ବାଣ କାରଖାନାରେ ଭୟଙ୍କର ଅଗ୍ନିକାଣ୍ଡ, 10ରୁ ଅଧିକ ମୃତ

ନୂଆଦିଲ୍ଲୀ: ଗୁଜୁରାଟର ବନାସକାଣ୍ଠା ଜିଲ୍ଲାର ଦୀସା ସହରରେ ଏକ ବାଣ କାରଖାନାରେ ଭୟଙ୍କର ବିସ୍ଫୋରଣ ଘଟିଛି । ଏଥିରେ ୧୩ ଜଣଙ୍କର ମୃତ୍ୟୁ ହୋଇଥିବା କୁହାଯାଉଛି । ଅଗ୍ନିକାଣ୍ଡ ସମ୍ପର୍କରେ ସୂଚନା ପାଇବା ପରେ, ଅଗ୍ନିଶମ ବାହିନୀ ସହିତ SDRF ଦଳ ଉଦ୍ଧାର ପାଇଁ ପହଞ୍ଚିଥିଲେ । ଏହି ଦୁର୍ଘଟଣା ସକାଳ ପ୍ରାୟ ୯ଟା ସମୟରେ ଘଟିଥିଲା। କାରଖାନାଟି ଧୁନୱା ରୋଡରେ ଅବସ୍ଥିତ ବୋଲି କୁହାଯାଉଛି ।

ଦୀସା ଗ୍ରାମୀଣ ପୋଲିସ ଷ୍ଟେସନର ଇନ୍ସପେକ୍ଟର ବିଜୟ ଚୌଧୁରୀ କହିଛନ୍ତି ଯେ, ସହର ନିକଟରେ ଅବସ୍ଥିତ କାରଖାନାର କିଛି ଅଂଶ ଭୁଶୁଡ଼ି ପଡ଼ିବାରୁ ଏବଂ ପରେ ଅଗ୍ନିକାଣ୍ଡ ଘଟିବାରୁ ଅନେକ ଶ୍ରମିକ ଫସି ରହିଥିଲେ ।

ଅନ୍ୟପକ୍ଷରେ ବନାସକାଣ୍ଠା କଲେକ୍ଟର ମିହିର ପଟେଲ କହିଛନ୍ତି, “ଆଜି ସକାଳେ ଆମେ ଡିସା ଶିଳ୍ପାଞ୍ଚଳରେ ଏକ ବଡ଼ ବିସ୍ଫୋରଣ ସମ୍ପର୍କରେ ସୂଚନା ପାଇଲୁ । ଅଗ୍ନିଶମ ବିଭାଗ ଘଟଣାସ୍ଥଳରେ ପହଞ୍ଚି ନିଆଁକୁ ନିୟନ୍ତ୍ରଣ କରିଥିଲା। ଅନେକ ଆହତ ଶ୍ରମିକଙ୍କୁ ବିଭିନ୍ନ ହସ୍ପିଟାଲକୁ ପଠାଯାଇଥିଲା ।  ବିସ୍ଫୋରଣ ଏତେ ଶକ୍ତିଶାଳୀ ଥିଲା ଯେ କାରଖାନାର ସ୍ଲାବ ଭୁଶୁଡ଼ି ପଡ଼ିଥିଲା।”

ନିଆଁ ଏତେ ଭୟଙ୍କର ଥିଲା ଯେ ଗୋଦାମର ଭଗ୍ନାବଶେଷ 200 ମିଟର ଦୂରକୁ ଉଡ଼ି ଯାଇଥିଲା ।  ମୃତ ଶ୍ରମିକଙ୍କ ଶରୀରର ଅଂଶ ବହୁ ଦୂରକୁ ବିଛାଡ଼ି ପଡ଼ିଥିଲା।  ଅଗ୍ନିକାଣ୍ଡ ଘଟଣା ପରେ, JCB ସାହାଯ୍ୟରେ ଭଗ୍ନାବଶେଷ ହଟାଯାଇଥିଲା।