(VIDEO) କାହିଁକି ପର୍ଯ୍ୟଟକଙ୍କୁ ଆକୃଷ୍ଟ କରୁଛି ବ୍ଲୁ ଗୁମ୍ଫା; ଜାଣନ୍ତୁ ଏହାର ପ୍ରାକୃତିକ ସୌନ୍ଦର୍ଯ୍ୟ ଏବଂ ରହସ୍ୟ ବିଷୟରେ
ନୂଆଦିଲ୍ଲୀ: ବ୍ଲୁ ଗ୍ରୋଟୋ କିମ୍ବା ବ୍ଲୁ ଗୁମ୍ଫା, ଯାହାକି ଏକ ଜଳସ୍ତରୀୟ ସମୁଦ୍ର ଗୁମ୍ଫା । ଏହା ବାଲୁନ୍ ନାମକ ଏକ ଛୋଟ ଉପସାଗରରେ ଅବସ୍ଥିତ । ବ୍ଲୁ ଗ୍ରାଟୋ ବିସେଭୋ ଦ୍ୱୀପର ପୂର୍ବ ପାଶ୍ୱର୍ରେ ପ୍ରାୟ ୪.୫ ନ୍ୟୁଟ୍ରିକାଲ ମାଇଲ୍ କୋମିୟା ଠାରୁ କ୍ରୋଏସିଆ ଆଡ୍ରିଏଟକ ପର୍ଯ୍ୟନ୍ତ ରହିଛି । ଏହା ଭିସ ଦ୍ୱୀପର ୫ କିଲୋମିଟର ଦକ୍ଷିଣ-ପଶ୍ଚିମ କେନ୍ଦ୍ରୀୟ ଡାଲମାଟିନ୍ ଦ୍ୱୀପପୁଞ୍ଜରେ ଅବସ୍ଥିତ । ତେବେ ଗ୍ରୋଟୋ ଆଡ୍ରିଆଟିକର ଏକ ଜଣାଶୁଣା ପ୍ରାକୃତିକ ସୌନ୍ଦର୍ଯ୍ୟ ମଧ୍ୟରୁ ଅନ୍ୟତମ । ଏଠାରେ ଦିନର ଏକ ନିର୍ଦ୍ଦିଷ୍ଟ ସମୟରେ ଦେଖାଯାଉଥିବା ଉଜ୍ଜ୍ୱଳ ନୀଳ ଆଲୋକ କାରଣରୁ ଏହି ବ୍ଲୁ ଗ୍ରୋଟୋ ଏକ ଲୋକପ୍ରିୟ ଶୋ ଗୁମ୍ଫା ନାଁରେ ମଧ୍ୟ ପ୍ରସିଦ୍ଧି ଲାଭ କରିଛି ।
ତେବେ ଏହି ଗୁମ୍ଫା ପ୍ରଥମେ ବରୁନ୍ ଇଉଜେନ୍ ଭନ୍ ରାନସୋନେଡ ଦ୍ୱାରା ବର୍ଣ୍ଣିତ ଏବଂ ବିଚିତ୍ର ସମୁଦ୍ର ପତ୍ତନ ତଳେ ଥିବା ଏକ ପ୍ରାକୃତିକ ପ୍ରବେଶ ପଥ । ଯାହାକି କେବଳ ଗାଧୋଇବା ପାଇଁ ଉପଲବ୍ଧ ଥିଲା । କିନ୍ତୁ ପରବର୍ତ୍ତୀ ମୁହୂର୍ତ୍ତରେ ରାନସୋନେଡଙ୍କ ପରାମର୍ଶକୁ ଆଧାର କରି ୧୮୮୪ ମସିହାରେ ସେହି ପ୍ରାକୃତିକ ଗୁମ୍ଫାରେ ଛୋଟ ଡଙ୍ଗା ପାଇଁ ଯଥେଷ୍ଟ କୃତ୍ରିମ ପ୍ରବେଶ ପଥ ନିର୍ମାଣ କରାଯାଇଥିଲା । ଏହାର ଦକ୍ଷିଣ ପାଶ୍ୱର୍ରେ ଅବସ୍ଥିତ ଗୁମ୍ଫାର ପ୍ରାକୃତିକ ପ୍ରବେଶ ଦ୍ୱାର ଏକ ଛାତର ଛାତ ଉପରେ ଥିବା ଭାଲ୍ଟ ସଦୃଶ ବୋଲି କୁହାଯାଏ । ଗୁମ୍ଫାର ଛାତ ଉପରେ ଏହା ବୁଡାଜାହାଜ ପରି ଖୋଲିବା ଦ୍ୱାରା ସୂର୍ଯ୍ୟ କିରଣ ପ୍ରବେଶ କରି ଗୁମ୍ଫାର ଦୁଇଟି କାନ୍ଥକୁ ସଂଯୋଗ କରୁଥିବା ଏକ ପଥର ଦଣ୍ଡ, ଜଳରାଶି ତଳେ ଉଭୟ ଉପର ଜଳ ଫଟୋଗ୍ରାଫର ଏବଂ ତଳ ଫଟୋଗ୍ରାଫରେ ସ୍ପଷ୍ଟ ଦେଖାଯାଏ ।
