ ଏକ ବଡ଼ ଖବର ସାମ୍ନାକୁ ଆସିଛି । ଏଠାରେ ୟୁନିଫର୍ମ ସିଭିଲ କୋଡ ଲାଗୁ କରାଯାଇଛି । ଏଥିସହ ଉତ୍ତରାଖଣ୍ଡ ୟୁସିସି ଲାଗୁ ହୋଇଥିବା ଦେଶର ପ୍ରଥମ ରାଜ୍ୟ ହୋଇଛି । ୟୁସିସି ଲାଗୁ ହେବାରେ ବିଶେଷ ଭାବେ ବିଶେଷ ଭାବେ ସମସ୍ତ ଧର୍ମର ମହିଳାମାନଙ୍କୁ ଏକ ସମାନ ଅଧିକାର ମିଳିବ ।

ୟୁସିସି ପୋର୍ଟାଲ ଏବଂ ନିୟମ ଲଞ୍ଚ ଅବସରରେ କଣ କହିଲେ ମୁଖ୍ୟମନ୍ତ୍ରୀ ପୁଷ୍କର ସିଂହ ଧାମୀ: ଉତ୍ତରାଖଣ୍ଡର ମୁଖ୍ୟମନ୍ତ୍ରୀ ପୁଷ୍କର ସିଂହ ଧାମୀ ୟୁସିସି ପୋର୍ଟାଲ ଏବଂ ନିୟମ ଜାରି କରି କହିଛନ୍ତି ଯେ, ଆଜି ଉତ୍ତରାଖଣ୍ଡରେ ୟୁସିସି ଲାଗୁ କରି ଆମେ ସମ୍ବିଧାନ ନିର୍ମାତା ବାବା ସାହେବ ଭୀମରାଓ ଅମ୍ବେଦକରଙ୍କୁ ଶ୍ରଦ୍ଧାଞ୍ଜଳୀ ଅର୍ପଣ କରୁଛୁ । ଆଜି ଏହି ମୁହୂର୍ତ୍ତରୁ ଉତ୍ତରାଖଣ୍ଡରେ ୟୁସିସି ପୂର୍ଣ୍ଣ ଭାବେ ଲାଗୁ ହୋଇସାରିଛି ।

#WATCH | Dehradun: On the implementation of UCC (Uniform Civil Code), Uttarakhand Chief Minister Pushkar Singh Dhami says, “…If the credit for this goes to anyone, it goes to the people of Devbhoomi Uttarakhand, who blessed us and formed our government. Today, by implementing… pic.twitter.com/VT34Ry0yXW

— ANI (@ANI) January 27, 2025

Uttarakhand Government implements Uniform Civil Code, Uttarakhand, 2024 (Act no 3 of 2024) in the state pic.twitter.com/Sz3Hcxs8Vf

— ANI (@ANI) January 27, 2025

ଉତ୍ତରାଖଣ୍ଡରେ ୟୁସିସି ଲାଗୁ ହେବାରେ କଣ କଣ ପରିବର୍ତ୍ତନ ହେବ:

-UCC ଲାଗୁ ହେବା ପରେ ବିବାହ ପଞ୍ଜିକରଣ ବାଧ୍ୟତାମୂଳକ ହେବ।
-କୌଣସି ଧର୍ମ, ଜାତି କିମ୍ବା ସମ୍ପ୍ରଦାୟ ପାଇଁ ଛାଡପତ୍ରର ସମାନ ନିୟମ ରହିବ।
-ପ୍ରତ୍ୟେକ ଧର୍ମ ଏବଂ ଜାତିର ଝିଅମାନଙ୍କ ପାଇଁ ବିବାହର ସର୍ବନିମ୍ନ ବୟସ 18 ବର୍ଷ ହେବ।
-ସମସ୍ତ ଧର୍ମର ସନ୍ତାନ ଗ୍ରହଣ କରିବାର ଅଧିକାର ରହିବ, ଅନ୍ୟ ଧର୍ମର ପିଲାକୁ ପୋଷ୍ୟ ଭାବେ ଗ୍ରହଣ କରିପାରିବେ ନାହିଁ।
-ଉତ୍ତରାଖଣ୍ଡରେ ହାଲାଲା ଏବଂ ଇଦଦତ ଭଳି ପ୍ରଥା ବନ୍ଦ ହେବ।
-ଯଦି ସ୍ୱାମୀ-ସ୍ତ୍ରୀ ଜୀବିତ ତେବେ ପୁନର୍ବାର ବିବାହ କରିବା ସମ୍ପୂର୍ଣ୍ଣ ନିଷେଧ ହେବ।
-ସମ୍ପତ୍ତିରେ ବାଳକ ଏବଂ ବାଳିକା ସମାନ ଅଂଶ ପାଇବେ।
-ଲିଭ୍ ଇନ୍ ସମ୍ପର୍କ ପାଇଁ ପଞ୍ଜୀକରଣ ଆବଶ୍ୟକ।
-ଯଦି ଲିଭ-ଇନ୍ ସମ୍ପର୍କରେ ଥିବା ଲୋକଙ୍କ ବୟସ 18 ଏବଂ 21 ବର୍ଷରୁ କମ୍, ତେବେ ସେମାନଙ୍କୁ ପିତାମାତାଙ୍କ ସମ୍ମତି ନେବାକୁ ପଡିବ।
-ଲିଭ-ଇନ୍ ବିବାହରୁ ଜନ୍ମ ହୋଇଥିବା ଶିଶୁ ଏକ ବିବାହିତ ଦମ୍ପତିଙ୍କ ସନ୍ତାନ ପରି ସମାନ ଅଧିକାର ପାଇବ।
-ୟୁନିଫର୍ମ ସିଭିଲ କୋଡରୁ ଅନୁସୂଚିତ ଜନଜାତିଙ୍କୁ ବାଦ ଦିଆଯାଇଛି।