Big Breaking; ରସୁଲଗଡ଼ ଛକରେ ବିଭତ୍ସ ହତ୍ୟା, ଯୁବକଙ୍କ ମୁଣ୍ଡ କାଟିଦେଲେ ଦୁର୍ବୃତ୍ତ

ଭୁବନେଶ୍ୱର: ରାଜଧାନୀ ଭୁବନେଶ୍ୱରର ରସୁଲଗଡ଼ ଛକରେ ବିଭତ୍ସ ହତ୍ୟା ଘଟିଯାଇଛି । ସକାଳୁ ସକାଳୁ ଜଣେ ଯୁବକଙ୍କୁ ନିର୍ମମ ଭାବରେ ହତ୍ୟା କରାଯାଇଛି । ବିଚ୍ ରାସ୍ତାରେ ଯୁବକଙ୍କୁ ଅତର୍କିତ ଆକ୍ରମଣ କରି ବିଭତ୍ସ ହତ୍ୟା କରିଛନ୍ତି ଦୁର୍ବୃତ୍ତ ।

ଯୁବକଙ୍କ ମୁଣ୍ଡ କାଟ: ଜନଗହଳି ପୂର୍ଣ୍ଣ ରସୁଲଗଡ଼ ଛକରେ ଜଣେ ଯୁବକଙ୍କୁ ଧାରୁଆ ଅସ୍ତ୍ରରେ ଆକ୍ରମଣ ହୋଇଛି । କିଛି ଦୁର୍ବୃତ୍ତ ଯୁବକଙ୍କ ମୁଣ୍ଡ କାଟି ଦେଇଥିବା ଜାଣିବାକୁ ମିଳିଛି । ଏହାବ୍ୟତୀତ ବେକ ଓ ଗୋଡ଼ରେ ମଧ୍ୟ ଆଘାତ ଲାଗିଛି ।

ମିଳିନି ପରିଚୟ: ଆକ୍ରମଣରେ ପ୍ରାଣ ହରାଇଥିବା ଯୁବକଙ୍କ ପରିଚୟ ଏଯାବତ୍ ମିଳି ପାରିନାହିଁ । ଏହାବ୍ୟତୀତ ହତ୍ୟାକାଣ୍ଡର କାରଣ ମଧ୍ୟ ଅସ୍ପଷ୍ଟ ରହିଛି ।

କାହିଁକି ଏ ହତ୍ୟାକାଣ୍ଡ: ଦୁର୍ବୃତ୍ତଙ୍କ ଆକ୍ରମଣର ଶିକାର ହୋଇଥିବା ଯୁବକଙ୍କ ପରିଚୟ ମିଳିନଥିବା ବେଳେ ଏହାର କାରଣ ମଧ୍ୟ ଜଣା ପଡ଼ିନାହିଁ । କିଏ ଏବଂ କେଉଁ କାରଣରୁ ଏଭଳି ହତ୍ୟାକାଣ୍ଡ ଘଟାଇଛି, ସେ ନେଇ କୌଣସି ସୂଚନା ମିଳିନାହିଁ ।

ପୋଲିସ କରୁଛି ଛାନଭିନ୍: ହତ୍ୟାକାଣ୍ଡ ପରେ ଘଟଣାସ୍ଥଳରେ ମୃତଦେହ ପଡ଼ି ରହିଥିବା ବେଳେ ପୋଲିସ ପହଞ୍ଚତ ତଦନ୍ତ କାର୍ଯ୍ୟ ଆରମ୍ଭ କରିଛି ।