ଏକ ଦେଶରେ ଚନ୍ଦାଲୋକଙ୍କୁ କରାଯାଇଥାଏ ହତ୍ୟା, ଜାଣନ୍ତୁ କାହିଁକି
ପୂର୍ବ ଆଫ୍ରିକାରେ ମୋଜାମ୍ବିକ ନାମକ ଏକ ଦେଶ ରହିଛି । ଏହି ଦେଶରେ ଚନ୍ଦା ଲୋକଙ୍କ ଜୀବନ ପ୍ରତି ବିପଦ ରହିଛି । ଯେଉଁ ଲୋକଙ୍କ ମୁଣ୍ଡରେ ବାଳ ନାହିଁ, ସେମାନଙ୍କ ଉପରେ ହମଲା ହେବାର ଆଶଙ୍କା ରହିଛି ବୋଲି ପୋଲିସ ପକ୍ଷରୁ କୁହାଯାଇଛି । ନିକଟରେ ଦୁଇଜଣ ଚନ୍ଦା ଲୋକଙ୍କୁ ଅତି ନୃଶଂସ ଭାବେ ହତ୍ୟା କରାଯାଇଛି । ହତ୍ୟା ପରେ ସେମାନଙ୍କ ଶରୀରର ବିଭିନ୍ନ ଅଙ୍ଗକୁ ତନ୍ତ୍ର, ମନ୍ତ୍ର ବିଦ୍ୟାରେ ନିୟୋଜିତ କରାଯାଉଛି । ତେବେ ଅନ୍ଧବିଶ୍ୱାସ କାରଣରୁ ଚନ୍ଦାଲୋକଙ୍କୁ ଟାର୍ଗେଟ୍ କରି ହତ୍ୟା କରାଯାଉଛି ବୋଲି ପୋଲିସ କହିଛି ।
ଦି ଗାର୍ଡିଅନର ରିପୋର୍ଟ ଅନୁଯାୟୀ, ନିକଟରେ ମୋଜାମ୍ବିକରେ ହତ୍ୟା କରାଯାଇଥିବା ଦୁଇ ଚନ୍ଦାଲୋକଙ୍କ ମୁଣ୍ଡରୁ ଗଣ୍ଡିକୁ ଅଲଗା କରି ଦିଆଯାଇଥିଲା । ଏହି ଘଟଣା ଘଟିଥିବା ଅଞ୍ଚଳରେ ପୂର୍ବରୁ ଶ୍ୱେତାଙ୍ଗମାନଙ୍କ ଉପରେ ଆକ୍ରମଣ କରାଯାଉଥିଲା । ପୋଲିସ ଏହି ମାମଲାରେ ଦୁଇଜଣଙ୍କୁ ଗିରଫ କରିଛି । ଲୋକଙ୍କୁ ହତ୍ୟା କରିବା ପରେ ସେମାନଙ୍କ ଶରୀର କଳା ଯାଦୁ କାର୍ଯ୍ୟରେ ଲାଗିଥାଏ ବୋଲି ଗିରଫ ଦୁଇଜଣ କହିଛନ୍ତି ।
