ଖେଳିବେନି ଧୋନୀ! ମାହିଙ୍କ ସ୍ଥାନରେ କିଏ ହେବେ ଚେନ୍ନାଇର ଅଧିନାୟକ? ଲିଷ୍ଟରେ ଅଛନ୍ତି ୪ ଖେଳାଳି
ନୂଆଦିଲ୍ଲୀ: ଆଇପିଏଲ-୨୦୨୩ରେ ଚେନ୍ନାଇ ସୁପର କିଙ୍ଗସ ଦମଦାର କମବ୍ୟାକ କରିଛି । ୨୦୨୨ରେ ଖରାପ ପ୍ରଦର୍ଶନ ପରେ ଚଳିତବର୍ଷ ବିଜୟ ଲକ୍ଷ୍ୟରେ ଆଗେଇ ଚାଲିଛି ସିଏସକେ । କିନ୍ତୁ ଦଳ ପାଇଁ ସବୁଠୁ ବଡ ସମସ୍ୟା ପାଲଟିଯାଇଛି ଖେଳାଳିଙ୍କ ଆହତ । ସିଜନ ଆରମ୍ଭରୁ ଜଣକ ପରେ ଜଣେ ଖେଳାଳି ଆହତ ହୋଇ ଡଗ ଆଉଟରେ ବସିତିବାର ଦେଖାଯାଇଛି । ଆଉ ଏହି ଲିଷ୍ଟରେ ବର୍ତ୍ତମାନ ସାମିଲ ହୋଇଛନ୍ତି ନିଜେ ଅଧିନାୟକ ଏମ.ଏସ ଧୋନୀ । ତେବେ ସେ ଦଳରୁ ବାଦ୍ ପଡିଲେ କିଏ ନେବେ ଦଳର ନେତୃତ୍ୱ? ଏ ନେଇ ଏକ ବିରାଟ ପ୍ରଶ୍ନ ସୃଷ୍ଟି ହୋଇଛି ।
ରାଜସ୍ଥାନ ବିପକ୍ଷ ମ୍ୟାଚରେ ପରେ ଚେନ୍ନାଇ ଅଧିନାୟକ ଏମ.ଏସ ଧୋନୀଙ୍କ ଗୋଡରେ ଆଘାତ ଲାଗିଥିବା ଦେଖିବାକୁ ମିଳିଥିଲା । ଆଣଣ୍ଠୁରେ ଲାଗିଥିବା ପୁରୁଣା ଆଘାତରେ ଯନ୍ତ୍ରଣା ଅନୁଭବ କରୁଥିଲେ କ୍ୟାପଟେନ କୁଲ ମାହି । ଚେନ୍ନାଇ ସୁପର କିଙ୍ଗସ ତାଙ୍କର ଏକ ଭିଡିଓ ଅପଲୋଡ କରିଥିଲା, ଯେଉଁଥିରେ ଧୋନୀଙ୍କୁ ଚାଲିବାରେ ଅସୁବିଧା ହେଉଥିବା ଦେଖିବାକୁ ମିଳିଥିଲା । ତେଣୁ ଆସନ୍ତା ମ୍ୟାଚରେ ସେ ଦଳରୁ ବାଦ୍ ପଡିପାରନ୍ତି ବୋଲି ଆଶଙ୍କା କରାଯାଉଛି । ତେବେ ତାଙ୍କ ସ୍ଥାନରେ କିଏ ନେବେ ଚେନ୍ନାଇର ନେତୃତ୍ୱ । ଧୋନୀଙ୍କ ସ୍ଥାନ ନେବା ପାଇଁ ୩ ଜଣ ଖେଳାଳି ଦୌଡରେ ରହିଛନ୍ତି ।
A warrior. A veteran. A champion – The One and Only! 🦁
Full post match 📹 https://t.co/LuLJ13LVt3#CSKvRR #WhistlePodu #Yellove 💛 @msdhoni pic.twitter.com/dgsuPgT92y
— Chennai Super Kings (@ChennaiIPL) April 13, 2023
