ପୋଲିସ ଏନକାଉଣ୍ଟରରେ ୧୨ ନକ୍ସଲ ଢେର: ଜାମ୍ମୁ ଆକ୍ରମଣର ପ୍ରତିଶୋଧ ମହାରାଷ୍ଟ୍ରରେ ନେଲା ଭାରତ

ନୂଆଦିଲ୍ଲୀ: ଜାମ୍ମୁରେ ବାରମ୍ବାର ଆତଙ୍କୀ ଆକ୍ରମଣ ଜାରି ରହିଛି । ତେଣୁ ଭାରତର ପାଲଟା ଜବାବକୁ ସାରା ଦେଶ ଅପେକ୍ଷା କରିଥିଲା । ତେବେ ଜାମ୍ମୁରେ ସହିଦ ହୋଇଥିବା ଯବାନଙ୍କ ପ୍ରତିଶୋଧ ନେଇଛି ସୁରକ୍ଷାକର୍ମୀ । ମହାରାଷ୍ଟ୍ରର ଗଢ଼ଚିରୋଲୀରେ ବୁଧବାର ପୋଲିସ ଏବଂ ନକ୍ସଲ ମଧ୍ୟରେ ଗୁଳି ବିନିମୟ ହୋଇଛି । ଏହି ଗୁଳିକାଣ୍ଡରେ ୧୨ ଜଣ ନକ୍ସଲଙ୍କୁ ମୃତ୍ୟୁଦଣ୍ଡ ଦେଇଛି ପୋଲିସ । ଏହାସହିତ ଜାମ୍ମୁରେ ସହିଦ ହୋଇଥିବା ସମସ୍ତ ଯବାନଙ୍କ ମୃତ୍ୟୁର ପ୍ରତିଶୋଧ ନେଇଛି ଭାରତୀୟ ସୁରକ୍ଷାକର୍ମୀ । ତେବେ ନକ୍ସଲଙ୍କ ପାଖରୁ ଅନେକ ମାରଣାସ୍ତ୍ର ଜବତ କରାଯାଇଛି ।

ସୂଚନା ଅନୁସାରେ, ୧୨-୧୫ ନକ୍ସଲମାନେ ଗାଁ ନିକଟରେ କ୍ୟାମ୍ପ କରୁଥିବା ସୂଚନା ମିଳିଥିଲା । ଏହାପରେ ଗଡଚିରୋଲିରୁ ଏକ ଅପରେସନ୍ ଆରମ୍ଭ କରାଯାଇଥିଲା । ଏଥିରେ ଡେପୁଟି ଏସପି ଅପ୍ସଙ୍କ ନେତୃତ୍ୱରେ ୭ ଟି C60 ଦଳ ଛତିଶଗଡ ସୀମା ନିକଟ ଭାଣ୍ଡୋଲି ଗ୍ରାମକୁ ପଠାଯାଇଥିଲା । ତେବେ ସୁରକ୍ଷାକର୍ମୀଙ୍କୁ ଦେଖି ନକ୍ସଲ ତରଫରୁ ଗୁଳିକାଣ୍ଡ ଆରମ୍ଭ ହୋଇଥିଲା । ନକ୍ସଲ ଏବଂ ସୁରକ୍ଷାକର୍ମୀଙ୍କ ମଧ୍ୟରେ ପ୍ରାୟ ୬ ଘଣ୍ଟା ପର୍ଯ୍ୟନ୍ତ ଗୁଳି ବିନିମୟ ହୋଇଥିଲା । ତେବେ ଏହାପରେ ସ୍ଥାନୀୟ ଅଞ୍ଚଳରେ ସର୍ଚ୍ଚିଙ୍ଗ କରିବାରୁ ବର୍ତ୍ତମାନ ପର୍ଯ୍ୟନ୍ତ ମୋଟ ୧୨ ନକ୍ସଲବାଦୀଙ୍କ ମୃତଦେହ ଉଦ୍ଧାର କରାଯାଇଛି । ଏହାବ୍ୟତୀତ ବର୍ତ୍ତମାନ ସୁଦ୍ଧା ମୋଟ ୩ଟି AK47, ୨ଟି ଇନ୍ସାସ, ୧ କାର୍ବାଇନ୍, ୧ SLR ସହିତ ୭ଟି ଅଟୋମୋଟିଭ ହତିଆର ଜବତ ହୋଇଛି ।

ମୃତ ନକ୍ସଲମାନଙ୍କ ମଧ୍ୟରୁ ଜଣେ ଟିପାଗଡ ଡାଲାମର DVCM ଲକ୍ଷ୍ମଣ ଆତ୍ରାମ(ବିଶାଲ ଆତ୍ରାମ) ବୋଲି ଜଣାପଡିଛି। ଏଠାରେ, C60 ର PSI ଏବଂ ଜଣେ ଯବାନ ଆହତ ହୋଇ ଥିବା ବେଳେ ବର୍ତ୍ତମାନ ସେ ବିପଦମୁକ୍ତ ରହିଛନ୍ତି । ତେବେ ତାଙ୍କୁ ଚିକିତ୍ସା ପାଇଁ ନାଗପୁର ପଠାଯାଇଛି। ଏହି ସବୁଠୁ ବଡ ଅପରେସନ୍ ପାଇଁ ଡେପୁଟି ସିଏମ୍ ଦେବେନ୍ଦ୍ର ଫଡନାଭିସ୍ ମହାରାଷ୍ଟ୍ର ସରକାରଙ୍କ ତରଫରୁ C60 କମାଣ୍ଡୋ ଦଳକୁ ୫୧ ଲକ୍ଷ ଟଙ୍କା ପୁରସ୍କାର ଘୋଷଣା କରିଛନ୍ତି।