ମହିଳା ସରପଞ୍ଚଙ୍କୁ ଦୁଷ୍କର୍ମ, FIR ରୁଜୁ: କଂଗ୍ରେସ ବିଧ୍ରାୟକ କହିଲେ- ‘ଏହା ବ୍ୟକ୍ତିଗତ ମାମଲା’
ମଣ୍ଡଳା: ମଧ୍ୟପ୍ରଦେଶର ମଣ୍ଡଳାରୁ ଏକ ସମ୍ବେଦନଶୀଳ ମାମଲା ସାମ୍ନାକୁ ଆସିଛି । ଜଣେ ମହିଳା ସରପଞ୍ଚଙ୍କ ସହ ଦୁଷ୍କର୍ମ ହୋଇଛି, ଯାହାପରେ ପୀଡିତା ସରପଞ୍ଚ ସ୍ଥାନୀୟ ପୋଲିସକୁ ଏ ସମ୍ପର୍କରେ ଅଭିଯୋଗ କରିଛନ୍ତି ।
ଘଟଣାର ଗମ୍ଭୀରତାକୁ ଦେଖି ପୋଲିସ ମାମଲା ରୁଜୁ କରି ତଦନ୍ତ ଆରମ୍ଭ କରିଛି । ଏଥି ସହ କଂଗ୍ରେସ ବିଧାୟକ ଏ ବାବଦରେ ଏକ ଅଜବ ବୟାନ ଦେଇଛନ୍ତି । ଯେତେବେଳେ ତାଙ୍କୁ ଏହି ଘଟଣା ବିଷୟରେ ପଚରାଗଲା, ସେ କହିଥିଲେ ଯେ ଏହା ଉଭୟ (ପୀଡିତା ଏବଂ ଅଭିଯୁକ୍ତ) ଙ୍କ ବ୍ୟକ୍ତିଗତ ମାମଲା । ଏଥିସହ ଘଟଣାର ତଦନ୍ତ କରାଯାଉଛି ବୋଲି ସେ କହିଛନ୍ତି ।
ସୂଚନାନୁସାରେ, ମହିଳା ସରପଞ୍ଚ ଅନ୍ୟ ଗାଁର ଜଣେ ମହିଳା ସରପଞ୍ଚଙ୍କ ସ୍ୱାମୀଙ୍କ ଉପରେ ଦୁଷ୍କର୍ମର ଅଭିଯୋଗ କରିଛନ୍ତି । ମହିଳା ସରପଞ୍ଚଙ୍କ ଅଭିଯୋଗ ହେତୁ ପ୍ରଶାସନ ବି ଦୋହଲିଯାଇଥିଲା । ଅଭିଯୋଗ ପାଇବା ପରେ ସ୍ଥାନୀୟ ପୋଲିସ ତୁରନ୍ତ ମାମଲା ରୁଜୁ କରି ତଦନ୍ତ ଆରମ୍ଭ କରିଥିଲା । ପୀଡିତା ସରପଞ୍ଚଙ୍କ ସ୍ୱାମୀ ପ୍ରେମ ସିଂ ଧୁର୍ବେଙ୍କ ବିରୋଧରେ ସମ୍ବେଦନଶୀଳ ଅଭିଯୋଗ ଆଣିଛନ୍ତି । ଆଶ୍ଚର୍ଯ୍ୟର କଥା ହେଉଛି ଉଭୟ ପୀଡିତା ମହିଳା ସରପଞ୍ଚ ଏବଂ ଅଭିଯୁକ୍ତ ପ୍ରେମ ସିଂ ଧୁର୍ବେ ବ୍ଲକ କଂଗ୍ରେସ କମିଟିରେ ଅଧିକାରୀ । ଏଭଳି ପରିସ୍ଥିତିରେ ଏହି ଘଟଣା ଅଧିକ ହଇଚଇ ସୃଷ୍ଟି କରିଛି ।
ଦୁଷ୍କର୍ମର ଅଭିଯୋଗ କରିଥିବା ମହିଳା ସରପଞ୍ଚ ଓ ଅଭିଯୁକ୍ତ ବ୍ଲକ କଂଗ୍ରେସ କମିଟିରେ ଅଧିକାରୀ ଅଛନ୍ତି । ଏସବୁ ମଧ୍ୟରେ କଂଗ୍ରେସ ବିଧାୟକ ଡକ୍ଟର ଅଶୋକ ମାର୍ସକୋଲେ ବାସଭବନରୁ ଏକ ଅଜବ ବିବୃତ୍ତି ଦେଇଛନ୍ତି । ସେ କହିଛନ୍ତି ଯେ, ଏହା ଉଭୟଙ୍କ ବ୍ୟକ୍ତିଗତ ବିଷୟ (ମହିଳା ସରପଞ୍ଚ ଏବଂ ଅଭିଯୁକ୍ତ ପ୍ରେମ ସିଂ ଧୁର୍ବେ) । ସେ ଆହୁରି ମଧ୍ୟ କହିଛନ୍ତି ଯେ ଏହି ଘଟଣାରେ ତଦନ୍ତ ଚାଲିଛି । ଅନ୍ୟପଟେ ବିଧାୟକଙ୍କ ଏଭଳି ବୟାନକୁ ନେଇ ଘଟଣା ଆହୁରି ବଢ଼ିବାରେ ଲାଗିଛି ।
