ମହିଳାଙ୍କ ଅନ୍ତରଙ୍ଗ ଭିଡ଼ିଓ ସୋସିଆଲ ମିଡିଆରେ ଭାଇରାଲ; ଯୁବକ ଗିରଫ, ଦେଖନ୍ତୁ Video

ଭୁବନେଶ୍ୱର(ଓଡ଼ିଶା ଭାସ୍କର): ସୋସିଆଲ ମିଡିଆରେ ଯୁବତୀଙ୍କ ଅଶ୍ଲୀଳ ଭିଡ଼ିଓ ଭାଇରାଲ କରିବା ଜଣେ ଯୁବକଙ୍କୁ ମହଙ୍ଗା ପଡିଛି । ସୋସିଆଲ ମିଡିଆରେ ମହିଳାଙ୍କ ଫଟୋ ଓ ଭିଡ଼ିଓ ଛାଡ଼ିବା ଅଭିଯୋଗରେ ଗିରଫ ହୋଇଛନ୍ତି ଜଣେ ଯୁବକ । ଅଭିଯୁକ୍ତ ଯୁବକ ଜଣକ ହେଉଛନ୍ତି ସରୋଜ କୁମାର ସାହୁ । ସରୋଜଙ୍କ ଘର ଡେଙ୍କାନାଳ ଜିଲ୍ଲା ପରଜଙ୍ଗ ଥାନା ଜଟିଆ ଗ୍ରାମରେ ହୋଇଥିବା ଜଣାପଡିଛି ।

ଅଭିଯୋଗ ଅନୁସାରେ, ଅଭିଯୁକ୍ତ ସରୋଜ ପୁରୀରେ ଥିବା ତାଙ୍କ ମହିଳା ବାନ୍ଧବୀଙ୍କ ଅନ୍ତରଙ୍ଗ ଭିଡ଼ିଓ ଓ ଫଟୋ ସୋସିଆଲ ମିଡିଆରେ ଛାଡିବା ସହ ତାଙ୍କୁ ବ୍ଲାକମେଲ କରୁଥିଲେ । ଘଟଣାକୁ ନେଇ ପୀଡିତା ମହିଳା ଜଣକ ପୁରୀ ସାଇବର ଥାନାରେ ଅଭିଯୋଗ କରିଥିଲେ । ଅଭିଯୋଗ ପରେ ପୋଲିସ ଘଟଣାକୁ ଗୁରୁତର ସହ ନେଇ ତଦନ୍ତ ଆରମ୍ଭ କରିଥିଲା । ପୁରୀ ପୋଲିସର ଏକ ଟିମ୍ ଢେଙ୍କାନାଳ ଯାଇ ସରୋଜଙ୍କୁ ଗିରଫ କରିଛି । ସାଇବର କ୍ରାଇମ ଧାରାରେ ସରୋଜଙ୍କୁ ଗିରଫ କରାଯାଇ କୋର୍ଟ ଚାଲାଣ କରାଯାଇଛି ।