୧- ଅଜିଙ୍କ୍ୟା ରାହାଣେ: ଚେନ୍ନାଇ ସୁପର କିଙ୍ଗସ ପକ୍ଷରୁ ଚଳିତବର୍ଷ ଡେବ୍ୟୁ କରିଛନ୍ତି ଭାରତର ପୂର୍ବତନ ଉପଅଧିନାୟକ ଅଜିଙ୍କ୍ୟା ରାହାଣେ । ପ୍ରଥମ ବର୍ଷରେ ତାଙ୍କୁ ୨ଟି ସୁଯୋଗ ମିଳିଥିବା ବେଳେ ଉଭୟ ମ୍ୟାଚରେ ସେ ଦମଦାର ଇନିଂସ ଖେଳିଛନ୍ତି । ତେବେ ପୂର୍ବରୁ ସେ ଆଇପିଏଲରେ ରାଜସ୍ଥାନ ଦଳର ଅଧିନାୟକ ରହି ସାରିଛନ୍ତି । ଏହାବ୍ୟତୀତ ଇଣ୍ଡିଆନ କ୍ରିକେଟ ଟିମରେ ମଧ୍ୟ ସେ ଅନେକ ଥର ନେତୃତ୍ୱ ନେଇଛନ୍ତି । ତେଣୁ ତାଙ୍କୁ ଅଧିନାୟକ ଦାୟିତ୍ୱ ଦେଇପାରନ୍ତି ଏମ.ଏସ ଧୋନୀ ।
୨- ମୋଇନ ଅଲୀ: ଇଂଲଣ୍ଡ ତଥା ସିଏସକେର ଷ୍ଟାର ଅଲରାଉଣ୍ଡର ମୋଇନ ଅଲୀଙ୍କ ଧୋନୀଙ୍କ ସ୍ଥାନରେ ଦଳର ନେତୃତ୍ୱ ନେବାର ସୁଯୋଗ ମିଳିପାରେ । ଇଂଲଣ୍ଡ ଦଳର ସେ ଅଧିନାୟକ ପଦରେ ରହି ସାରିଥିବା ବେଳେ ବର୍ତ୍ତମାନ ସେ ଭଲ ଫର୍ମରେ ମଧ୍ୟ ରହିଛନ୍ତି । ତେଣୁ ଧୋନୀ ତାଙ୍କୁ ଏହି ଦାୟିତ୍ୱ ଦେଇପାରନ୍ତି ବୋଲି ଅନୁମାନ କରାଯାଉଛି ।
୩- ରବିନ୍ଦ୍ର ଜାଡେଜା: ତେବେ ସିଏସକେର ଷ୍ଟାର ଅଲରାଉଣ୍ଡର ରବିନ୍ଦ୍ର ଜାଡେଜାଙ୍କୁ ପୁଣିଥରେ ଦଳର ନେତୃତ୍ୱ ଦିଆଯାଇପାରେ ବୋଲି ମଧ୍ୟ ଚର୍ଚ୍ଚା ହେଉଛି । ଗତବର୍ଷ ଜାଡେଜାଙ୍କୁ ଏହି ଦାୟିତ୍ୱ ମିଳିଥିବା ବେଳେ ସେ ଅଧାରୁ ଏହି ଦାୟିତ୍ୱ ଧୋନୀଙ୍କୁ ଫେରାଇ ଦେଇଥିଲେ । ତେଣୁ ଆସନ୍ତା ମ୍ୟାଚରେ ସେ ପୁଣି ଥରେ ନେତୃତ୍ୱ ନେଉଥିବାର ଦେଖିବାକୁ ମିଳିପାରେ ।
୪- ବେନ ଷ୍ଟୋକ୍ସ: ଇଂଲଣ୍ଡ ଦଳର ଟେଷ୍ଟ ଅଧିନାୟକ ବେନ୍ ଷ୍ଟୋକ୍ସ ଅଧିନାୟକ ଭାବରେ ସବୁଠୁ ବଡ ଦାବିଦାର ଦଳରେ ରହିଛନ୍ତି । କିନ୍ତୁ ତାଙ୍କ ଆହତ ସମସ୍ୟାକୁ ଲକ୍ଷ୍ୟ କରି ଆସନ୍ତା ମ୍ୟାଚରେ ତାଙ୍କର ଉପଲବ୍ଧତାକୁ ନେଇ ଆଶଙ୍କା ରହିଛି । ତେବେ ଯଦି ସେ ସୁସ୍ଥ ହୋଇ ଦଳକୁ କମବ୍ୟାକ କରନ୍ତି, ତେବେ ତାଙ୍କୁ ଧୋନୀ ନେତୃତ୍ୱ ହସ୍ତାନ୍ତର କରିପାରନ୍ତି ।
