ପ୍ରକଳ୍ପ ଅଧିକାରୀଙ୍କ ଘରେ ଭିଜିଲାନ୍ସ, ଏକକାଳୀନ ୭ଟି ସ୍ଥାନରେ ଚଢ଼ାଉ

ଭୁବନେଶ୍ୱର: ରାଜ୍ୟରେ ଦୁର୍ନୀତିକୁ ରୋକିବା ଲାଗି ଭିଜିଲାନ୍ସ ଟିମ ସକ୍ରିୟ ରହିଛି । ଅନେକ ସରକାରୀ ଅଫିସରଙ୍କ ଘରେ ଚଢାଉ ପରେ ବର୍ତ୍ତମାନ ବଣାଇ ଆଇଟିଡିଏ ପ୍ରକଳ୍ପ ଅଧିକାରୀଙ୍କ ଘରେ ଭିଜିଲାନ୍ସ ଚଢାଉ ଜାରି ରଖିଥିବା ଜଣାପଡିଛି ।

ଆଇଟିଡିଏ ପ୍ରକଳ୍ପ ଅଧିକାରୀ ବିଶ୍ୱଦର୍ଶୀ ସାହୁଙ୍କ ଘରେ ଭିଜିଲାନ୍ସର ରେଡ୍ ଚାଲିଛି । ଆୟ ବହିର୍ଭୂତ ସମ୍ପତ୍ତି ଠୁଳ ଅଭିଯୋଗରେ ଭିଜିଲାନ୍ସ ଚଢ଼ାଉ ଚଳାଇଛି । ସୂଚନା ମୁତାବକ, ଏକକାଳୀନ ୭ଟି ସ୍ଥାନରେ ଭିଜିଲାନ୍ସ ଟିମର ଚଢାଉ ଚାଲିଛି । ବଣାଇ, ଭୁବନେଶ୍ୱର, ବାଲେଶ୍ୱର ସମେତ ୭ଟି ସ୍ଥାନରେ ରେଡ୍ ଚାଲିଛି ।

କେତେ ପରିମାଣରେ ସମ୍ପତ୍ତି, ଟଙ୍କା ଏବଂ ସୁନା ଗହଣା ଜବତ ହୋଇଛି, ତାହା ଏପର୍ଯ୍ୟନ୍ତ କୌଣସି ସୂଚନା ମିଳି ନାହିଁ। ତେବେ ସଂପୂର୍ଣ୍ଣ ଯାଞ୍ଚ ପରେ ଏହା ସ୍ପଷ୍ଟ ହେବ ବୋଲି କୁହାଯାଇଛି।