୨ ଦିନ ଭିତରେ ଜୀବନରୁ ମାରିଦେବୁ… ଅଭିନେତ୍ରୀ ଅକ୍ଷରା ସିଂହଙ୍କୁ ହତ୍ୟା ଧମକ: କିଏ କରୁଛି ଟାର୍ଗେଟ?

ନୂଆଦିଲ୍ଲୀ: ବର୍ତ୍ତମାନ ବଡ଼ ବଡ଼ ସେଲିବ୍ରିଟି ମାନଙ୍କୁ ଟାର୍ଗେଟ କରୁଛନ୍ତି ଆତଙ୍କବାଦୀ ତଥା ବିଭିନ୍ନ ଅପରାଧରେ ସଂମ୍ପୃକ୍ତ ଗ୍ୟାଙ୍ଗ । ବଲିଉଡର ସୁପରଷ୍ଟାର ସଲମାନ୍ ଖାନ୍, ଶାହରୁଖ ଖାନ୍ ଏବଂ ମିଥୁନ ଚକ୍ରବର୍ତ୍ତୀ… ସମସ୍ତଙ୍କୁ ହତ୍ୟା ପାଇଁ ଧମକ ମିଳିଛି । ଏବେ ଆଉ ଜଣେ ଲୋକପ୍ରିୟ ହିରୋଇନଙ୍କୁ ଜୀବନରୁ ମାରିଦେବାକୁ ଧମକ ମିଳିଛି । ଭୋଜପଚୁରୀ ଫିଲ୍ମ ଇଣ୍ଡଷ୍ଟ୍ରିର ଫେମ୍ ଅଭିନେତ୍ରୀ ଅକ୍ଷରା ସିଂହଙ୍କୁ ହତ୍ୟା ପାଇଁ ଧମକ ଦିଆଯାଇଛି । ଆଗାମୀ ୨ ଦିନ ଭିତରେ ଭୋଜପୁରୀ ଅଭିନେତ୍ରୀ ଅକ୍ଷରାଙ୍କୁ ମାରି ଦେବା ପାଇଁ ଫୋନ୍ କଲରେ ଧମକ ଦେଇଛନ୍ତି ଦୁର୍ବୃତ୍ତ । ଯାହାକୁ ନେଇ ଏବେ ଚର୍ଚ୍ଚା ଆରମ୍ଭ ହୋଇଯାଇଛି ।

ବଲିଉଡ ପରେ ଏବେ ଭୋଜପୁରୀ ଇଣ୍ଡଷ୍ଟ୍ରୀକୁ ଆସିଲାଣି ହତ୍ୟା ଧମକ । ଭୋଜପୁରୀର ପ୍ରସିଦ୍ଧ ଅଭିନେତ୍ରୀ ଅକ୍ଷରା ସିଂହଙ୍କୁ ନେଇ ଆଶ୍ଚର୍ୟ୍ୟକର ଘଟଣା ସାମ୍ନାକୁ ଆସିଛି । ପପୁଲାର ଅଭିନେତ୍ରୀ ଅକ୍ଷରା ସିଂହଙ୍କୁ ହତ୍ୟା ଧମକ ମିଳିଛି । ୨ ଦିନ ଭିତରେ ୫୦ ଲକ୍ଷ ଦେବାକୁ ଦାବି କରି ଏକ ଧମକପୂର୍ଣ୍ଣ ଫୋନ କଲ ଆସିଛି । ଧମକପୂର୍ଣ୍ଣ ଫୋନ କଲ ଆସିବା ପରେ ଦାନାପୁର ପୋଲିସ ଷ୍ଟେସନରେ ଅଭିଯୋଗ ପରେ ମାମଲା ରୁଜୁ କରି ପୋଲିସ ତଦନ୍ତ ଆରମ୍ଭ କରିଛି । ଫୋନ କରିଥିବା ଅଜଣା ଲୋକ ବିରୋଧରେ ଅକ୍ଷରା ସିଂହ ଅଭିଯୋଗ କରିଥିଲେ । ଏହା ପରେ ପୋଲିସ ଆକ୍ସନରେ ଆସିଛି । ଫୋନ କରିଥିବା ଜଣଙ୍କ ଅକ୍ଷରାଙ୍କୁ ୫୦ ଲକ୍ଷ ଦାବି କରିବା ସହିତ ଗାଳିଗୁଲଜ କରିଥିବା ଜଣାପଡିଛି ।

୨୦୧୦ରେ ଭୋଜପୁରୀ ଷ୍ଟାର ରବି କିଶନଙ୍କ ସହିତ ‘ସତ୍ୟମେବ ଜୟତେ’ ଫିଲ୍ମରେ ଅଭିୟନ କରିଥିଲେ ଅକ୍ଷରା । ଭୋଜପୁରୀ ଇଣ୍ଡଷ୍ଟ୍ରୀର ଜଣେ ପ୍ରସିଦ୍ଧ ଅଭିନେତ୍ରୀ ତାଲିକାରେ ଅଛନ୍ତି ସେ । ଏହାସହିତ ସେ ପବନ ସିଂହ ଓ ଖସାରୀ ଲାଲ ଯାଦବଙ୍କ ସହ ମଧ୍ୟ ଫିଲ୍ମରେ କାମ କରି ସାରିଛନ୍ତି । ଭୋଜପୁରୀ ବ୍ୟତୀତ ସେ ହିନ୍ଦୀ ଟେଲିଭିଜନରେ ମଧ୍ୟ କାମ କରିଛନ୍ତି । ସେ ଅଧିକ ପେମେଣ୍ଟ ନେଉଥିବା ଅଭିନେତ୍ରୀ ମଧ୍ୟରେ ଜଣେ । ଗତବର୍ଷ ସେ ରାଜନୀତିରେ ପାଦ ଥାପିଥିଲେ । ପ୍ରଶାନ୍ତ କିଶୋରଙ୍କ ଜନ ସୁରଜ ପାର୍ଟିରେ ସାମିଲ ହୋଇଥିଲେ ।