ନବରାତ୍ରି ପୂଜାରେ ବାଧକ ସାଜିଲା ମାସିକ ଋତୁସ୍ରାବ, ନିଜ ଜୀବନକୁ ଶେଷ କରିଦେଲେ ମହିଳା

ଉତ୍ତରପ୍ରଦେଶ: ମାସିକ ଋତୁସ୍ରାବ ମହିଳା ମାନଙ୍କର ଏକ ଚିରା ଚରିତ ପ୍ରକ୍ରିୟା। ହେଲେ ଏବେ ଏହି ମାସିକ ଋତୁସ୍ରାବ ପାଇଁ ଜଣେ ମହିଳା ନିଜ ଜୀବନ ହାରିଦେଇଛନ୍ତି। ଆଉ ମୁଖ୍ୟ କାରଣ ଥିଲା ପିରିୟଡ୍ସ ପାଇଁ ସେ ନବରାତ୍ରି ପୂଜା କରିପାରିଲେନି। ନବରାତ୍ରି ପୂଜା କରିବାକୁ ତାଙ୍କୁ ବାରଣ କରାଯାଇଥିଲା।

ଯେହେତୁ ୩୬ ବର୍ଷୀୟା ମହିଳାଙ୍କର ପିରିୟଡ୍ସ ହୋଇଥିଲା, ତେଣୁ ତାଙ୍କ ପରିବାର ନବରାତ୍ରି ଉପବାସ ଓ ବ୍ରତ ରଖିବାକୁ ବାରଣ କରିଥିଲେ। ପୂଜା ନ କରିପାରିବାରୁ ମହିଳା ଜଣଙ୍କ ବିଷ ପିଇ ଦେଇଥିବା ଅଭିଯୋଗ ହୋଇଛି। ପରେ ହସ୍ପିଟାଲରେ ସେ ଶେଷ ନିଶ୍ୱାସ ତ୍ୟାଗ କରିଦେଇଛନ୍ତି।

ପିରିୟଡ୍ସ ନେଲା ଜୀବନ: ତେବେ ଏପରି ଏକ ରୋଚକ ଘଟଣା ଘଟିଛି ଉତ୍ତର ପ୍ରଦେଶର ଝାନ୍ସୀରେ। ଯେହେତୁ ଏବେ ନବରାତ୍ରି ଚାଲିଛି ତେଣୁ ଝାନ୍ସୀର ଜଣେ ୩୬ ବର୍ଷୀୟା ମହିଳା ପ୍ରିୟାଂଶା ସୋନିଙ୍କର ମଧ୍ୟ ମନଥିଲା ମା’ଙ୍କର ନବରାତ୍ରି ପୂଜା କରିବା ପାଇଁ। ପ୍ରିୟାଂଶା ବେଶ ଧାର୍ମିକ ଥିଲେ।

ହେଲେ ନବରାତ୍ରି ଚାଲିଥିବା ସମୟରେ ନବରାତ୍ରିର ପ୍ରଥମ ଦିନରେ ହିଁ ପ୍ରିୟାଂଶାଙ୍କର ପିରିୟଡ୍ସ ଆରମ୍ଭ ହୋଇଥିଲା। ପରମ୍ପରା ଅନୁଯାୟୀ, ପ୍ରିୟାଂଶଙ୍କୁ ନବରାତ୍ରି ପାଇଁ ଉପବାସ ଏବଂ ପୂଜା କରିବାରୁ ବାରଣ କରାଯାଇଥିଲା।

ବିଶ ପିଇ ଆତ୍ମହତ୍ୟା: ଏହା ତାଙ୍କ ପାଇଁ ଏକ ଭାବପ୍ରବଣ ଆଘାତ ଥିଲା। ହେଲେ ପ୍ରିୟାଂଶାଙ୍କୁ ତାଙ୍କ ସ୍ୱାମୀ ମୁକେଶ ସାନ୍ତ୍ୱନା ଦେବାକୁ ବହୁତ ଚେଷ୍ଟା କଲେ, କିନ୍ତୁ ତାଙ୍କ ପ୍ରୟାସରେ ସଫଳ ହେଲେ ନାହିଁ।

