ହୃଦଘାତର 11 ଟି ପ୍ରାରମ୍ଭିକ ଲକ୍ଷଣ, ଆପଣ ଅଣଦେଖା କରୁଛନ୍ତି କି ? ଏବେଠୁ ହୋଇଯାଆନ୍ତୁ ସଜାଗ, ବଞ୍ଚିଯିବ ଜୀବନ…
ହୃଦଘାତ ଆସିବା ପୂର୍ବରୁ ଆମ ଶରୀର କିଛି ସଙ୍କେତ ଦେଇଥାଏ । ସାଧାରଣତଃ ଏହା ଉପରେ ଆମେ ଧ୍ୟାନ ଦେଇନଥାଉ । ଯାହା କି ପରବର୍ତ୍ତୀ ସମୟରେ ଆମ ଜୀବନ ପ୍ରତି ବିପଦ ସୃଷ୍ଟି କରିଥାଏ । ଚାଲନ୍ତୁ ଜାଣିବା ଏହାର ଲକ୍ଷଣ...
ଓଡ଼ିଶା ଭାସ୍କର: ବିଶ୍ୱ ସ୍ୱାସ୍ଥ୍ୟ ସଂଗଠନ (WHO) ଅନୁଯାୟୀ, ହୃଦରୋଗ (CVD) ହେଉଛି ବିଶ୍ୱବ୍ୟାପୀ ମୃତ୍ୟୁର ପ୍ରମୁଖ କାରଣ, ଯାହା ପ୍ରତିବର୍ଷ ପ୍ରାୟ ୧୭.୯ ମିଲିୟନ ଲୋକଙ୍କର ଜୀବନ ନେଇଥାଏ। ଗତ ତିନି ବର୍ଷ ମଧ୍ୟରେ ଯୁବ ସେଲିବ୍ରିଟିଙ୍କ ହଠାତ୍ ହୃଦଘାତରେ ମୃତ୍ୟୁ ହେବା, ହୃଦୟ ସ୍ୱାସ୍ଥ୍ୟର ଗମ୍ଭୀରତା ପ୍ରତି ଧ୍ୟାନ ଆକର୍ଷଣ କରିଛି । କେତେକ ସୁସ୍ଥ ବ୍ୟକ୍ତି ଯେପରି ସିଦ୍ଧାର୍ଥ ଶୁକ୍ଲା, ପୁନିତ ରାଜପୁତ, ଗାୟକ କେକେ ଏବଂ ନିକଟରେ ଶେଫାଳୀ ଜରିୱାଲା କମ୍ ବୟସରେ ହୃଦଘାତର ଶିକାର ହୋଇ ମୃତ୍ୟୁ ବରଣ କରିଛନ୍ତି । କର୍ଣ୍ଣାଟକରେ ପ୍ରତି 24 ଘଣ୍ଟାରେ 6 ଜଣ ବ୍ୟକ୍ତି ହୃଦଘାତରେ ମୃତ୍ୟୁବରଣ କରୁଛନ୍ତି । ଯାହା ଏକ ଚିନ୍ତାଜନକ ପରିସ୍ଥିତି ସୃଷ୍ଟି କରିଛି ।
ହୃଦଘାତ ଆସିବା ପୂର୍ବରୁ ଆମ ଶରୀର କିଛି ସଙ୍କେତ ଦେଇଥାଏ । ସାଧାରଣତଃ ଏହା ଉପରେ ଆମେ ଧ୍ୟାନ ଦେଇନଥାଉ । ଯାହା କି ପରବର୍ତ୍ତୀ ସମୟରେ ଆମ ଜୀବନ ପ୍ରତି ବିପଦ ସୃଷ୍ଟି କରିଥାଏ ।
ଏଠାରେ ୧୧ ଟି ପ୍ରାରମ୍ଭିକ ସତର୍କତା ଲକ୍ଷଣ ଅଛି, ଯାହାକୁ କେବେବି ଅଣଦେଖା କରିବା ଉଚିତ୍ ନୁହେଁ:
୧. ଛାତି ଯନ୍ତ୍ରଣା କିମ୍ବା ଅସ୍ୱସ୍ତି (ଏନଜାଇନା) ଅନୁଭବ କରିବା:
ଏହା କିପରି ଅନୁଭବ ହୁଏ: ଛାତିରେ ଜଳାପୋଡ଼ା, ଭାରି ଭାରି ଲାଗିବା, ଟାଣଇ ହେବା ଆଦି ଅନୁଭବ ହୁଏ ।
