ଜମ୍ମୁରେ ବର୍ଷା ଭୂସ୍ଖଳନ ଜାରି, ମାତା ବୈଷ୍ଣୋ ଦେବୀ ମାର୍ଗ ବନ୍ଦ
ଚଳିତ ବର୍ଷ ତୃତୀୟ ଥର ପାଇଁ ବନ୍ଦ ହେଲା ମାତା ବୈଷ୍ଣୋ ଦେବୀ ଯାତ୍ରା। ଏଥର ହିମକୋଟିରେ ଭୂସ୍ଖଳନ ଯୋଗୁଁ ରାସ୍ତାରେ 30 ଫୁଟର ପଥର ପଙ୍କ କାଦୁଅ ଜମା ହୋଇଯାଇଛି । ରାସ୍ତାରେ ବଡ଼ ବଡ଼ ପଥର ପଡିଥିବାରୁ ଯାତ୍ରା ବନ୍ଦ କରାଯାଇଛି ।
ଜମ୍ମୁ: ଚଳିତ ବର୍ଷ ତୃତୀୟ ଥର ପାଇଁ ବନ୍ଦ ହେଲା ମାତା ବୈଷ୍ଣୋ ଦେବୀ ଯାତ୍ରା। ଏଥର ହିମକୋଟିରେ ଭୂସ୍ଖଳନ ଯୋଗୁଁ ରାସ୍ତାରେ 30 ଫୁଟର ପଥର ପଙ୍କ କାଦୁଅ ଜମା ହୋଇଯାଇଛି । ରାସ୍ତାରେ ବଡ଼ ବଡ଼ ପଥର ପଡିଥିବାରୁ ଯାତ୍ରା ବନ୍ଦ କରାଯାଇଛି ।
ଜମ୍ମୁ-କାଶ୍ମୀରରେ ପ୍ରବଳ ବର୍ଷା ଯୋଗୁଁ ମାତା ବୈଷ୍ଣୋ ଦେବୀଙ୍କ ଯାତ୍ରା ପୁଣଇଥରେ ବନ୍ଦ କରିଦିଆଯାଇଛି । ଏପଟେ ଭୂସ୍ଖଳନ ଯୋଗୁଁ ବ୍ୟାଟେରୀ କାର, କେବୁଲ କାର ଏବଂ ହେଲିକାପ୍ଟର ସେବା ମଧ୍ୟ ବନ୍ଦ କରି ଦିଆଯାଇଛି ।
ଭକ୍ତଙ୍କ ସୁରକ୍ଷାକୁ ଦୃଷ୍ଟରେ ରଖି ଯାତ୍ରାକୁ ପାରମ୍ପରିକ ପୁରୁଣା ମାର୍ଗରେ ଜାରି ରଖାଯାଇଛି ।
ତୀର୍ଥଯାତ୍ରୀଙ୍କ ପାଇଁ ପ୍ରଶାସନର ନିବେଦନ
ପାଣିପାଗକୁ ଦୃଷ୍ଟିରେ ରଖି ସତର୍କ ରହିବାକୁ ଏବଂ କେବଳ ଅନୁମୋଦିତ ରୁଟ୍ ଏବଂ ନିର୍ଦ୍ଦେଶାବଳୀ ପାଳନ କରିବାକୁ ପ୍ରଶାସନ ତୀର୍ଥଯାତ୍ରୀମାନଙ୍କୁ ନିବେଦନ କରିଛି। ଏହା ସହିତ, ତୀର୍ଥଯାତ୍ରୀ ବୋର୍ଡ ଏବଂ ବିପର୍ଯ୍ୟୟ ପରିଚାଳନା ବାହିନୀର ଦଳ
ଘଟଣାସ୍ଥଳରେ ନିୟୋଜିତ ହୋଇଛନ୍ତି ଏବଂ ଭଗ୍ନାବଶେଷ ହଟାଇବା କାର୍ଯ୍ୟ ଦ୍ରୁତ ଗତିରେ ଚାଲିଛି। ପୂର୍ବରୁ ଜୁନ୍ ମାସରେ ମଧ୍ୟ ପ୍ରବଳ ବର୍ଷା ଯୋଗୁଁ ଏହି ରୁଟ୍ ଦୁଇଥର ବନ୍ଦ ହୋଇଯାଇଥିଲା, ଯାହା ଯୋଗୁଁ ତୀର୍ଥଯାତ୍ରୀମାନଙ୍କୁ ଅସୁବିଧାର ସମ୍ମୁଖୀନ ହେବାକୁ ପଡିଥିଲା।
ମଙ୍ଗଳବାର ମଧ୍ୟ ଭୂସ୍ଖଳନ ହୋଇଥିଲା
ମଙ୍ଗଳବାର ମାତା ବୈଷ୍ଣୋଦେବୀ ମନ୍ଦିରର ନୂତନ ରୁଟ୍ ରେ ମଧ୍ୟ ଭୂସ୍ଖଳନ ହୋଇଥିଲା। ରୟାସି ଜିଲ୍ଲାର ତ୍ରିକୁଟା ପାହାଡ଼ ଉପରେ ଭୂସ୍ଖଳନ ଯୋଗୁଁ ରାସ୍ତା ବନ୍ଦ ହୋଇଯାଇଥିଲା।