(Video)୧୫ ଟଙ୍କାର ମକା ବି କେନ୍ଦ୍ରମନ୍ତ୍ରୀଙ୍କୁ ଲାଗୁଛି ମହଙ୍ଗା: କହିଲେ –‘ଏଠି ମାଗଣାରେ ମିଳୁଛି’
ନୂଆଦିଲ୍ଲୀ: ଅର୍ଥମନ୍ତ୍ରୀ ନିର୍ମଳା ସୀତାରମଣଙ୍କ ଘୋଷଣା ପରେ ମୁଢ଼ି, ଦହି ଆଦିରେ ଜିଏସଟି ଲାଗିଛି, ଯାହାକୁ ନେଇ ଚିନ୍ତାରେ ଜନସାଧାରଣ । ଏହାରି ମଧ୍ୟରେ କେନ୍ଦ୍ରମନ୍ତ୍ରୀ ଫଗଗାନ୍ ସିଂ କୁଲାସ୍ତେଙ୍କ ଏକ ଭିଡିଓ ସୋସିଆଲ ମିଡିଆରେ ଭାଇରାଲ ହୋଇଛି । ଏହି ଭିଡିଓଟି ମଧ୍ୟପ୍ରଦେଶର ମଣ୍ଡଳା ଅଞ୍ଚଳର ବୋଲି ଜଣାପଡିଛି । ସେଠାରେ ମନ୍ତ୍ରୀ ନିଜର କାରକୁ ଅଟକାଇ ରାସ୍ତା କଡ଼ର ପୋଡା ମକାର ମଜା ନେଉଥିବା ଭିଡିଓରେ ଦେଖିବାକୁ ମିଳିଛି ।
ତେବେ ମନ୍ତ୍ରୀଙ୍କୁ ପୋଡା ମକାର ରେଟ୍ ଅଧିକ ମହଙ୍ଗା ଲାଗିଥିଲା । ଗୋଟିଏ ପଟେ ସାଧାରଣ ଜନତା ମୁଢି, ଦହି ପାଇଁ ଜିଏସଟି ଦେଉଥିବା ବେଳେ ମନ୍ତ୍ରୀଙ୍କୁ ମକା ମହଙ୍ଗା ଲାଗୁଥିବା ଶୁଣି ସମସ୍ତେ ଆଶ୍ଚର୍ଯ୍ୟ ହେଉଛନ୍ତି । ଏପରିକି ମକା କିଣିଲା ବେଳେ ମନ୍ତ୍ରୀ କହିଥିଲେ ଯେ, ‘ମକା ତ ମାଗଣାରେ ମିଳୁଛି ।’
କେନ୍ଦ୍ର ପଞ୍ଚାୟତ ଏବଂ ଗ୍ରାମ୍ୟ ଉନ୍ନୟନ ମନ୍ତ୍ରୀ ଫଗଗାନ୍ ସିଂ କୁଲାସ୍ତେ ଖୋଦ୍ ଏହି ଭିଡିଓକୁ ସେୟାର କରିଛନ୍ତି । କିନ୍ତୁ ସେଚ ନିଜ ପୋଷ୍ଟରେ ମୁଦ୍ରାସ୍ଫୀତି ବିଷୟରେ କିଛି ଉଲ୍ଲେଖ କରିନାହାଁନ୍ତି । କିନ୍ତୁ ଭିଡିଓରେ ଏହା ସ୍ପଷ୍ଟ ଭାବରେ ଶୁଣିବାକୁ ମିଳୁଛି । ସେଥିପାଇଁ ଏବେ ସୋସିଆଲ ଭିଡିଆରେ ଏହି ଭିଡିଓ ଭାଇରାଲ ହେବାରେ ଲାଗିଛି ।
ଏହି ଭିଡିଓରେ ଦେଖିବାକୁ ମିଳିଛି ଯେ, ମନ୍ତ୍ରୀ କୁଲାସ୍ତେ କାରରୁ ଓହ୍ଲାଇବା ମାତ୍ରେ ମକା ଦେବାକୁ କହିଛନ୍ତି । ରେଟ୍ ପଚାରିବା ପରେ ସେ ତିନୋଟି ମକାର ଦାମ୍ ୪୫ ଟଙ୍କା ବୋଲି କହିଥିଲେ । ଅର୍ଥାତ୍ ଗୋଟିଏ ମକାର ଦାମ୍ ୧୫ ଟଙ୍କା ବୋଲି ବିକ୍ରି କରୁଥିବା ଯୁବକ ଜଣକ କହିଥିଲେ । ଏହାକୁ ନେଇ ଫାଗଗାନକହିଥିଲେ ଯେ, ‘ତୁମେ ଏତେ ମହଙ୍ଗାରେ ମକା ଦେଉଛ? ମକା ତ’ ଏଠାରେ ମାଗଣାରେ ମିଳୁଛି ।’
आज सिवनी से मंडला जाते हुए। स्थानीय भुट्टे का स्वाद लिया। हम सभी को अपने स्थानीय किसानों और छोटे दुकानदारों से खाद्य वस्तुओं को ख़रीदना चाहिए। जिससे उनको रोज़गार और हमको मिलावट रहित वस्तुएँ मिलेंगी। @MoRD_GoI @BJP4Mandla @BJP4MP pic.twitter.com/aNsLP2JOdU
— Faggan Singh Kulaste (@fskulaste) July 21, 2022
