UP Police Paper Leak: ଆକ୍ସନ ମୁଡରେ ଯୋଗୀ ସରକାର, ନିଯୁକ୍ତି ବୋର୍ଡର ଚେୟାରମ୍ୟାନଙ୍କୁ ହଟାଇଲେ
Advertisement
ନୂଆଦିଲ୍ଲୀ: ପୋଲିସ ନିଯୁକ୍ତି ବୋର୍ଡର ଅଧ୍ୟକ୍ଷ ରେଣୁକା ମିଶ୍ରଙ୍କୁ ହଟାଇ ତାଙ୍କୁ ଅପେକ୍ଷା ତାଲିକାରେ ରଖିଛନ୍ତି ସରକାର । ୧୯୮୧ ବ୍ୟାଚ୍ ଆଇପିଏସ୍ ଅଧିକାରୀ ରାଜୀବ କୃଷ୍ଣ ବର୍ତ୍ତମାନ ନିଯୁକ୍ତି ବୋର୍ଡର ଅତିରିକ୍ତ ଦାୟିତ୍ୱ ପାଇଛନ୍ତି । ଉତ୍ତରପ୍ରଦେଶରେ ୬୦,୦୦୦ ରୁ ଅଧିକ କନଷ୍ଟେବଳ ନିଯୁକ୍ତି ପଦବୀ ପାଇଁ ୪୮ ଲକ୍ଷରୁ ଅଧିକ ପ୍ରାର୍ଥୀ ଅଂଶଗ୍ରହଣ କରିଥିଲେ । ପେପର ଲିକ୍ ହେବା ପରେ ପରୀକ୍ଷା ବାତିଲ କରାଯାଇଛି ।
ୟୁପି ଏସଟିଏଫ ଅଭିଯୁକ୍ତକୁ ଗିରଫ କରିଛି :-
ୟୁପିର ସମସ୍ତ ୭୫ ଟି ଜିଲ୍ଲାରେ କନଷ୍ଟେବଳ ନିଯୁକ୍ତି ପାଇଁ ଲିଖିତ ପରୀକ୍ଷା ୧୭ ଏବଂ ୧୮ ଫେବୃଆରୀରେ ଅନୁଷ୍ଠିତ ହୋଇଥିଲା । ଏହି ପରୀକ୍ଷାର ପେପର ଲିକ୍ ହୋଇଗଲା । ପରେ ୟୁପି ସରକାର ପରୀକ୍ଷା ବାତିଲ କରିଥିଲେ । ଆହୁରି ମଧ୍ୟ ଏହାକୁ ୬ ମାସ ମଧ୍ୟରେ ପୁନର୍ବାର କରିବାକୁ ନିର୍ଦ୍ଦେଶ ଦିଆଯାଇଛି ।
ଏହି ମାମଲାରେ କାର୍ଯ୍ୟାନୁଷ୍ଠାନ ଗ୍ରହଣ କରି ୟୁପି ଏସଟିଏଫ ମାର୍ଚ୍ଚ ୨ରେ ଆଉ ଦୁଇଜଣ ଅଭିଯୁକ୍ତଙ୍କୁ ଗିରଫ କରିଛି । ଏସଟିଏଫ ସେମାନଙ୍କଠାରୁ ଆଡମିଟ୍ କାର୍ଡ ଏବଂ ଅନ୍ୟାନ୍ୟ ଗୁରୁତ୍ୱପୂର୍ଣ୍ଣ ଡକ୍ୟୁମେଣ୍ଟ୍ ଜବତ କରିଛି । ଏହି ଘଟଣାରେ ବିଭୂତିଖଣ୍ଡ ପୋଲିସ ଷ୍ଟେସନରେ ଏଫ୍ଆଇଆର୍ ରୁଜୁ ହୋଇଛି । ଗିରଫ ଅଭିଯୁକ୍ତଙ୍କ ମଧ୍ୟରେ ପ୍ରୟାଗରାଜର ଅଜୟ ସିଂ ଏବଂ ସୋନୁ ସିଂ ଯାଦବ ସାମିଲ ଅଛନ୍ତି ।