ODISHATOP STORIES

ଜଙ୍ଗଲରୁ ଯୁବତୀଙ୍କ ମୃତଦେହ ଉଦ୍ଧାର ଘଟଣା; ବାପାଙ୍କ ସମେତ ୫ ଅଭିଯୁକ୍ତ ଗିରଫ

ଜଗତସିଂହପୁର: କୁଜଙ୍ଗ ରଘୁନାଥପୁର ଥାନା ଅନ୍ତର୍ଗତ ଧଳତଙ୍ଗଗଡ ଜଙ୍ଗଲରୁ ଏକ ଅଖା ମଧ୍ୟରୁ ଉଦ୍ଧାର ହୋଇଥିବା ଯୁବତୀଙ୍କ ମୃତଦେହ ଘଟଣାର ଆଜି ପର୍ଦ୍ଦାଫାସ ହୋଇଛି । ଏହି ଘଟଣାରେ ଯୁବତୀଙ୍କ ବାପା ଅଜୟ ସୁତାର ସମେତ ଅନ୍ୟ ୫ ଜଣ ଅଭିଯୁକ୍ତଙ୍କୁ ପୁଲିସ ଗିରଫ କରିଛି । ଗର୍ଭପାତକୁ ନେଇ ଯୁବତୀଙ୍କ ମୃତ୍ୟୁ ଘଟିଥିବା ପୁଲିସ ସ୍ପଷ୍ଟ କରିଛି ।

ସୂଚନାଯୋଗ୍ୟ, କିଛି ଦିନ ତଳେ ଧଳତଙ୍ଗଗଡ ଜଙ୍ଗଲରୁ ଏକ ଅଖା ମଧ୍ୟରେ ହାତଗୋଡ ବନ୍ଧା ହୋଇଥିବା ଅବସ୍ଥାରେ ଜଣେ ଯୁବତୀଙ୍କ ମୃତଦେହ ଉଦ୍ଧାର ହୋଇଥିଲା । ପ୍ରାଥମିକ ତଦନ୍ତ ସମୟରେ ଏହା  ଏକ ପ୍ରେମଜନିତ କାରଣରୁ ମୃତ୍ୟୁ ଘଟିଥିବା ଅନୁମାନ କରାଯାଉ ଥିଲା। ଅବୈଧ ଗର୍ଭପାତରୁ ଯୁବତୀଙ୍କ ମୃତ୍ୟୁ ଘଟିଥିବା ସ୍ପଷ୍ଟ ହୋଇଛି । ଏହି ଘଟଣାରେ ଉକ୍ତ ଯୁବତୀଙ୍କ ବାପାଙ୍କ ସହ ଗର୍ଭପାତ କରାଯାଇଥିବା ମମତା ନର୍ସିଂହୋମର ଡାକ୍ତର ହାରାମଣୀ ମହାରଣା, ଅନ୍ୟ ୩ କର୍ମଚାରୀ ଓ ଅଟୋ ଚାଳକକୁ ପୁଲିସ ଆଜି ଗିରଫ କରିଛି । ଏଥିରେ ସମ୍ପୃକ୍ତ ଥିବା ସନ୍ଦେହରେ ସେହି ଗ୍ରାମର ଅନ୍ୟ ଜଣେ ଯୁବକ ମୁନାଙ୍କୁ ପୁଲିସ ପଚାରଉଚରା ଚଳାଇଛି ।

ପ୍ରକାଶ ଯୋଗ୍ୟ, ମୃତ ଯୁବତୀ ସିକୁ ସୁତାର ଏକ ସିଲେଇ ଦୋକନରେ କାମ କରୁଥିଲା । ସେ  ୭ ମାସ ଗର୍ଭବତୀ ହେବା ଜାଣିବା ପରେ ତାଙ୍କ ବାପା ଗର୍ଭପାତ ପାଇଁ ମମତା ନର୍ସିଂହୋମକୁ ନେଇଥିଲେ । ଗର୍ଭପାତ ସମୟରେ ଯୁବତୀଙ୍କ ମୃତ୍ୟୁ ଘଟିବାରୁ ଡାକ୍ତର, ନର୍ସ ଓ ଯୁବତୀଙ୍କ ବାପା ତାଙ୍କ ମୃତଦେହକୁ ଅଖାରେ ଭର୍ତ୍ତି କରି ଏକ ଅଟୋରେ ନେଇ ଧଳତଙ୍ଗଗଡ ଜଙ୍ଗଲରେ ପିଙ୍ଗି ଦେଇଥିଲେ ।

Show More

Related Articles

Leave a Reply

Your email address will not be published. Required fields are marked *