ମହଙ୍ଗା ପଡିଲା ଲଖୀମପୁର ମନ୍ତବ୍ୟ; ଜାତୀୟ କାର୍ଯ୍ୟକାରିଣୀରୁ ବାଦ ପଡିଲେ ବରୁଣ ଓ ମାନେକା

ନୂଆଦିଲ୍ଳୀ: ଲଖୀମପୁର ହିଂସାକାଣ୍ଡକୁ ନେଇ ବିଜେପି ବିରୋଧି ବୟାନ ବରୁଣ ଗାନ୍ଧୀ ଓ ମାନେକା ଗାନ୍ଧୀଙ୍କୁ ମହଙ୍ଗା ପଡିଛି । ବିବାଦୀୟ ଟ୍ୱିଟ୍ କାରଣରୁ ମା-ପୁଅ ଯୋଡିଙ୍କୁ ବିଜେପି କାର୍ଯ୍ୟକାରିଣୀ ଦଳରୁ ବାଦ ଦିଆଯାଇଛି । ଗୁରୁବାର ବିଜେପି ପକ୍ଷରୁ ୮୦ ଜଣିଆ କାର୍ଯ୍ୟକାରିଣୀ ଦଳ ଘୋଷଣା କରାଯାଇଥିବା ବେଳେ ଏହି ଦୁଇ ନେତାଙ୍କୁ ବାଦ ଦିଆଯାଇଛି । ଲଖୀମପୁର ଖେରୀରେ ହିଂସାକାଣ୍ଡରେ ୮ ଜଣଙ୍କ ପ୍ରାଣହାନି ଘଟିଥିଲା । ୪ ଜଣ କୃଷକଙ୍କ ଓ ଜଣେ ସାମ୍ବାଦିକଙ୍କ ସମେତ ୮ ଜଣଙ୍କ ପ୍ରାଣହାନି ଘଟିଥିଲା । ବିଜେପି କେନ୍ଦ୍ରମନ୍ତ୍ରୀ ଅଜୟ ମିଶ୍ରଙ୍କ ପୁଅ ଗାଡି ଚଢାଇ ୪ ଜଣ ଚାଷୀଙ୍କୁ ମାରିଥିବାର ଅଭିଯୋଗ ଆସିଥିଲା ।

ପିଲିଭିତରୁ ସାଂସଦ ରହିଥିବା ବରୁଣ ଗାନ୍ଧୀ ବିଜେପିର ଏଭଳି ମନୋଭାବକୁ ସମାଲୋଚନା କରିଥିଲେ । ବରୁଣ ଟ୍ୱିଟ କରି ଲେଖିଥିଲେ କି ଭିଡିଓରୁ ସ୍ପଷ୍ଟ ପ୍ରମାଣିତ ହେଉଛି କି ହତ୍ୟା ଦ୍ୱାରା ଆପଣ କୌଣସି ଆନ୍ଦୋଳନକୁ ଦବାଇ ପାରିବେ ନାହିଁ । ସରକାର ଏହାର ଜବାବଦାର ରହିବା ଆବଶ୍ୟକ ଏବଂ ପୀଡିତଙ୍କୁ ନ୍ୟାୟ ମିଳିବା ଉଚିତ ବୋଲି ବରୁଣ ଟ୍ୱିଟ କରିଥିଲେ ।

The video is crystal clear. Protestors cannot be silenced through murder. There has to be accountability for the innocent blood of farmers that has been spilled and justice must be delivered before a message of arrogance and cruelty enters the minds of every farmer. ???? pic.twitter.com/Z6NLCfuujK

— Varun Gandhi (@varungandhi80) October 7, 2021