Breaking: ଓ୍ୱକଫ ବିଲ୍ ସପକ୍ଷରେ ଭୋଟ୍, ସସ୍ମିତଙ୍କ ବିରୋଧରେ ବିଜେଡି ନେବ କଠୋର କାର୍ଯ୍ୟାନୁଷ୍ଠାନ!

ଭୁବନେଶ୍ୱର: ବିଜେଡିରେ ବଡ଼ କମ୍ପନ। ଦୁଇଫାଳ ହୋଇଗଲା କି ଶଙ୍ଖ। ଓ୍ୱକଫ ବିଲ୍ ସପକ୍ଷରେ ଭୋଟ ଦେଇ ବିବାଦରେ ବିଜେଡିର ରାଜ୍ୟସଭା ସାଂସଦ ସସ୍ମିତ ପାତ୍ର। ତାଙ୍କ ବିରୋଧରେ କାର୍ଯ୍ୟାନୁଷ୍ଠାନ ନେବା ପାଇଁ ନବୀନଙ୍କୁ ଚିଠି ଲେଖିଲେ ବିଜେଡି ବରିଷ୍ଠ ନେତା ପ୍ରଫୁଲ୍ଲ ସାମଲ।

ହଁ ସସ୍ମିତ ପାତ୍ରଙ୍କ ବିରୋଧରେ କାର୍ଯ୍ୟାନୁଷ୍ଠାନ ନେଇ ଦାବି। କାର୍ଯ୍ୟାନୁଷ୍ଠାନ ପାଇଁ ଦାୟୀ କଲେ ବରିଷ୍ଠ ବିଜେଡି ନେତା ପ୍ରଫୁଲ୍ଲ ସାମଲ। ଏଥିପାଇଁ ବିଜେଡି ସୁପ୍ରିମୋ ନବୀନଙ୍କୁ ଚିଠି ଲେଖିଲେ ପ୍ରଫୁଲ୍ଲ।

ଆଜି ଓ୍ୱକଫ ବିଲ୍ ପାରିତ ପାଇଁ ସଂସଦରେ ଭୋଟ୍ ପଡୁଥିବା ବେଳେ, ବିଜେଡି ସାଂସଦ ଏହି ଓ୍ୱକଫ ବିଲ୍ ବିରୋଧରେ ଭୋଟ୍ ଦେଇଥିଲେ। ହେଲେ ବିଜେଡିର ଜଣେ ଆଗଧାଡିର ରାଜ୍ୟସଭା ସାଂସଦ ସସ୍ମିତ୍ ପାତ୍ର କିନ୍ତୁ ଓ୍ୱକଫ ବିଲ୍ ସପକ୍ଷରେ ଭୋଟ୍ ଦେଇଥିଲେ।

ଯାହାକୁ ନେଇ ଅନେକ ଚର୍ଚ୍ଚା ଉଠିଛି। ଆଉ ଏହାରି ଭିତରେ ଓ୍ୱକଫ ବିଲକୁ ସମର୍ଥନ କରିଥିବାରୁ ସସ୍ମିତଙ୍କ ବିରୋଧରେ କାର୍ଯ୍ୟାନୁଷ୍ଠାନ ଦାବି କରିଛନ୍ତି ବିଜେଡି ନେତା ପ୍ରଫୁଲ୍ଲ ସାମଲ।

ପ୍ରଫୁଲ୍ଲ କହିଛନ୍ତି ସଂଖ୍ୟାଲଘୁଙ୍କ ହିତ ପାଇଁ ସବୁବେଳେ ବିଜେଡି କାମ କରି ଆସୁଛି। ହେଲେ ଯେଉଁ ବିଲ୍ ସଂଖ୍ୟା ଲଘୁଙ୍କ ହିତରେ ନୁହେଁ। ସେହି ବିଲ୍ ସପକ୍ଷରେ କିପରି ଭୋଟ୍ ଦେଲେ ସସ୍ମିତ୍। ଏହାସହ ଆହୁରି ମଧ୍ୟ କହିଲେ ସସ୍ମିତଙ୍କ ଆଭିମୁଖ୍ୟ ଦୁଃଖଦାୟକ ଓ ଦୁର୍ଭାଗ୍ୟଜନକ। ତାଙ୍କ ସୋସିଆଲ ମିଡିଆ ପୋଷ୍ଟକୁ ମଧ୍ୟ ନିନ୍ଦା କଲେ ପ୍ରଫୁଲ୍ଲ।