ଜେବ୍ରାକୁ ମାଡ଼ିବସିଲା କୁମ୍ଭୀର, ଆଉ ତା’ ପରେ… ସୋସିଆଲ ମିଡିଆରେ ଭାଇରାଲ ହେଉଛି ଭିଡିଓ
ଏକାଥରରେ ଏତେ କୁମ୍ଭୀର ଦେଖି ବି ଏକୁଟିଆ ଲଢ଼ିଥିଲା ଜେବ୍ରା। ମୃତ୍ୟୁ ସହ ସଂଘର୍ଷ କରୁଥିବାର ଛାତିଥରା ଭିଡିଓ ସୋସିଆଲ ମିଡିଆରେ ଭାଇରାଲ ହେଉଛି।
ଓଡ଼ିଶା ଭାସ୍କର: କଥାରେ ଅଛି ରଖେ ହରି ତ ମାରେ କିଏ । ପାଣି ଭିତରେ କୁମ୍ଭୀର ଓ ଜେବ୍ରା ଭିତରେ ଚାଲିଥିଲା ଘମାଘୋଟ୍ ଲଢ଼େଇ ।
କୁମ୍ଭୀର ମୁହଁରୁ ନିଜକୁ ବଞ୍ଚାଇବାକୁ ଅନେକ ପ୍ରୟାସ କରିଥିଲା ଜେବ୍ରା । ଆଉ ଶେଷରେ..
ବର୍ତ୍ତମାନ ସୋସିଆଲ ମିଡିଆରେ ଏହି ଲଢ଼େଇର ଏକ ଛାତିଥରା ଭିଡିଓ ଭାଇରାଲ ହେଉଛି ।
ଏକୁଟିଆ ଲଢ଼ିଥିଲା: ଭାଇରାଲ ହେଉଥିବା ଭିଡିଓରେ ଦର୍ଶାଯାଇଛି କିପରି ଗୋଟିଏ ଜେବ୍ରା ପାଣି ଭିତରେ ଏକାଧିକ କୁମ୍ଭୀର ହାବୁଡ଼ରେ ପଡ଼ିଛି ।
ଗୋଟିଏ କୁମ୍ଭୀର ତା’ ପାଟିରେ ଜେବ୍ରାର ହାତ ଓ ଗୋଡ଼କୁ କାମୁଡ଼ି ଧରିଥିବା ବେଳେ ଅନ୍ୟ କୁମ୍ଭୀରମାନେ ତାକୁ ଘେରି ରହିଛନ୍ତି ।
ଜେବ୍ରା ଜଣଙ୍କ ବାରମ୍ବାର ହାତ ଗୋଡ଼ ଛାଟି ନିଜକୁ ରକ୍ଷା କରିବାକୁ ଚେଷ୍ଟା କରୁଛି ।
ଆହତ ହୋଇଥିଲା ଜେବ୍ରା: କୁମ୍ଭୀର ଓ ଜେବ୍ରା ଲଢ଼େଇ ସମୟରେ ଜେବ୍ରାକୁ କୁମ୍ଭୀର ନଖ ଓ ଦାନ୍ତରେ ଆଘାତ ଲାଗିଥିଲା । ଶରୀର ଅନେକ ଅଂଶ କ୍ଷତାକ୍ତ ହେବା ସହ ରକ୍ତସ୍ରାବ ହୋଇଥିଲା ।
ଏଭଳି ଏକ ପ୍ରତିକୂଳ ପରିସ୍ଥିତିରେ ବି ଘାବରାଇ ନଥିଲା ଜେବ୍ରା । ବାରମ୍ବାର ନିଜ ସମସ୍ତ ଶକ୍ତି ବଳରେ କୁମ୍ଭୀରକୁ ଲାତ ମାରି ନିଜ ଠାରୁ ଦୂରେଇବାକୁ ଚେଷ୍ଟା କରୁଥିଲା ।
ଜେବ୍ରା ସୁରକ୍ଷିତ: ବାରମ୍ଭାର କୁମ୍ଭୀରର ମୁହଁରେ ଲାତ ମାରିବା ଫଳରେ ତା’ର କବଜା ଢ଼ିଲା ହୋଇଥିଲା ।
ଏହାର ଫାଇଦା ଉଠାଇ ଜେବ୍ରା ଏକାଧିକ କୁମ୍ଭୀରଙ୍କୁ ଚକମା ଦେଇ ସୁରକ୍ଷିତ ଦୌଡ଼ି ପଳାଇବାରେ ସଫଳ ହୋଇଥିଲା ।
That zebra bit the damn croc 🤯 pic.twitter.com/EcUCNHTv11
— Nature is Amazing ☘️ (@AMAZlNGNATURE) January 8, 2025
