(Video) କ’ଣ ଆପଣ କରୁନାହାନ୍ତି ତ ଏପରି ଭୁଲ, ବ୍ୟକ୍ତିଙ୍କୁ ପେଟ୍ରୋଲ ପମ୍ପରେ ଲାଇଟର ବ୍ୟବହାର କରିବା ପଡିଲା ମହଙ୍ଗା
ଓଡିଶା ଭାସ୍କର : ସୋସିଆଲ ମିଡିଆରେ ପ୍ରତ୍ୟେକ ଦିନ ବିଭିନ୍ନ ପ୍ରକାର ଖବର ଭାଇରାଲ ହୋଇଥାଏ । ସେହି ପରି କିଛି ଭିଡିଓ ଦେଖିବା ପରେ ଲୋକମାନେ ଆଶ୍ଚର୍ଯ୍ୟ ହୋଇଥାନ୍ତି । ଏବେ ସୋସିଆଲ ମିଡିଆରେ ଏପରି ଏକ ଭିଡିଓ ଭାଇରାଲ ହେବାରେ ଲାଗିଛି ଯାହା ଦେଖିବା ପରେ ଆପଣ ମଧ୍ୟ ଆଶ୍ଚର୍ଯ୍ୟ ହୋଇଯିବେ ଏବଂ କହିବେ ଲୋକମାନେ କେତେ ବୋକା । ପେଟ୍ରୋଲ ପମ୍ପରେ ଜଣେ ଯୁବକ ଲାଇଟର ବ୍ୟବହାର କଲେ, ଯାହା ଫଳରେ ତାଙ୍କୁ ଏପରି ପରିଣାମ ଭୋଗିବାକୁ ପଡିଲା ସେ ଆଉ କେବେ ଏହି ଭୂଲ କରିବେ ନାହିଁ ।
ଭାଇରାଲ ଭିଡିଓରେ ଆପଣ ଦେଖିବାକୁ ପାଇବେ ଏହି ଯୁବକ ଜଣଙ୍କ ପେଟ୍ରୋଲ ପମ୍ପରେ ଠିଆ ହୋଇ ତାଙ୍କ ଗାଡିରେ ପେଟ୍ରୋଲ ଭରୁଛନ୍ତି । ପେଟ୍ରୋଲ ଭରିବା ସମୟରେ ତାଙ୍କ ମନକୁ କ’ଣ ଆସିଲା ଯାହା ଫଳରେ ସେ ତାଙ୍କ ପକେଟରୁ ଲାଇଟର ବାହାର କଲେ । ଏହା ପରେ ଯେତେବେଳେ ସେ ଲାଇଟର ଜଳାଇଲେ ସେତେବେଳେ ତାଙ୍କ କଣ୍ଟେନରୁରୁ ପେଟ୍ରୋଲ ବାହାରି ଗାଡି ଜଳିବାକୁ ଲାଗିଲା । ଏହା ପରେ ପେଟ୍ରୋଲର ପାଇପକୁ ବାହାରକୁ ବାହାର କରାଗଲା । କିନ୍ତୁ ପେଟ୍ରୋଲ ଭରା ଯାଉଥିବା ପାଇପକୁ ବାହାରକୁ ବାହାର କରିବା ପରେ ନିଆଁ ଅଧିକ ବ୍ୟାପି ଯାଇଥିଲା । ଭିଡିଓରେ ଦେଖିବାକୁ ପାଇବେ ବ୍ୟକ୍ତି ଜଣଙ୍କ ତାଙ୍କ ଗାଡି ନେଇ ସେଠାରୁ ବାହାରକୁ ବାହାରି ଯାଉଛନ୍ତ ଏବଂ ପେଟ୍ରୋଲ ପମ୍ପରେ ନିଆଁ ଜଳିବାରେ ଲାଗିଛି ।
ଆପଣ ସବୁ ପେଟ୍ରୋଲ ପମ୍ପରେ ଦେଖିଥିବେ ସେଠାରେ ଲୋକମାନଙ୍କୁ ସାବଧାନ ରହିବାକୁ କୁହାଯାଇଥାଏ । କାରଣ ପେଟ୍ରୋଲ ପମ୍ପରେ ନିଆଁ ଲାଗିବାର ଅଧିକ ସମ୍ଭାବନା ଥାଏ । ଲାଇଟର , ଦିଆସିଲ ପରି ଜିନିଷ ସେଠାରେ ବ୍ୟବହାର କରିବାକୁ ମନା କରାଯାଇଥାଏ । ଯଦି ଆପଣ କାହାକୁ ସେପରି କରିବାର ଦେଖନ୍ତି ତେବେ ତାଙ୍କୁ ମନା କରନ୍ତୁ । ନ ହେଲେ ଏହାର ପରିଣାମ ଠିକ ହେବ ନାହିଁ ।ସୋସିଆଲ ମିଡିଆ ପ୍ଲାଟଫର୍ମ ଏକ୍ସରେ ଏହି ଭିଡିଓ @LosDarwinAwards ନାମକ ପେଜରୁ ସେୟାର ହୋଇଛି । ୧୮ ଅକ୍ଟୋବରରେ ଏହା ସେୟାର ହୋଇଥିଲା । ଏହାକୁ ଏବେ ପର୍ଯ୍ୟନ୍ତ ଏକ ଲକ୍ଷ ୨୫ ହଜାର ଲୋକ ଦେଖି ସାରିଛନ୍ତି । ଭିଡିଓ ଦେଖିବା ପରେ ଅଧିକାଂଶ ଲୋକ ଏହି ବ୍ୟକ୍ତିଙ୍କୁ ବୋକା ବୋଲି କହୁଛନ୍ତି ।
Cooorreeeeeeee pic.twitter.com/AsSzdStK87
— ¡Los increíbles premios Darwin regresan! (PARODIA) (@LosDarwinAwards) October 18, 2023
