ଏହି ଭିଟାମିନ୍ ଅଭାବରୁ ଧଳା ପଡ଼ୁଛି କେଶ, ହୁଅନ୍ତୁ ଜଲଦି ସାବଧାନ

କମ୍ ବୟସରୁ ଧଳା ପଡ଼ୁଛି କେଶ। ଆଜିକାଲି ଏହା ସମସ୍ତଙ୍କ ପାଇଁ ମୁଣ୍ଡ ବିନ୍ଧା ପାଲଟିଛି। ହେଲେ କାହିଁକି କେଶ ଧଳା ପଡ଼ୁଛି। ଖାଦ୍ୟ, ନାଁ ପାଣି ହେଉଛି ସମସ୍ୟା। ଛୋଟ ଠୁ ବଡ଼ ସମସ୍ତଙ୍କ ପାଇଁ ମୁଣ୍ଡ ବିନ୍ଧା ପାଲଟିଛି ପାଚିଲା କେଶ।

ଆଜିକାଲି ଛୋଟ ପିଲାମାନଙ୍କର କେଶ କମ ବୟସରେ ଧଳା ହେବାରେ ଲାଗିଛି। କିନ୍ତୁ ଯେତେବେଳେ ୬ ବର୍ଷର ପିଲାର ଧଳା କେଶ ଦେଖାଯାଏ, ସେତେବେଳେ ବାପା,ମା ଆଶ୍ଚର୍ଯ୍ୟ ହୋଇଯାଆନ୍ତି।
ଧଳା କେଶ, ଯାହାକୁ ପୂର୍ବରୁ ବାର୍ଦ୍ଧକ୍ୟ ହେବାର ଲକ୍ଷଣ ବୋଲି କୁହଯାଏ। ତାହା ପିଲାଦିନେ ମଧ୍ୟ ଭୟଙ୍କର ହୋଇପାରେ। ଧଳା କେଶ କେବଳ ସୌନ୍ଦର୍ଯ୍ୟ ସହିତ ଜଡିତ ନୁହେଁ, ବରଂ ଏହା ଶରୀରରେ କିଛି ପୁଷ୍ଟିକର ଏବଂ ଭିଟାମିନର ଅଭାବ ହେତୁ ହୋଇପାରେ।

ଏପରି ପରିସ୍ଥିତିରେ, ଯଦି ଆପଣଙ୍କ ପିଲାର କେଶଧଳା ହେଉଛି, ତେବେ ବିଳମ୍ବ ନକରି ଡାକ୍ତରଙ୍କ ସହ ପରାମର୍ଶ କରନ୍ତୁ। ଯଦି ଆପଣ ଏବେ ଧ୍ୟାନ ଦିଅନ୍ତି, ତେବେ ଭବିଷ୍ୟତରେ ଏହାକୁ ରୋକିବା କିମ୍ବା ଧଳା କେଶର ସମସ୍ୟାକୁ ନିୟନ୍ତ୍ରଣ କରିବା ସମ୍ଭବ ହୋଇପାରେ। ଜାଣନ୍ତୁ କେଉଁ ଭିଟାମିନର ଅଭାବ ଧଳା କେଶର କାରଣ?

ଶିଶୁମାନଙ୍କଠାରେ ଧଳା କେଶର କାରଣ
ଭିଟାମିନ୍ ଡି ଏବଂ ବି-୧୨ ଅଭାବ: ଯଦି ପିଲାଙ୍କ ଶରୀରରେ ଭିଟାମିନ୍‌-ଡି ଏବଂ ଭିଟାମିନ୍ ବି -୧୨ ର ଅଭାବ ଥାଏ, ତେବେ ଏହା ଧଳା କେଶର ସମସ୍ୟା ସୃଷ୍ଟି କରିପାରେ। ତେଣୁ, ପିଲାମାନଙ୍କୁ ଭିଟାମିନ୍ ଡି ଏବଂ ଭିଟାମିନ୍ ବି ୧୨ ଯୁକ୍ତ ଖାଦ୍ୟ ଦିଅନ୍ତୁ। ଏହି ପୋଷକ ତତ୍ତ୍ୱଗୁଡ଼ିକ ଶରୀର ପାଇଁ ବହୁତ ଗୁରୁତ୍ୱପୂର୍ଣ୍ଣ।

