(Video): ଏଇୟା ଦେଖିବାକୁ ବାକି ଥିଲା…ମେଟ୍ରୋରେ ଚାଲିଛି ତାସ୍ ଖେଳ, ମଜା ନେଉଛନ୍ତି ଲୋକେ
ଓଡ଼ିଶା ଭାସ୍କର: ସୋସିଆଲ ମିଡିଆରେ ଅନେକ ଫଟୋ ଏବଂ ଭିଡିଓ ଭାଇରାଲ ହୋଇଥାଏ । ଅନେକାଂଶରେ ବ୍ୟକ୍ତି ଅଜବ ଗଜବ କାରନାମା କିମ୍ବା ରୀଲ୍ସ ମାଧ୍ୟମରେ ଲୋକଙ୍କ ଦୃଷ୍ଟି ଅକର୍ଷଣ କରିଥାନ୍ତି । ଏହା ପରେ ଲୋକପ୍ରିୟତା ହାସଲ କରିବା ପାଇଁ ବିଭିନ୍ନ ସୋସିଆଲ ମିଡିଆରେ ଏହାକୁ ଅପଲୋଡ କରିଥାନ୍ତି । ନିକଟରେ ମେଟ୍ରୋରୁ ଏଭଳି ଏକ ଭିଡ଼ିଓ ଭାଇରାଲ ହେବାରେ ଲାଗିଛି ଯାହା ଦେଖି ଆପଣ ବି କହିବେ ବାସ୍ ଏଇୟା ଦେଖିବା ବାକି ଥିଲା ।
rocky_paswan_ji ନାମକ ଜଣେ ୟୁଜର ନିଜ ଇନଷ୍ଟାଗ୍ରାମ ଆକାଉଣ୍ଟରେ ଏକ ଭିଡିଓ ଶେୟାର କରିଛନ୍ତି ଯେଉଁଥିରେ ମେଟ୍ରୋ ଭିତରେ କିଛି ଲୋକ ତାସ୍ ଖେଳୁଥିବାର ଦେଖାଦେଇଛି । ଏହି ଲୋକମାନେ ମେଟ୍ରୋକୁ ନିଜ ଆଡ୍ଡା ସ୍ଥଳି ଭାବି ତଳେ ଗାମୁଛା ପକାଇ ଆରାମରେ ତାସ୍ ଖେଳିବାରେ ବ୍ୟସ୍ତ । ଅନ୍ୟ ଯାତ୍ରୀମାନେ ତାସ୍ ଖେଳର ମଜା ନେଉଥିବା ଦେଖାଦେଇଛି । ଏହି ଭିଡିଓକୁ ୫ ହଜାରରୁ ଅଧିକ ଲାଇକ୍ ମିଳିଥିବା ବେଳେ ଅନେକ ୟୁଜର କମେଣ୍ଟ ମଧ୍ୟ କରିଛନ୍ତି । ଜଣେ ୟୁଜର ଲେଖିଛନ୍ତି, ଏହା ମେଟ୍ରୋ ନୁହେଁ ଜୁଆ ଆଡ୍ଡା । ଅନ୍ୟ ୟୁଜର ଲେଖିଛନ୍ତି- ବିହାରିମାନେ କିଛି ବି କରିପାରିବେ ।
View this post on Instagram
