ଋଷ-ୟୁକ୍ରେନ ଯୁଦ୍ଧ ମଧ୍ୟରେ ଭିନ୍ନ ଦୃଶ୍ୟ: ବନ୍ଧୁକ ଧରି ଶତ୍ରୁକୁ ଧମକାଇଲେ ନାବାଳକ (See Video)

ୟୁକ୍ରେନ ଉପରେ ଆକ୍ରମଣ ଜାରି ରଖିଛି ଋଷ । ଋଷର ଆକ୍ରମଣରେ ଥରୁଛି ୟୁକ୍ରେନ୍ । ୟୁକ୍ରେନର ସୈନିକଙ୍କ ସହ ଅନେକ ସାଧାରଣ ଲୋକ ମଧ୍ୟ ପ୍ରାଣ ହରାଉଛନ୍ତି । ଆଉ ଏହି ଯୁଦ୍ଧ ବିଭୀଷିକା ମଧ୍ୟରେ ଲକ୍ଷ ଲକ୍ଷ ୟୁକ୍ରେନ ନାଗରିକ ଦେଶ ଛାଡ଼ି ପଡ଼ୋଶୀ ଦେଶରେ ଶରଣ ନେଉଛନ୍ତି । ଅନେକ ୟୁକ୍ରେନବାସୀ ମଧ୍ୟ ହାତରେ ହତିଆର ଧରି ଯୁଦ୍ଧ ମଇଦାନକୁ ଓହ୍ଲାଉଛନ୍ତି । ନିଜ ଦେଶକୁ ବଞ୍ଚାଇବାକୁ କରୁଛନ୍ତି ଉଦ୍ୟମ । ଯୁଦ୍ଧ ଯୋଗୁଁ ଅନେକ ହୃଦୟ ବିଦାରକ ଘଟଣା ଦେଖିବାକୁ ମିଳୁଛି ।

ଏହାରି ମଧ୍ୟରେ ଏକ ଏଭଳି ଦୃଶ୍ୟ ସାମ୍ନାକୁ ଆସିଛି ଯାହାକୁ ଦେଖିଲେ ଆପଣ ଆଶ୍ଚର୍ଯ୍ୟ ହୋଇଯିବେ । କାରଣ ବର୍ତ୍ତମାନ ୟୁକ୍ରେନର ଛୋଟ ପିଲାମାନେ ଏବେ ନିଜ ଦେଶକୁ ରକ୍ଷା କରିବା ପାଇଁ ଉଠାଇଛନ୍ତି ହତିଆର । ସେମାନଙ୍କୁ ଟ୍ରେନିଂ ମଧ୍ୟ ଦିଆଯାଉଛି କିପରି ଏହାକୁ ଚଳାଇବେ ଏବଂ ଲୋଡ କରିବେ । ସେହିଭଳି ଏକ ଛୋଟ ପିଲାର ଭିଡିଓ ଏବେ ଭାଇରାଲ ହେବାରେ ଲାଗିଛି । ଆଉ ଏହି ଭିଡିଓରେ ପିଲାଟି ଏକ ରାଇଫଲ ଧରି ଋଷ ସେନାକୁ ଧମକାଉଛି ଆଉ କହୁଛି ସମୟ ଆସିଲେ ବୋମା ଧରି ଏହି ବନ୍ଧୁକ ଧରି ଶତ୍ରୁକୁ ଆକ୍ରମଣ କରିବି ଆଉ ଦେଶକୁ ବଞ୍ଚାଇବି । ଆଉ ଛୋଟପିଲାର ଏହି ଦେଶପ୍ରେମ ଏବେ ଭାଇରାଲ ହେବାରେ ଲାଗିଛି । ଦେଖନ୍ତୁ ଭିଡିଓ…