ଭାବିସ୍ବାମୀ ସାମ୍ନାରେ ନାବାଳିକାଙ୍କୁ ଗଣଦୁଷ୍କର୍ମ, 5ଜଣଙ୍କୁ ବାନ୍ଧିଲା ପୋଲିସ
ରାସନ କାର୍ଡ ତିଆରି କରିବାକୁ ଯାଇଥିଲେ,ବାଟରେ ନାବାଳିକାଙ୍କୁ 8 ଜଣ ଦୁଷ୍କର୍ମ କରିଥିବା ଅଭିଯୋଦ
ନୂଆଦିଲ୍ଲୀ: ଉତ୍ତର ପ୍ରଦେଶର କାସଗଞ୍ଜରେ ଏକ ହୃଦୟବିଦାରକ ଘଟଣା ଘଟିଛି । ପିକନିକ୍ ପଏଣ୍ଟ ନାଦରାଇର ସେତୁ ଉପରେ ଭାବି ସ୍ବାମୀଙ୍କ ସହିତ ବସିଥିବା ବେଳେ ନାବାଳିକା ଝିଅକୁ 8 ଜଣ ଦୁର୍ବୃତ୍ତ ନିର୍ମମ ଭାବରେ ବଳାତ୍କାର କରିଥିଲେ ।
ଘଟଣାଟି ଏପ୍ରିଲ ୧୦ ତାରିଖରେ ଘଟିଥିଲା। ଅଭିଯୋଗ ପାଇବା ପରେ ପୋଲିସ କାର୍ଯ୍ୟାନୁଷ୍ଠାନ ଗ୍ରହଣ କରି ୫ ଜଣ ଦୁର୍ବୃତ୍ତଙ୍କୁ ଗିରଫ କରିଥିଲା। ସେହି ସମୟରେ, ବାକି ତିନି ଅପରାଧୀଙ୍କୁ ଖୋଜିବା କାର୍ଯ୍ୟକୁ ଜୋରଦାର କରାଯାଇଛି । ପୀଡିତା ଅଭିଯୋଗ କରିଛନ୍ତି ଯେ ଦୁର୍ବୃତ୍ତମାନେ ତାଙ୍କ ମଙ୍ଗେତରଙ୍କଠାରୁ ଟଙ୍କା, ତାଙ୍କ କାନର ଟପ୍ ଏବଂ ବେକରୁ ଚେନ୍ ଲୁଟି ନେଇଛନ୍ତି ।
ପୀଡିତା ତାଙ୍କ ଅଭିଯୋଗରେ ପୋଲିସକୁ କହିଛନ୍ତି ଯେ ସେ ତାଙ୍କ ମଙ୍ଗେତରଙ୍କ ସହିତ ରାସନ କାର୍ଡ ତିଆରି କରିବାକୁ ଯାଇଥିଲେ । ସେଠାରୁ ଫେରିବା ପରେ ସେତୁରେ ଅଟକି ଖାଦ୍ୟ ଖାଉଥିଲେ । ଏହି ସମୟରେ, ପାଞ୍ଚ ଜଣ ଦୁର୍ବୃତ୍ତ ସେଠାକୁ ଆସି ସେମାନଙ୍କୁ ଧମକ ଦେଇ ତାଙ୍କ ମଙ୍ଗେତରଙ୍କଠାରୁ ୫ ହଜାର ଟଙ୍କା ଛଡ଼ାଇ ନେଇଥିଲେ ।
ଏହା ପରେ, ଅଭିଯୁକ୍ତଙ୍କ ଆଉ ତିନି ଜଣ ସାଥୀ ସେଠାରେ ପହଞ୍ଚିଲେ । ଏହି ଲୋକମାନେ ତାଙ୍କୁ ଏବଂ ତାଙ୍କ ମଙ୍ଗେତରକୁ ଧରି ପିଟିଲେ ଏବଂ ବୁଦା ଭିତରକୁ ଟାଣି ନେଇଗଲେ । ଯେଉଁଠାରେ ତିନି ଜଣ ଦୁର୍ବୃତ୍ତ ତାଙ୍କୁ ଗଣଦୁଷ୍କର୍ମ କରିଥିଲେ।
୫ ଅଭିଯୁକ୍ତ ଗିରଫ- ପୀଡିତାଙ୍କ କହିବା ଅନୁଯାୟୀ, ଅଭିଯୁକ୍ତଙ୍କ କବଳରୁ ମୁକ୍ତ ହେବା ପରେ ଯେତେବେଳେ ସେ ଘରେ ପହଞ୍ଚିଲେ, ସେ ତାଙ୍କ ପରିବାରକୁ ସମ୍ପୂର୍ଣ୍ଣ ଘଟଣା କହିଥିଲେ । କିନ୍ତୁ, ସାମାଜିକ ଲଜ୍ଜା ଯୋଗୁଁ, ସେତେବେଳେ ପୋଲିସରେ ଅଭିଯୋଗ ଦାଖଲ କରାଯାଇ ନଥିଲା।
ପରଦିନ, ଯେତେବେଳେ ପଡ଼ୋଶୀର ଲୋକମାନେ ତାଙ୍କୁ ବୁଝାଇଲେ, ସେ ପୋଲିସ ଷ୍ଟେସନରେ ପହଞ୍ଚିଲେ। କାସଗଞ୍ଜ ଏସପି ଅଙ୍କିତା ଶର୍ମା କହିଛନ୍ତି ଯେ ଘଟଣା ବିଷୟରେ ସୂଚନା ପାଇବା ମାତ୍ରେ ସେ ବିଭିନ୍ନ ପୋଲିସ ଦଳ ଗଠନ କରିଥିଲେ। ଟିମ୍ ଚଢାଉ କରି 5 ଜଣ ଅପରାଧୀଙ୍କୁ ଗିରଫ କରିଛନ୍ତି ।