ଅଲିମ୍ପିକ୍ସ ଆୟୋଜନ ପାଇଁ ଭାରତର ପ୍ରୟାସ ଉପରେ କ’ଣ କହିଲେ ଦୁଇଟି ପଦକ ଜିତିଥିବା ମନୁ ଭାକର?

ନୂଆଦିଲ୍ଲୀ: ପ୍ୟାରିସ୍ ଅଲିମ୍ପିକ୍ସରେ ସୁଟିଂ ଇଭେଣ୍ଟରେ ଦୁଇଟି ବ୍ରୋଞ୍ଜ ପଦକ ଜିତିଥିବା ସୁଟର ମନୁ ଭାକର କହିଛନ୍ତି ଯେ ସେ ଏହି କ୍ରୀଡ଼ାକୁ ଭାରତରେ ଆୟୋଜନ କରିବାକୁ ଚାହୁଁଛନ୍ତି । ପ୍ୟାରିସରେ ସାମ୍ବାଦିକମାନଙ୍କ ସହ କଥାବାର୍ତ୍ତା କରି ମନୁ ଭାକର କହିଛନ୍ତି, ମୁଁ ଏହା ଦେଖିବାକୁ ଚାହେଁ । କିନ୍ତୁ ଏହାଠାରୁ ଅଧିକ ମୁଁ ଭାରତକୁ ଅଧିକ ପଦକ ଜିତିବାକୁ ଚାହୁଁଛି । ଅଲିମ୍ପିକ୍ସ ଆୟୋଜନ ନିଶ୍ଚିତ ଭାବେ ଭାରତୀୟ ଆଥଲେଟ୍ମାନଙ୍କ ପାଇଁ ଏକ ବଡ଼ ସୁଯୋଗ ହେବ ।

ଏହା ଅନେକ ପିତାମାତା ଓ ପିଲାଙ୍କୁ ପ୍ରେରଣା ଯୋଗାଇବ । ପ୍ୟାରିସ୍ ଅଲିମ୍ପିକ୍ସରେ ମନୁ ଭାକର ମହିଳା ୧୦ ମିଟର ଏୟାର ପିସ୍ତଲ ଇଭେଣ୍ଟରେ କାଂସ୍ୟ ପଦକ ଜିତିଛନ୍ତି । ଏହାପରେ ମନୁ ଭାକର ଏବଂ ସରବଜୋତ ସିଂହ ମିଶ୍ରିତ ୧୦ ମିଟର ଏୟାର ପିସ୍ତଲରେ କାଂସ୍ୟ ପଦକ ଜିତିଥିଲେ । ଏହାପରେ ସେ ମହିଳା ୨୫ ମିଟର ଏୟାର ପିସ୍ତଲ ଇଭେଣ୍ଟରେ ପଦକ ପାଇବାରୁ ବଞ୍ଚିତ ହୋଇଥିଲେ । ଏହି ପ୍ରତିଯୋଗିତାରେ ସେ ଚତୁର୍ଥ ସ୍ଥାନରେ ରହିଥିଲେ ।