‘ପିଲାଦିନେ ମୋ ବାପା ମୋର ଯୌନ ଶୋଷଣ କରିଥିଲେ, ମୁଁ ଭୟରେ ଖଟ ତଳେ ଲୁଚି ରହିଥିଲି’: ଦିଲ୍ଲୀ ମହିଳା ପ୍ୟାନେଲ ମୁଖ୍ୟ
ନୂଆଦିଲ୍ଲୀ: ଦିଲ୍ଲୀ ମହିଳା କମିଶନ(DCW) ମୁଖ୍ୟ ସ୍ୱାତି ମାଲିୱାଲ ନିଜର ପିତାଙ୍କ ଉପରେ ପିଲାଦିନେ ଯୌନ ଶୋଷଣର ଅଭିଯୋଗ ଲଗାଇଛନ୍ତି। ମହିଳା ଆୟୋଗ ଦ୍ୱାରା ଆୟୋଜିତ ପୁରସ୍କାର ବିତରଣ ଉତ୍ସବରେ ସେ ତାଙ୍କ ସହିତ ଘଟିଥିାବ ଏହି ଘଟଣା ବିଷୟରେ ବର୍ଣ୍ଣନା କରିବାବେଳେ କହିଥିଲେ ଯେ ମୁଁ ପିଲାଦିନେ ମୋ ବାପା ମୋତେ ଯୌନ ନିର୍ଯାତନା ଦେଇଥିଲେ।
ସ୍ୱାତି ମାଲିୱାଲ କହିଛନ୍ତି ‘ସେ ମୋତେ ପିଟୁଥିଲେ, ଯେତେବେଳେ ବି ସେ ଘରକୁ ଆସୁଥିଲେ ମୁଁ ବହୁତ ଡରିଯାଉଥିଲି ଏବଂ ମୁଁ ଖଟ ତଳେ ଲୁଚି ରହିଥିଲି । ତା’ପରେ ମୁଁ ସାରା ରାତି ଯୋଜନା କରିଥିଲି ଯେ ମୁଁ ସେହି ପୁରୁଷମାନଙ୍କୁ ଏକ ଶିକ୍ଷା ଦେବି ଯେଉଁମାନେ ମହିଳା ଏବଂ ଝିଅମାନଙ୍କ ସହିତ ଅସଦାଚରଣ କରନ୍ତି । ମୋ ବାପା ମୋତେ ନିର୍ଦ୍ଦୟ ଭାବରେ ପିଟୁଥିଲେ । ମୁଁ ମୋ ବାପାଙ୍କ ସହିତ ଚତୁର୍ଥ ଶ୍ରେଣୀ ପର୍ଯ୍ୟନ୍ତ ରହୁଥିଲି । ମୁଁ ବିଶ୍ୱାସ କରେ ଯେ ଯେତେବେଳେ ଜଣେ ବ୍ୟକ୍ତି ଅତ୍ୟାଚାରର ଶିକାର ହୁଏ ସେତେବେଳେ ସେ କେବଳ ଅନ୍ୟମାନଙ୍କ ଯନ୍ତ୍ରଣା ବୁଝିପାରନ୍ତି । କେବଳ ସେତେବେଳେ ସେହି ସାହସ ସେହି ବ୍ୟକ୍ତିଙ୍କ ଭିତରେ ଆସେ, ଯାହା ମାଧ୍ୟମରେ ସେ ପୁରା ସିଷ୍ଟମକୁ ହଲାଇ ପାରିବେ । ବୋଧହୁଏ ମୋ ସହିତ ମଧ୍ୟ ସମାନ ଘଟଣା ଘଟିଥିଲା ।’
#WATCH | "I was sexually assaulted by my father when I was a child. He used to beat me up, I used to hide under the bed," DCW chief Swati Maliwal expresses her ordeal alleging her father sexually assaulted her during childhood pic.twitter.com/GsUqKDh2w8
— ANI (@ANI) March 11, 2023
ପୁର୍ବରୁ ମାଲିୱାଲ ତାଙ୍କ ଭଉଣୀ, ମା ଏବଂ ବାରମ୍ବାର ମାଡ ମାରିବା ଏବଂ ଭୟର ବାତାବରଣରେ ଜୀବନଯାପନ ବିଷୟରେ କହିଥିଲେ। କିପରି ତାଙ୍କ ପିଲାଦିନ ତାଙ୍କ ମଦ୍ୟପ ପିତାଙ୍କଠାରୁ ଘରୋଇ ହିଂସାର ଯନ୍ତ୍ରଣା ବହନ କରିଥିଲା।
ଏହା ସହିତ ଦିଲ୍ଲୀରେ ହୋଲି ଦିନ କିଛି ଯୁବକ ଜଣେ ଜାପାନୀ ମହିଳାଙ୍କୁ ରଙ୍ଗ ଲଗାଇବା ବାହାନାରେ ତାଙ୍କୁ ଅସଦାଚରଣ କରିଥିଲେ । ଭାଇରାଲ ଭିଡିଓରୁ ଜଣାପଡିଛି ଯେ ମହିଳା କିପରି ପାଟି କରୁଛନ୍ତି ଏବଂ ସାହାଯ୍ୟ ମାଗୁଛନ୍ତି । ଆମେ ଦିଲ୍ଲୀ ପୋଲିସକୁ ନୋଟିସ ଜାରି କରୁଛୁ । ସେହି ଲୋକଙ୍କୁ ଗିରଫ କରାଯିବା ଉଚିତ୍ ବୋଲି ସ୍ୱାତି ମାଲିୱାଲ କହିଛନ୍ତି ।