ହାଇଦ୍ରାବାଦରେ ଭୋଟ୍ ଦେବା ପରେ କ’ଣ କହିଲେ ମାଧବୀ ଲତା ଓ ଓୱେସି ?
Advertisement
ହାଇଦ୍ରାବାଦ: ଏଆଇଏମଆଇଏମ ମୁଖ୍ୟ ତଥା ହାଇଦ୍ରାବାଦ ପ୍ରାର୍ଥୀ ଅସଦୁଦ୍ଦିନ ଓୱେସି କହିଛନ୍ତି ଯେ ପ୍ରତ୍ୟେକ ନିର୍ବାଚନ ଏବଂ ଏହାର ପ୍ରସଙ୍ଗ ଅଲଗା ଅଲଗା ଅଟେ । ବିଜେପି ପ୍ରାର୍ଥୀ ନେତ୍ରୀ ମାଧବୀ ଲତା କହିଛନ୍ତି, ଆପଣଙ୍କ (ଭୋଟରଙ୍କ) ଦାୟିତ୍ୱପୂର୍ଣ୍ଣ ପଦକ୍ଷେପ କେବଳ ହାଇଦ୍ରାବାଦକୁ ନୁହେଁ ବରଂ ଦେଶକୁ ଆଗକୁ ନେବ । ଓୱେସି କହିଛନ୍ତି, ଏହି ନିର୍ବାଚନ ପାଞ୍ଚ ବର୍ଷ ପୂର୍ବଭଳି ନୁହେଁ। ପ୍ରତ୍ୟେକ ନିର୍ବାଚନରେ ଭିନ୍ନ ଭିନ୍ନ ଚ୍ୟାଲେଞ୍ଜ ଓ ପ୍ରସଙ୍ଗ ରହିଥାଏ । ଏହା ଏକ ଐତିହାସିକ ସଂସଦୀୟ ନିର୍ବାଚନ । ୨୦୧୯ ରେ ଯେଉଁ ସବୁ ପ୍ରସଙ୍ଗ ଥିଲା ତାହା ଏବେ ପ୍ରସଙ୍ଗ ପାଲଟିଛି । ୨୦୨୪ ନିର୍ବାଚନ ବିଭିନ୍ନ ପ୍ରସଙ୍ଗରେ ଲଢ଼ାଯାଉଛି ।
ହାଇଦ୍ରାବାଦ ଲୋକସଭା ଆସନ ପାଇଁ ଓୱେସିଙ୍କ ବିପକ୍ଷରେ ବିଜେପି ମାଧବୀ ଲତାଙ୍କୁ ପ୍ରାର୍ଥୀ କରିଛି । ମୁଁ ଭୋଟରମାନଙ୍କୁ କହିବାକୁ ଚାହୁଁଛି ଯେ ଆପଣଙ୍କର ଗୋଟିଏ ଦାୟିତ୍ୱପୂର୍ଣ୍ଣ ପଦକ୍ଷେପ ହାଇଦ୍ରାବାଦ, ତେଲେଙ୍ଗାନା ଏବଂ ଦେଶକୁ ଆଗକୁ ନେବ । ତେଲେଙ୍ଗାନା ଓ ହାଇଦ୍ରାବାଦରେ ଦୀର୍ଘ ବର୍ଷ ଧରି ଯେଉଁ ପ୍ରଗତି ହୋଇନାହିଁ, ତାହା ଆପଣଙ୍କ ଦାୟିତ୍ବସମ୍ପନ୍ନ ପଦକ୍ଷେପ ହାସଲ କରିବ । ଅସଦୁଦ୍ଦିନ ଓୱେସି ୨୦୦୪ ରୁ ହାଇଦ୍ରାବାଦ ଲୋକସଭା ଆସନରୁ ସାଂସଦ ଅଛନ୍ତି । ଏହା ପୂର୍ବରୁ ଓୱେସି ୧୯୯୪ ରୁ ୨୦୦୪ ପର୍ଯ୍ୟନ୍ତ ଚାରିମିନାର ବିଧାନସଭା ଆସନରୁ ବିଧାୟକ ଥିଲେ ।