ମୁକେଶ ତାଙ୍କ ସ୍ତ୍ରୀଙ୍କୁ ବୁଝାଇ ଚାଲିଲେ ଯେ ଋତୁସ୍ରାବ ଏକ ପ୍ରାକୃତିକ ପ୍ରକ୍ରିୟା, କିନ୍ତୁ ସେ ଏହାକୁ ଗ୍ରହଣ କରିପାରିଲେ ନାହିଁ। ତାଙ୍କୁ ଲାଗିଲା ଯେପରି ସେ କୌଣସି ବଡ଼ ପାପ କରିଛନ୍ତି।

ନବରାତ୍ରିର ଦ୍ୱିତୀୟ ଦିନରେ, ମୁକେଶ ତାଙ୍କ ଦୋକାନରେ ଥିବା ବେଳେ ପ୍ରିୟାଂଶା କୌଣସି ବିଷାକ୍ତ ପଦାର୍ଥ ପିଇ ଦେଇଥିବା ଅଭିଯୋଗ ହୋଇଥିଲା। ତାଙ୍କ ପରିବାର ତାଙ୍କୁ ତୁରନ୍ତ ଝାନ୍ସୀ ମେଡିକାଲ କଲେଜକୁ ନେଇଯାଇଥିଲେ।

ହସ୍ପିଟାଲରେ ଭର୍ତ୍ତି: ଯେଉଁଠାରେ ଡାକ୍ତରମାନେ ତାଙ୍କ ଅବସ୍ଥାକୁ ସ୍ଥିର କରିବାରେ ସଫଳ ହୋଇଥିଲେ। ହସ୍ପିଟାଲରୁ ଡିସଚାର୍ଜ ହେବା ପରେ, ଘରେ ତାଙ୍କ ସ୍ୱାସ୍ଥ୍ୟ ଅବସ୍ଥା ଆହୁରି ଖରାପ ହୋଇଯାଇଥିଲା। ତାଙ୍କୁ ଝାନ୍ସୀ ଜିଲ୍ଲା ହସ୍ପିଟାଲରେ ଭର୍ତ୍ତି କରାଯାଇଥିଲା, ଯେଉଁଠାରେ ଚିକିତ୍ସା ସମୟରେ ତାଙ୍କର ମୃତ୍ୟୁ ହୋଇଥିଲା।

ଅନ୍ଧବିଶ୍ୱାସ: ତେବେ ଆଜି ବି ସମାଜରେ ମାସିକ ଋତୁସ୍ରାବକୁ ନେଇ ମିଥ୍ୟା, ଅନ୍ଧବିଶ୍ୱାସ ଏବଂ ନିଚ୍ଚ ମାନସିକତା ଆଜି ଜଣେ ମହିଳାଙ୍କ ଜୀବନ ନେଇଗଲା। କେବଳ ଉତ୍ତର ପ୍ରଦେଶରେ ଏପରି ଅନ୍ଧବିଶ୍ୱାସ ପାଇଁ ଏହି ଘଟଣା ଘଟିଛି ତାହା ନୁହେଁ।

ଆଜି ବି ଆମ ଆଖ ପାଖରେ ଏମିତି ଅନେକ ଘଟଣା ଘଟୁଛି। କି ଜଣେ ମହିଳାର ମାସିକ ଋତୁସ୍ରାବ ହେଲେ ତାକୁ ଅନେକ ଘଟଣାର ସାମ୍ନା କରିବାକୁ ପଡୁଛି। ଯଦିଓ ପିରିୟଡ୍ସକୁ ନେଇ ଆଗ ଅପେକ୍ଷା ଅନେକ ଲୋକଙ୍କ ମାନସିକତା ବଦଳିଲାଣିଷ

କିନ୍ତୁ ଏବେବି ଅନେକ ସ୍ଥାନରେ ପିରିୟଡ୍ସକୁ ନେଇ ଅନ୍ଧବିଶ୍ୱାସ ରହିଛି। ଯେପରି ମାସିକ ଋତୁସ୍ରାବ ହେଲେ ରୋଷେଇ ଘରେ ପଶିବା ମନା। ଠାକୁର ଘରେ କିମ୍ୱା ଧାର୍ମିକ ସ୍ଥାନକୁ ଯିବା ମନା। ଏମିତି ଅନେକ କିଛି। ଆଉ ଏହିଭଳି ମାନସିକତା ପାଇଁ ଆଜି ଜଣେ ମହିଳାଙ୍କର ଜୀବନ ଚାଲିଗଲା।