ବାପା ପଣିଆ ଆଉ କ’ଣ କି?; ପାରିବାରିକ ସମସ୍ୟା ପାଇଁ ୨ ବର୍ଷର ଝିଅକୁ ଧରି ବୁଲୁଛନ୍ତି ଜୋମାଟୋ ବୟ

ନୂଆଦିଲ୍ଲୀ: “ପିତା ସ୍ୱର୍ଗ, ପିତା ଧର୍ମ, ପିତା ହିଁ ପରମ ତପ, ପିତରି ପ୍ରତୀମା ପନ୍ନେ, ପ୍ରିୟନ୍ତେ ସର୍ବ ଦେବତା”। ପିତାଙ୍କ ସ୍ଥାନ ସମସ୍ତ ଦେବତାଙ୍କଠାରୁ ଉଚ୍ଚରେ। ତାହାର ଅନେକ ଉଦାହରଣ ଆମେ ଆଗରୁ ଦେଖିଛେ। ହେଲେ ବର୍ତ୍ତମାନ ଅଧିକାଂଶ ଏକାକୀ ପିତାମାତାଙ୍କ ପାଇଁ ସେମାନଙ୍କ ଚାକିରି ଏବଂ ଶିଶୁଯତ୍ନ ମଧ୍ୟରେ ପରିବାରର ସନ୍ତୁଳନ ରକ୍ଷା କରିବା ଅତ୍ୟନ୍ତ କଷ୍ଟକର ହୋଇ ପଡ଼ିଲାଣି । ବିଶେଷକରି ଯେତେବେଳେ କ୍ରେଚ୍ ସୁବିଧା କିମ୍ବା ସୁଲଭ ଡେ କେୟାର ବିକଳ୍ପ ଉପଲବ୍ଧ ନଥାଏ । ଏଭଳି ପରିସ୍ଥିତିରେ ନିଜ ପିଲାଙ୍କୁ କାମକୁ ନେବା ବ୍ୟତୀତ ସେମାନଙ୍କ ପାଖରେ ଅନ୍ୟ କୌଣସି ବିକଳ୍ପ ନାହିଁ।

ଦିଲ୍ଲୀରେ ଜଣେ ଜୋମାଟୋ ଡେଲିଭରି ବୟ ଯେତେବେଳେ ତାଙ୍କ ଦୁଇ ବର୍ଷର ଝିଅକୁ କୋଳରେ ଧରି ଅର୍ଡର ନେବାକୁ ପହଞ୍ଚିଥିଲେ, ସେତେବେଳେ ଷ୍ଟୋର ମ୍ୟାନେଜର ଏହା ଦେଖି ଭାବପ୍ରବଣ ହୋଇଯାଇଥିଲେ ଏବଂ ସେ ସୋନୁଙ୍କ ଫଟୋ ସହ ଲିଙ୍କଡଇନରେ ଏକ ହୃଦୟସ୍ପର୍ଶୀ କାହାଣୀ ସେୟାର କରିଥିଲେ, ଯାହାକୁ ପଢିବା ପରେ ସମସ୍ତେ ଭାବପ୍ରବଣ ହୋଇଯାଇଥିଲେ । ଡେଲିଭରି ବୟ ସୋନୁ ନିଜ ନିରୀହ ଝିଅକୁ କୋଳରେ ଧରି ନୂଆଦିଲ୍ଲୀର ଖାନ୍ ମାର୍କେଟରେ ଥିବା ଷ୍ଟାରବକ୍ସରୁ ଅର୍ଡର ନେବାକୁ ଆସିଥିଲେ। ଷ୍ଟାରବକ୍ସ ଷ୍ଟୋର ମ୍ୟାନେଜର ଦେବେନ୍ଦ୍ର ମେହେରା ସୋନୁଙ୍କୁ ବାପାଙ୍କ ସହ ମା’ଙ୍କ କର୍ତ୍ତବ୍ୟ ପାଳନ କରୁଥିବା ଦେଖି ହୃଦୟବିଦାରକ ହୋଇଥିଲେ।

ସେ ଲିଙ୍କଡିଙ୍ଗରେ ଲେଖିଛନ୍ତି, ‘ଏହି ଡେଲିଭରି ବୟ ଆମ ହୃଦୟକୁ ଛୁଇଁଥିଲା। ସେ ଜଣେ ଏକକ ପିତାମାତା । ଘରେ ସବୁ ଚ୍ୟାଲେଞ୍ଜର ସମ୍ମୁଖୀନ ହୋଇ ମଧ୍ୟ ସେ ନିଜ ଦୁଇ ବର୍ଷର ଝିଅର ଯତ୍ନ ନେବା ପାଇଁ କଠିନ ପରିଶ୍ରମ କରୁଛନ୍ତି। ସୋନୁଙ୍କ ସମର୍ପଣ ଯେ କୌଣସି ବ୍ୟକ୍ତିଙ୍କୁ ପ୍ରେରଣା ଦେଇପାରେ। ଦେବେନ୍ଦ୍ର ଆହୁରି ମଧ୍ୟ ଲେଖିଛନ୍ତି, “ତାଙ୍କ ମୁହଁରେ ସାମାନ୍ୟ ହସ ଆଣିବା ପାଇଁ ଆମେ ବେବିସିନୋର ଟିକିଏ ମିଠା ଦେବାର ସୌଭାଗ୍ୟ ପାଇଥିଲୁ। ଏହା ସହିତ ସୋନୁ ଆମକୁ କଠିନ ସମୟରେ ମଧ୍ୟ ନିଜ ଦାୟିତ୍ୱରୁ ପଛଘୁଞ୍ଚା ନଦେବାକୁ ଶିଖାଇଛନ୍ତି । ତାଙ୍କୁ ଓ ତାଙ୍କ ଝିଅକୁ ଶୁଭେଚ୍ଛା।