ଶରୀରରେ ଆଇରନ ଅଭାବ ପିଲାମାନଙ୍କର କେଶ ଶୀଘ୍ର ଧଳା ହୋଇପାରେ। ଏହା ବ୍ୟତୀତ, କପର, ଭିଟାମିନ୍‌-ବି ଏବଂ ସୋଡିୟମ୍ ଅଭାବ ମଧ୍ୟ ସମୟ ପୂର୍ବରୁ କେଶକୁ ଧଳା କରାଇଥାଏ। ଏହି ପୁଷ୍ଟିକର ପଦାର୍ଥଗୁଡ଼ିକୁ ଆପଣଙ୍କ ଖାଦ୍ୟରେ ସାମିଲ ନିଶ୍ଚିତ କରନ୍ତୁ।

ଆଣ୍ଟିଅକ୍ସିଡାଣ୍ଟର ଅଭା: ଅକ୍ସିଡେଟିଭ୍ ଚାପ ମେଲାନିନ୍ ମଧ୍ୟ ହ୍ରାସ କରିପାରେ ଏବଂ ସମୟ ପୂର୍ବରୁ କେଶକୁ ଧଳା କରିପାରେ। ଏଥିପାଇଁ ପିଲାମାନଙ୍କ ଖାଦ୍ୟରେ ଯଥାସମ୍ଭବ ସବୁଜ ପନିପରିବା ସାମିଲ କରନ୍ତୁ। ଖାଦ୍ୟରେ ଆଣ୍ଟିଅକ୍ସିଡାଣ୍ଟ ଭରପୂର ଜିନିଷ ସାମିଲ କରନ୍ତୁ।

ଫୋଲିକ୍ ଏସିଡ୍ ଅଭାବ: ପିଲାମାନଙ୍କ ଖାଦ୍ୟରେ ଫୋଲିକ୍ ଏସିଡ୍ ଅଭାବ ମଧ୍ୟ କେଶ ଧଳା କରିପାରେ। କେଶ ଧଳା ହେବାର ସମସ୍ୟା ଦୂର କରିବା ପାଇଁ, ଖାଦ୍ୟରେ ମଟର, ବିନ୍ସ, ବାଦାମ ଏବଂ ଅଣ୍ଡା ସାମିଲ କରନ୍ତୁ। ଏହା ଫୋଲିକ୍ ଏସିଡ୍ ର ଅଭାବକୁ ପୂରଣ କରିପାରିବ।

ଧଳା କେଶକୁ ବଢ଼ିବାରୁ ରୋକିବା ପାଇଁ କ’ଣ ଖାଇବେ: ଖାଦ୍ୟରେ ଯଥାସମ୍ଭବ ସୁସ୍ଥ ଖାଦ୍ୟ ସାମିଲ କରନ୍ତୁ। ପିଲାମାନଙ୍କୁ ଅଳାଁ ଦିଅନ୍ତୁ। ଅଳାଁ କ୍ୟାଲସିୟମ ଏବଂ ଭିଟାମିନ୍ ସିରେ ଭରପୂର।
ଏହା ପ୍ରାକୃତିକ ଭାବରେ କେଶକୁ କଳା ରଖିବାରେ ସାହାଯ୍ୟ କରେ। ଆପଣଙ୍କ ଖାଦ୍ୟରେ ଆୟୋଡିନ୍ ଯୁକ୍ତ ଖାଦ୍ୟ ସାମିଲ କରନ୍ତୁ। ସେମାନଙ୍କୁ ଯଥାସମ୍ଭବ ଗାଜର ଏବଂ କଦଳୀ ଖୁଆନ୍ତୁ।
ରାସାୟନିକ ସାମ୍ପରୁ ପିଲାମାନଙ୍କୁ ରକ୍ଷା କରନ୍ତୁ। କେଶରେ ରକ୍ତ ସଞ୍ଚାଳନ ବଜାୟ ରଖିବା ପାଇଁ ମସାଜ୍ କରନ୍ତୁ। ଏକ ଭଲ ତେଲ ସହିତ ମୁଣ୍ଡର ମସାଜ୍ କରନ୍ତୁ।