Video: ଅଳ୍ପକେ ବର୍ତ୍ତିଗଲା ମହିଳାଙ୍କ ଜୀବନ, ଚଳନ୍ତା ଟ୍ରେନରୁ ଓହ୍ଲାଇବା ସମୟରେ ଖସିପଡିଲେ; କିନ୍ତୁ ଭଗବାନ ସାଜି ବଞ୍ଚାଇଦେଲେ ଯବାନ
ନୂଆଦିଲ୍ଲୀ: ମୁମ୍ବାଇର ବୋରିଭଲି ରେଳ ଷ୍ଟେସନରେ ଟ୍ରେନରୁ ଓହ୍ଲାଇବାକୁ ଚେଷ୍ଟା କରୁଥିବା ସମୟରେ ଜଣେ ମହିଳା ଟ୍ରେନ ଏବଂ ପ୍ଲାଟଫର୍ମ ମଧ୍ୟରେ ପଡ଼ିଯାଇଥିଲେ ଓ ସେଠାରେ ଫସି ଯାଇଥିଲେ । ତା’ପରେ ରେଳବାଇ ପୋଲିସ କର୍ମଚାରୀ ମହିଳା ଯାତ୍ରୀଙ୍କୁ ସୁରକ୍ଷିତ ଭାବରେ ବାହାର କରି ତାଙ୍କ ଜୀବନ ବଞ୍ଚାଇଥିଲେ ।
ରେଳ ସୁରକ୍ଷା କର୍ମଚାରୀଙ୍କୁ ପ୍ରଶଂସା:
ଏହି ସମ୍ପୂର୍ଣ୍ଣ ଘଟଣାର ଭିଡିଓ ସୋସିଆଲ ମିଡିଆରେ ଦ୍ରୁତ ଗତିରେ ଭାଇରାଲ ହେଉଛି, ଯେଉଁଥିରେ ସ୍ପଷ୍ଟ ଭାବରେ ଦେଖାଯାଉଛି ଯେ ମହିଳା ଜଣକ ଟ୍ରେନରୁ ଓହ୍ଲାଉଛନ୍ତି ଏବଂ ତା’ପରେ ସେ ଖସିପଡ଼ି ପ୍ଲାଟଫର୍ମ ମଧ୍ୟରେ ଫସି ଯାଇଛନ୍ତି । ତା’ପରେ ପାଖରେ ଠିଆ ହୋଇଥିବା ଜଣେ ରେଳବାଇ ପୋଲିସ କର୍ମଚାରୀ ମହିଳାଙ୍କୁ ବାହାରକୁ ଆଣିଛନ୍ତି ।
ଏହି ଭିଡିଓଟି ମଧ୍ୟ ଦେଖନ୍ତୁ :
महाराष्ट्र के बोरीवली रेलवे स्टेशन पर एक महिला चलती ट्रेन से उतरते समय असंतुलित होकर गिर पड़ी। वहां मौजूद रेलवे सुरक्षाकर्मी ने तत्परता दिखाते हुए उसे बचा लिया।
कृपया चलती ट्रेन से चढ़ने या उतरने की कोशिश न करें।#MissionJeevanRaksha pic.twitter.com/6R8FALdD0d
— Ministry of Railways (@RailMinIndia) March 9, 2025
ତେବେ ମହିଳା ଜଣକ ଟ୍ରେନରୁ ଓହ୍ଲାଇବା ସମୟରେ ଭାରସାମ୍ୟ ହରାଇ ବସିଥିଲେ, ଯାହା ପରେ ଏହି ଦୁର୍ଘଟଣା ଘଟିଥିଲା । ରେଳ ମନ୍ତ୍ରଣାଳୟ ଏହି ଘଟଣାର ସିସିଟିଭି ଭିଡିଓ ଟ୍ୱିଟରରେ ସେୟାର କରିଛି ।
ଏହି ଭିଡିଓ ସେୟାର କରିବା ସମୟରେ, ରେଳବାଇ ଯାତ୍ରୀମାନଙ୍କୁ ଚଳନ୍ତା ଟ୍ରେନରେ ଚଢ଼ିବାକୁ କିମ୍ବା ଓହ୍ଲାଇବାକୁ ଚେଷ୍ଟା ନ କରିବାକୁ ନିବେଦନ କରିଛି । ଏହା ସହିତ ମହିଳାଙ୍କ ଜୀବନ ବଞ୍ଚାଇବା ପରେ ଅନେକ ୟୁଜର୍ସ ରେଳ ସୁରକ୍ଷା କର୍ମଚାରୀଙ୍କୁ ପ୍ରଶଂସା କରିଛନ୍ତି ।