ମୁଖ୍ୟ ବିବରଣୀ: ଏହା ଆସିପାରେ ଏବଂ ଯାଇପାରେ କିମ୍ବା କିଛି ମିନିଟ୍ ପର୍ଯ୍ୟନ୍ତ ରହିପାରେ।
ଧାରଣା: ସମସ୍ତ ହୃଦଘାତ ତୀବ୍ର ଯନ୍ତ୍ରଣା ସୃଷ୍ଟି କରେ ନାହିଁ; କେତେକଙ୍କୁ ହାଲୁକା ବଦହଜମୀ ଭଳି ଅନୁଭବ ହୋଇପାରେ।
- ବାହୁ, ବେକ କିମ୍ବା ଦାନ୍ତ ମୂଳରେ ଯନ୍ତ୍ରଣା:
ଏହା ଛାତିରୁ ଆରମ୍ଭ ହୋଇ ବାମ ହାତକୁ ବ୍ୟାପିଥାଏ (କିନ୍ତୁ ଡାହାଣ ହାତ କିମ୍ବା ଉଭୟକୁ ପ୍ରଭାବିତ ମଧ୍ୟ କରିପାରେ)।
ଛାତିରେ ଯନ୍ତ୍ରଣା ନ ହୋଇ ଦେବଳ ଦାନ୍ତ ମୂଳ କିମ୍ବା ବେକରେ ଯନ୍ତ୍ରଣା ମଧ୍ୟ ହୃଦଘାତର ଏକ ଲକ୍ଷଣ ହୋଇପାରେ, ବିଶେଷକରି ମହିଳାମାନଙ୍କ କ୍ଷେତ୍ରରେ।
- ନିଶ୍ୱାସ ନେବାରେ କଷ୍ଟ:
ଏହା ଛାତିରେ ଯନ୍ତ୍ରଣା ପୂର୍ବରୁ କିମ୍ବା ଛାତିରେ କୌଣସି ଅସ୍ୱସ୍ତି ଅନୁଭବ ବିନା ମଧ୍ୟ ଆକ୍ରମଣ ହୋଇପାରେ।
ରୋଗୀମାନେ ବିଶ୍ରାମ ନେବା ସମୟରେ ମଧ୍ୟ ନିଶ୍ୱାସ ନେଇପାରୁନଥିବା ଭଳି ଅନୁଭବ କରିପାରନ୍ତି।
- ଅବ୍ୟକ୍ତ ଥକାପଣ:
ହଠାତ୍, ଅତ୍ୟଧିକ କ୍ଳାନ୍ତି (ଯେପରିକି ସିଡ଼ି ଚଢ଼ିବାକୁ ଅସମର୍ଥ ଅନୁଭବ)।
ହୃଦଘାତ ପୂର୍ବରୁ ମହିଳାମାନଙ୍କଠାରେ ଏହା ଅଧିକ ସାଧାରଣ।
- ଥଣ୍ଡା ଝାଳ କିମ୍ବା ସ୍କିନ ଓଦାଳିଆ ଲାଗିବା:
କୌଣସି ପରିଶ୍ରମ ବିନା ଥଣ୍ଡା ଝାଳ ବାହାରିବା ଏହାର ମୁଖ୍ୟ ସଙ୍କେତ।
- ବାନ୍ତି, ବାନ୍ତି ଲାଗିବା କିମ୍ବା ବଦହଜମୀ ହେବା:
ବିଶେଷକରି ମହିଳାଙ୍କ ଠାରେ ଏହି ଲକ୍ଷଣଗୁଡ଼ିକୁ ପେଟ ସମସ୍ୟା ବୋଲି ଭାବିନିଅନ୍ତି ।
ଯଦି ଏହା ସହିତ ଅନ୍ୟ ଲକ୍ଷଣଗୁଡ଼ିକ (ଛାତି ଯନ୍ତ୍ରଣା, ମୁଣ୍ଡ ବୁଲାଇବା) ଥାଏ, ତେବେ ତୁରନ୍ତ ସାହାଯ୍ୟ ନିଅନ୍ତୁ।
- ମୁଣ୍ଡ ବୁଲାଇବା କିମ୍ବା ହାଲୁକା ମୁଣ୍ଡ ବ୍ୟଥା ହେବା:
ହଠାତ୍ ସନ୍ତୁଳନ ହରାଇବା କିମ୍ବା ଦୁର୍ବଳ ଅନୁଭବ କରିବା ମସ୍ତିଷ୍କକୁ ରକ୍ତ ପ୍ରବାହ ହ୍ରାସ ହେବାର ଏକ ଲକ୍ଷଣ ହୋଇପାରେ।
