ଉଜବେକିସ୍ତାନରେ କାଶ ସିରପ ଖାଇ ଶିଶୁଙ୍କ ମୃତ୍ୟୁ ମାମଲା: କମ୍ପାନୀ ବିରୁଦ୍ଧରେ କଡ଼ା କାର୍ଯ୍ୟାନୁଷ୍ଠାନ ନିର୍ଦେଶ ଦେଲା ସ୍ୱାସ୍ଥ୍ୟ ମନ୍ତ୍ରଳାୟ
ନୂଆଦିଲ୍ଲୀ: ଉଜବେକିସ୍ତାନରେ ଭାରତୀୟ କାଶ ସିରପ ଖାଇ ଶିଶୁଙ୍କ ମୃତ୍ୟୁ ହୋଇଥିବା ଅଭିଯୋଗ ହୋଇଛି । ଏହି ମାମଲାରେ କେନ୍ଦ୍ର ସ୍ୱାସ୍ଥ୍ୟ ମନ୍ତ୍ରଳାୟ ତୀକ୍ଷ୍ଣ ନଜର ରଖିଛନ୍ତି । ସ୍ୱାସ୍ଥ୍ୟମନ୍ତ୍ରୀ ମନସୁଖ ମାଣ୍ଡବ୍ୟ ଶୁକ୍ରବାର(୩୦ ଡିସେମ୍ବର) ଟ୍ୱିଟ୍ କରି ଏହି ବିଷୟରେ ତାଙ୍କର ପ୍ରତିକ୍ରିୟା ରଖିଛନ୍ତି । ସେ କହିଛନ୍ତି ଯେ କାଶ ସିରପ ଡକ୍ -୧ ମ୍ୟାକ୍ସରେ ଭୁଲ୍ ରିପୋର୍ଟକୁ ଦୃଷ୍ଟିରେ ରଖି ସ୍ୱାସ୍ଥ୍ୟ ବିଭାଗ ଦଳ ଡିସେମ୍ବର ୨୯ ରାତିରୁ ମାରିଅନ୍ ବାୟୋଟେକ୍ ର ସମସ୍ତ ଔଷଧ ଉତ୍ପାଦନ ବନ୍ଦ କରି ଦେଇଛନ୍ତି । ଏହି ପ୍ରସଙ୍ଗରେ ବର୍ତ୍ତମାନ ଅଧିକ ତଦନ୍ତ ଚାଲିଛି ।
ସୂଚନାଯୋଗ୍ୟ ଉଜବେକିସ୍ତାନରେ କାଶ ସିରପ ଖାଇ ୧୮ ଶିଶୁ ମୃତ୍ୟୁ ବରଣ କରିଥିବା ଅଭିଯୋଗ ହେବା ପରେ ମାରିଅନ୍ ବାୟୋଟେକ୍ କମ୍ପାନୀ ପ୍ରଶ୍ନ ଘେରକୁ ଆସିଥିଲା । ଏଜେବେକିସ୍ତାନର ଏହି ଦାବି ପରେ ଭାରତ ସରକାର ଆଲର୍ଟ ହୋଇଛନ୍ତି । ଶିଶୁଙ୍କ ମୃତ୍ୟୁକୁ ଭାରତୀୟ କାଶ ସିରପ ସହିତ ଯୋଡିବା ପରେ କେନ୍ଦ୍ର ସରକାର ଉଜବେକିସ୍ତାନରେ ଆହତଙ୍କ ସମ୍ପର୍କରେ ଏକ ରିପୋର୍ଟ ମାଗିଛନ୍ତି ।
Following inspection by @CDSCO_INDIA_INF team in view of reports of contamination in cough syrup Dok1 Max, all manufacturing activities of Marion Biotech at NOIDA unit have been stopped yesterday night, while further investigation is ongoing.
— Dr Mansukh Mandaviya (@mansukhmandviya) December 30, 2022
ମାଣ୍ଡବ୍ୟ କହିଛନ୍ତି ଯେ, ନୋଏଡା ସ୍ଥିତ କମ୍ପାନୀର କାଶ ସିରପର ନମୁନା ଚଣ୍ଡିଗଡ଼ରେ ଥିବା ଡ୍ରଗ୍ ଟେଷ୍ଟିଂ ଲାବୋରଟାରୀରେ ଯାଞ୍ଚ ପାଇଁ ପଠାଯାଇଛି । ଏହା ବାଦ୍ ସ୍ୱାସ୍ଥ୍ୟ ବିଭାଗର ଟିମ୍ କାଶ ସିରପ ଡକ୍ -୧ ମ୍ୟାକ୍ସରେ ଭୁଲ୍ ଥିବା ରିପୋର୍ଟକୁ ନଜରରେ ରଖି ଡିସେମ୍ବର ୨୯ ରାତିରୁ ମାରିଅନ୍ ବାୟୋଟେକ୍ ର ସମସ୍ତ ଔଷଧ ଉତ୍ପାଦନ ବନ୍ଦ କରି ଦେଇଛନ୍ତି ।
ସେପଟେ ଉଜବେକିସ୍ତାନର ସ୍ୱାସ୍ଥ୍ୟ ମନ୍ତ୍ରଣାଳୟ ଏକ ବିବୃତ୍ତିରେ କହିଛି ଯେ ମୃତ୍ୟୁବରଣ କରିଥିବା ୧୮ ଜଣ ପିଲା ଡକ୍ -୧ ମ୍ୟାକ୍ସ ସିରପ ଖାଇଛନ୍ତି । ଏହା ନୋଏଡା ଭିତ୍ତିକ ମାରିଅନ୍ ବାୟୋଟେକ୍ ଦ୍ୱାରା ପ୍ରସ୍ତୁତ କରାଯାଇଥିଲା । ସ୍ୱାସ୍ଥ୍ୟ ମନ୍ତ୍ରଣାଳୟ ଦାବି କରିଛି ଯେ ଅନୁସନ୍ଧାନରୁ ଜଣାପଡିଛି ଯେ ମୃତ ଶିଶୁମାନେ ଡାକ୍ତରଖାନାରେ ଭର୍ତ୍ତି ହେବା ପୂର୍ବରୁ ୨-୭ ଦିନ ପାଇଁ ଦିନକୁ ୩-୪ ଥର ଏହି ସିରପ ସେବନ କରିଛନ୍ତି । ସେଥିପାଇଁ ସେ ମୃତ୍ୟୁବରଣ କଲେ । ବର୍ତ୍ତମାନ ଉଜବେକିସ୍ତାନ ସରକାର ଏହି ଘଟଣାର ତଦନ୍ତ କରି ଅଭିଯୁକ୍ତ କମ୍ପାନୀ ବିରୋଧରେ କାର୍ଯ୍ୟାନୁଷ୍ଠାନ ଗ୍ରହଣ କରିବାକୁ ଭାରତ ସରକାରଙ୍କୁ ଦାବି କରିଛନ୍ତି ।
