ଉଭୟ କେନ୍ଦ୍ର-ରାଜ୍ୟରେ ସରକାର ଗଠନ କରିବୁ; ଇମ୍ରାନ୍ ଖାନ୍ଙ୍କ ଦଳ
ଲାହୋର: ଗୁରୁବାର ଅନୁଷ୍ଠିତ ନିର୍ବାଚନରେ ମୁଖ୍ୟ ଦଳ ଭାବେ ଉଭା ହୋଇଛି ଇମ୍ରାନ୍ ଖାନ୍ଙ୍କ ଦଳ ‘ପାକିସ୍ତାନ ତେହରିକ-ଇ-ଇନସାଫ’। ଉଭୟ କେନ୍ଦ୍ର ଓ ରାଜ୍ୟରେ ସରକାର ଗଠନ କରିବ ବୋଲି ଦାବି କରିଛି। ଗୁରୁବାର ବିଳମ୍ବିତ ରାତିରେ ଅନ୍ତର୍ଜାତୀୟ ନ୍ୟୁଜ୍ ଏଜେନ୍ସି ପିଟିଆଇ ଏକ ବିବୃତିଜାରି କରି କହିଛି, ଏହି ଫଳାଫଳ ପାଇଁ ଇମ୍ରାନ୍ଙ୍କ ଦଳ ବହୁତ ଖୁସି ଥିଲା।
ସେମାନେ କହିଛନ୍ତି ଯେ “ଦେଶର ଅନେକ ନିର୍ବାଚନ ମଣ୍ଡଳୀରେ ଲଗାତାର ପ୍ରତିବନ୍ଧକ ଯୋଗୁଁ ମତଦାନ ପ୍ରକ୍ରିୟା ବିଳମ୍ବିତ ହୋଇଛି। ତେବେ ଭୋଟ ବଳରେ ଇମ୍ରାନ ଖାନ୍ ଏବଂ ତାଙ୍କ ପ୍ରକୃତ ଏଜେଣ୍ଡା ‘ହକିକି ଆଜାଦି’ ଉପରେ ପୂର୍ଣ୍ଣ ବିଶ୍ୱାସ ପ୍ରଦର୍ଶନ କରିଥିବାରୁ ସେମାନେ ଲୋକମାନଙ୍କୁ ପ୍ରଶଂସା କରିଥିଲେ। ପ୍ରାଥମିକ ଫଳାଫଳରେ ଇମ୍ରାନ୍ ଖାନ୍ଙ୍କ ପ୍ରାର୍ଥୀଙ୍କ ବିଜୟ ସ୍ପଷ୍ଟ ହେବା ପରେ, ଫଳାଫଳ ପ୍ରକ୍ରିୟା ଧୀର ହେବା ସହ ରିଟର୍ଣ୍ଣିଂ ଅଫିସରଙ୍କ କାର୍ଯ୍ୟାଳୟରେ କବାଟ ବନ୍ଦ ହେବାର ଖବର ସାମ୍ନାକୁ ଆସିଥିଲା। ଯାହା ଅତ୍ୟନ୍ତ ଚିନ୍ତାଜନକ ଥିଲା। ”
ମୋଟ ୩୩୬ଟି ଆସନ ମଧ୍ୟରୁ ୨୬୬ଟି ଆସନରେ ମତଦାନ ହୋଇଥିଲା। ହେଲେ ବଜୌରରେ ବନ୍ଧୁକ ଆକ୍ରମଣରେ ଜଣେ ପ୍ରାର୍ଥୀଙ୍କ ମୃତ୍ୟୁ ହେବା ପରେ ଗୋଟିଏ ଆସନର ମତଦାନ ସ୍ଥଗିତ ରଖାଯାଇଥିଲା। ଅନ୍ୟ ୬୦ଟି ଆସନ ମହିଳାଙ୍କ ପାଇଁ ସଂରକ୍ଷିତ ଏବଂ ୧୦ଟି ସଂଖ୍ୟାଲଘୁଙ୍କ ପାଇଁ ସଂରକ୍ଷିତ ରହିଛି। ପ୍ରତିନିଧିତ୍ୱ ଆଧାରରେ ବିଜୟୀ ଦଳମାନଙ୍କୁ ଆବଣ୍ଟନ କରାଯିବ, ସେପଟେ ପୂର୍ବତନ ପ୍ରଧାନମନ୍ତ୍ରୀ ନୱାଜ ସରିଫ୍ ଏବଂ ତାଙ୍କ ପିଏମଏଲ-ଏନ୍ କୁ ଟାର୍ଗେଟ କରିଛନ୍ତି ଇମ୍ରାନ୍ଙ୍କ ଦଳ।