ଏହା ନୀରବ ହୃଦଘାତରେ (ଛାତିରେ ଯନ୍ତ୍ରଣା ଅନୁଭବ ହୁଏ ନୁହେଁ) ହୁଏ।
- ଉପର ପିଠି କିମ୍ବା କାନ୍ଧ ଯନ୍ତ୍ରଣା:
ଏହାକୁ ପ୍ରାୟତଃ କାନ୍ଧ ମଧ୍ୟ ଭାଗରେ ଏକ ଭାରୀ ବା ଓଜନିଆ ଜିନିଷ ରଖା ହେବା ଭଳି ଅନୁଭବ ହୁଏ ।
ଏହା ପୁରୁଷମାନଙ୍କ ତୁଳନାରେ ମହିଳାମାନଙ୍କଠାରେ ଅଧିକ ସାଧାରଣ।
- ଅନିୟମିତ ହୃଦସ୍ପନ୍ଦନ :
ହୃଦସ୍ପନ୍ଦନରେ ହଠାତ୍ ବୃଦ୍ଧି କିମ୍ବା ବନ୍ଦ ହୋଇଯିବା କିମ୍ବା ବିନା କୌଣସି କାରଣରେ ହୃଦସ୍ପନ୍ଦନ ବଢିଯିବା ।
ଏହା ହୃଦସ୍ପନ୍ଦନକୁ ପ୍ରଭାବିତ କରୁଥିବା ଏକ ଲକ୍ଷଣ ହୋଇପାରେ।
- ଗୋଡ ଫୁଲିବା (ଏଡିମା)
ପ୍ରାୟତଃ ହୃଦସ୍ପନ୍ଦନ ପୂର୍ବରୁ ଗୋଡ଼ ଫୁଲିବା ଆରମ୍ଭ ହୋଇଥାଏ ।
- ଅସ୍ୱାଭାବିକ ଚିନ୍ତା କିମ୍ବା ଆସନ୍ନ ସଙ୍କଟ:
ଏହି ହୃଘାତରୁ ବଞ୍ଚିଥିବା ବ୍ୟକ୍ତି କୁହନ୍ତି ଯେ, ହାର୍ଟ ଆଟାକ୍ ପୂର୍ବରୁ ଅନେକ ଭୟର ଏକ ଅଦ୍ଭୁତ ଭାବନା ଅନୁଭବ ହୁଏ ।
ଯଦି ଆପଣ ଏହି ଲକ୍ଷଣଗୁଡ଼ିକ ଅନୁଭବ କରନ୍ତି ତେବେ କ’ଣ କରିବେ?
ଅପେକ୍ଷା କରନ୍ତୁ ନାହିଁ! ତୁରନ୍ତ ଜରୁରୀକାଳୀନ ସେବାକୁ କଲ୍ କରନ୍ତୁ -କାରଣ ପ୍ରତ୍ୟେକ ମିନିଟ୍ ଗୁରୁତ୍ୱପୂର୍ଣ୍ଣ।
ରକ୍ତ ଜମାଟ ବାନ୍ଧିବାକୁ ରୋକିବା ପାଇଁ ଆସ୍ପିରିନ୍ (ଯଦି ଆଲର୍ଜିକ୍ ନାହିଁ) ଚୋବାନ୍ତୁ।
ଶାନ୍ତ ରୁହନ୍ତୁ ଏବଂ ବସି ରୁହନ୍ତୁ, ଅଧିକ ପରିଶ୍ରମ କରନ୍ତୁ ନାହିଁ ।
କେଉଁମାନଙ୍କ ଠାରେ ଏହା ଅଧିକ ଦେଖାଯାଏ ?
ଧୂମପାନକାରୀ, ମଧୁମେହ ରୋଗୀ ବା ଡାଇବେଟିସ୍, ଉଚ୍ଚ ରକ୍ତଚାପ, ଉଚ୍ଚ କୋଲେଷ୍ଟ୍ରଲ୍, ମୋଟା ବ୍ୟକ୍ତି କିମ୍ବା ଜେନେଟିକ୍ ଥିବା ବ୍ୟକ୍ତି।
ମହିଳାମାନେ ବିଶେଷକରି ଥକ୍କାପଣ, ବାନ୍ତି ଏବଂ ପିଠି ଯନ୍ତ୍ରଣା ଭଳି ଅସ୍ୱାଭାବିକ ଲକ୍ଷଣ ଅନୁଭବ କରନ୍ତି।