ଏହି ତେଲ ଖାଉଥିଲେ ହୋଇଯାଆନ୍ତୁ ସାବଧାନ! ନଚେତ୍ ହୋଇପାରନ୍ତି ହାର୍ଟଆଟାକର ଶିକାର

ନୂଆଦିଲ୍ଲୀ: ଆଜିକା ସମୟରେ ହୃଦଘାତର ସଂଖ୍ୟା ବୃଦ୍ଧି ପାଇଛି । କମ୍ ବୟସର ଲୋକମାନେ ମଧ୍ୟ ଏହି ସମସ୍ୟାର ସମ୍ମୁଖୀନ ହେଉଛନ୍ତି । ହୃଦଘାତ ସର୍ବଦା କୋଲେଷ୍ଟ୍ରଲ୍ ସ୍ତର ସହିତ ଜଡିତ । ତେବେ ଏପରି କିଛି ତେଲ ରହିଛି ଯାହା ସ୍ବାସ୍ଥ୍ୟ ପ୍ରତି ହାନିକାରକ ହୋଇଥାଏ ।

ଶରୀର ପାଇଁ ଜରୁରୀ ତେଲ- ଡାକ୍ତରଙ୍କ କହିବା ଅନୁସାରେ, ତେଲ ଶରୀର ପାଇଁ ମଧ୍ୟ ଆବଶ୍ୟକ । କିନ୍ତୁ ହାଇଡ୍ରୋଜେନେଟେଡ୍ ତେଲ ଯାହାକୁ ବନସ୍ପତି ଘିଅ କୁହାଯାଏ, ତାହା ଶରୀର ପାଇଁ ବହୁତ କ୍ଷତିକାରକ। କାରଣ ଏହା ଧମନୀ ବନ୍ଦ କରିବାର ଆଶଙ୍କା ରହିଥାଏ ।
ଧମନୀ ବନ୍ଦ ହେବା ଅର୍ଥ ଧମନୀରେ ଅବରୋଧ, ଯାହା ଅର୍ଥ ଧମନୀ ଭିତରେ ପ୍ଲାକ୍ ଜମା ହେବା, ଯାହା ରକ୍ତ ପ୍ରବାହକୁ ହ୍ରାସ କରେ । ଏହା ଏକ ଗମ୍ଭୀର ସମସ୍ୟା, ଯାହା ହୃଦଘାତ କିମ୍ବା ଷ୍ଟ୍ରୋକ ସୃଷ୍ଟି କରିପାରେ। କଠିନ ଚର୍ବି ଅପେକ୍ଷା ତରଳ ଚର୍ବି ଭଲ । କାରଣ ତରଳରେ ମନୋସାଚୁରେଟେଡ୍ ଚର୍ବି ଏବଂ କଠିନରେ ପଲିସାଚୁରେଟେଡ୍ ଚର୍ବି ଥାଏ ।

ପ୍ରତି 6 ମାସରେ ତେଲ ବଦଳାଇବା ଜରୁରୀ- ଅଲିଭ୍ ତେଲ ବହୁତ ମହଙ୍ଗା, ତେଣୁ ସମସ୍ତଙ୍କ ପକ୍ଷେ ଏହା କିଣିବା ସମ୍ଭବ ନୁହେଁ । ଲୋକମାନେ ପ୍ରତି 6 ମାସରେ ଥରେ ତେଲ ପରିବର୍ତ୍ତନ କରିବା ଉଚିତ, ସେମାନେ ସୂର୍ଯ୍ୟମୁଖୀ ତେଲ, ରାଇସବ୍ରାନ ତେଲ କିମ୍ବା ସୋରିଷ ତେଲ ବ୍ୟବହାର କରୁଥା ନ୍ତୁ। ତେବେ ଆବଶ୍ୟକତା ଅନୁସାରେ, ତେଲର ବ୍ୟବହାର ଜରୁରୀ ।