ଋତୁ ଉପରେ ନିର୍ଭର କରି ଗୁମ୍ପା ପରିଦର୍ଶନ କରିବାର ନିର୍ଦ୍ଧିଷ୍ଟ ସମୟ ରହିଛି । ଯାହାକି ସକାଳ ୧୧ଟାରୁ ୧୨ଟା ମଧ୍ୟରେ ସିମିତ । ଏହି ସମୟରେ ଗୁମ୍ଫାର ଧଳା ଚଟାଣରୁ ଆସୁଥିବା ଜଳ ମାଧ୍ୟମରେ ସୂର୍ଯ୍ୟ କିରଣ ପ୍ରତିଫଳିତ ହୁଏ ଏବଂ ଗ୍ରୋଟୋକୁ ଆକ୍ୱାମାରାଇନ ଆଲୋକରେ ସ୍ନାନ କରୁଥିବା ବେଳେ ଜଳର ବସ୍ତୁ ଗୁଡିକ ରୂପା ପରି ଦେଖାଯାଏ । ଇଟାଲୀର କାପ୍ରି ଦ୍ୱୀପରେ ଥିବା ବ୍ଲୁ ଗ୍ରୋଟୋ ମଧ୍ୟ ଏହି ପ୍ରକାର ଘଟଣାପାଇଁ ପ୍ରସିଦ୍ଧ । ସମୁଦ୍ରତଃ ତରଙ୍ଗ କାର୍ଯ୍ୟ ଦ୍ୱାରା ଏହି ଗୁମ୍ପା ସୃଷ୍ଟି ହୋଇଥିଲା । ଯେହେତୁ ସମୁଦ୍ର ଜଳ ଚୂନ ପଥରକୁ କ୍ଷୟ କରିଦେଇଥିଲା ଯେଉଁଥିରେ ସମଗ୍ର ବିଭୋ ଦ୍ୱୀପ ଗଠିତ ହୋଇଥିଲା ।
ଏହି ବ୍ଲୁ ଗ୍ରୋଟୋ ଗୁମ୍ଫାର ଲମ୍ବ ୨୪ ମିଟର ହୋଇଥିବା ବେଳେ ୧୨ ମିଟର ଗଭିର ଏବଂ ୧୫ ମିଟର ଉଚ୍ଚତା ରହିଛି । ସେପଟେ ଏହାର ପ୍ରବେଶ ଦ୍ୱାର ୧.୫ ମିଟର ଉଚ୍ଚ ଏବଂ ୨.୫ ମିଟର ଚଉଡା ରହିଛି । ଏହି ଗୁମ୍ଫାକୁ ପ୍ରତିବର୍ଷ ୧୦ ହଜାରରୁ ଅଧିକ ପର୍ଯ୍ୟଟକ ବୁଲିବାକୁ ଆସିଥାନ୍ତି । ପ୍ରାୟ ପର୍ଯ୍ୟଟକ ଦ୍ୱୀପପୁଞ୍ଜର ଅନ୍ୟ ଏକ ଗୁମ୍ଫା ଜେଲେନା ପିଲଜା ପରିଦର୍ଶନ କରିଥାନ୍ତି । ଯାହାର ଆକାର ବଡ ଏବଂ ଏମ୍ରାଲ୍ଡ ପରି ଦେଖାଯାଏ । ଯାହାଫଳରେ ପର୍ଯ୍ୟଟକ ମାନେ ଆସି ଏଠାରେ ଗାଧୋଇବା ସହ ଫଟୋ ଉଠେଇବାର ମଜା ମଧ୍ୟ ନେଇଥାନ୍ତି । ସେପଟେ ପର୍ଯ୍ୟଟଙ୍କ ମାନଙ୍କର ଭିଡ ଜମିବାରୁ ସେଠାରେ ପାହାଡ ଉପରେ ପର୍ଯ୍ୟଟକମାନେ ବସିବା ପାଇଁ ସ୍ୱତନ୍ତ୍ର ବ୍ୟବସ୍ଥା ମଧ୍ୟ କରାଯାଇଛି ।
ଅନ୍ୟପଟେ ଗୁମ୍ଫା ଭିତରେ ବୁଲିବାକୁ ବୋଟ୍ର ମଧ୍ୟ ବ୍ୟବସ୍ଥା କରାଯାଇଛି । ଯେଉଁଥିରେ ଲୋକେ ନିଜେ ବୋଟ ଚଲାଇ ମଜା ନେଇପାରିବେ । ଏହି ଯାଗାକୁ ଥରେ ଗଲେ ଆପଣ ମଧ୍ୟ ଆସିବାକୁ ଇଛା କରିବେ ନାହିଁ । ଆମ ପୃଥିବୀରେ ଅନେକ ଯାଗା ରହିଛି ଯାହାକୁ ଦେଖିଲେ ଆପଣ ମାନେ ମଧ୍ୟ ଆଶ୍ଚର୍ଯ୍ୟ ହୋଇଯିବେ । ଆଉ ସେହି ଯାଗାକୁ ଯିବା ପାଇଁ ମନ ବଳାଇବେ ।
