(Video) ନିଜର ପ୍ରଥମ ନିର୍ବାଚନ ବିଜୟ ବେଳର ଭିଡିଓ ସେୟାର କଲେ ମୋଦି: ପୁରୁଣା ସ୍ମୃତିକୁ କଲେ ତାଜା
ଓଡ଼ିଶା ଭାସ୍କର: ଏକ ପୁରୁଣା ଭିଡିଓ ସେୟାର କରି ନିଜର ପୁରୁଣା ସ୍ମୃତିକୁ ତାଜା କରିଛନ୍ତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି। ତେବେ ୨୦୦୨ ଆଜିର ଦିନରେ, ନରେନ୍ଦ୍ର ମୋଦି ରାଜକୋଟରୁ ପ୍ରଥମ ନିର୍ବାଚନରେ ବିଜୟୀ ହୋଇ ଗୁଜରାଟ ବିଧାନସଭାର ସଦସ୍ୟ ହୋଇଥିଲେ। ଏହି ଅବସରରେ ସୋସିଆଲ ମିଡିଆ ଏକ୍ସ’ରେ ସେ ତାଙ୍କର ପ୍ରଥମ ନିର୍ବାଚନ ବିଜୟ ବେଳର ଏକ ଭିଡିଓ ଶେୟାର କରିଛନ୍ତି। ଏଥିରେ ପ୍ରଧାନମନ୍ତ୍ରୀ ମୋଦି କହିଛନ୍ତି ଯେ ରାଜକୋଟ ମୋ ହୃଦୟରେ ସର୍ବଦା ଏକ ସ୍ୱତନ୍ତ୍ର ସ୍ଥାନରେ ରହିବ। “ରାଜକୋଟ ମୋ ହୃଦୟରେ ସର୍ବଦା ଏକ ସ୍ୱତନ୍ତ୍ର ସ୍ଥାନ ପାଇବ। ଏହି ସହରର ଲୋକମାନେ ହିଁ ମୋତେ ବିଶ୍ୱାସ କରୁଥିଲେ ଏବଂ ମୋତେ ମୋର ପ୍ରଥମ ନିର୍ବାଚନରେ ବିଜୟ ଦେଇଥିଲେ। ସେବେଠାରୁ ମୁଁ ସର୍ବଦା ଲୋକମାନଙ୍କୁ ଭଲ ପାଉଥିବି। ମୁଁ ସର୍ବଦାଜନତାଙ୍କ ଆଶା ଆକାଂକ୍ଷା ପୂର୍ଣ୍ଣ କରିବାକୁ କାମ କରିଛି।
ସେ ଏହା ମଧ୍ୟ କହିଛନ୍ତି, ଏହା ଏକ ‘ଆନନ୍ଦଦାୟକ ଘଟଣା’ ଯେ ସେ ଦୁଇ ଦିନ ଏବେ ଗୁଜୁରାଟରେ ଅଛନ୍ତି, ଏହି ସମୟରେ ତାଙ୍କର ରାଜକୋଟରେ ମଧ୍ୟ ଏକ କାର୍ୟ୍ୟକ୍ରମ ହେବ। ପ୍ରଧାନମନ୍ତ୍ରୀ କହିଛନ୍ତି ଯେ ଏଠାରୁ ଦେଶ ପାଇଁ ପାଞ୍ଚଟି ଏମ୍ସ ଲୋକାର୍ପଣ କରାଯିବ।
Rajkot will always have a very special place in my heart. It was the people of this city who put their faith in me, giving me my first ever electoral win. Since then, I have always worked to do justice to the aspirations of the Janta Janardan. It’s also a happy coincidence that I… https://t.co/mhVeNPyDTe
— Narendra Modi (@narendramodi) February 24, 2024
ସୂଚନା ଥାଉକି, ୨୦୦୨ ମସିହା ଫେବୃଆରୀ ୨୪ ତାରିଖରେ ମୋଦି ପ୍ରଥମଥର ବିଧାୟକ ଭାବେ ଗୁଜରାଟ ବିଧାନସଭାରେ ପାଦ ରଖିଥିଲେ। ୨୦୦୨ରେ ରାଜକୋଟ ୨ ନିର୍ବାଚନ ମଣ୍ଡଳୀରେ ଅନୁଷ୍ଠିତ ଉପ-ନିର୍ବାଚନରେ ୧୪,୭୨୮ ଖଣ୍ଡ ଭୋଟ ବ୍ୟବଧାନରେ ସେ ବିଜୟୀ ହୋଇଥିଲେ। ଏହା ମୋଦିଙ୍କ ରାଜନୀତିକ କ୍ୟାରିୟରର ଟର୍ଣ୍ଣିଂ ପଏଣ୍ଟ ଥିଲା। ନିର୍ବାଚନ ପୂର୍ବରୁ ହିଁ ମୋଦି ଗୁଜରାଟର ମୁଖ୍ୟମନ୍ତ୍ରୀ ହୋଇ ସାରିଥିଲେ। ତେବେ ଅକ୍ଟୋବର ୨୦୦୧ ରେ ନରେନ୍ଦ୍ର ମୋଦି ଗୁଜୁରାଟର ମୁଖ୍ୟମନ୍ତ୍ରୀ ଭାବରେ ଶପଥ ଗ୍ରହଣ କରିଥିଲେ ଏବଂ ଏହି ପଦରେ ରହିବାକୁ ତାଙ୍କୁ ୬ ମାସ ମଧ୍ୟରେ ବିଧାନସଭା ସଦସ୍ୟ ହେବା ଆବଶ୍ୟକ ଥିଲା। ରାଜକୋଟରେ ଅନୁଷ୍ଠିତ ଉପ-ନିର୍ବାଚନରେ ସେ ଏହି ବିଜୟ ହାସଲ କରିଥିଲେ।
