ଗଣେଶ ପୂଜା ଭସାଣୀରେ ପୋଲିସକୁ ଆକ୍ରମଣ କରି ୧୬ ଜଣ ଗିରଫ

ଢେଙ୍କାନାଳ : ଢେଙ୍କାନାଳ ସହର କୋରିଆଁ ଛକର ହରିଜନ ସାହିରେ ଚାଲିଥିଲା ଗଣେଶ ପୂଜା ଭସାଣୀ । ଏହି ଭସାଣି ଚାଲିଥିବା ବେଳେ ୨ ଜଣ ପୋଲିସକୁ ଆକ୍ରମଣ କରିଥିଲେ ଯୁବକ । ଏଥି ପାଇଁ ପୋଲିସ ୧୬ ଜଣଙ୍କୁ ଗିରଫ କରିଛି । ଏହା ପରେ ସେମାନଙ୍କୁ କୋର୍ଟ ଚାଲାଣ ମଧ୍ୟ କରିଛି । ଏଠାରେ ବିଳମ୍ବିତ ରାତିରେ ଭସାଣୀ ଚାଲିଥିଲା । ଏହା ପରେ ପୋଲିସ ଡିଜେ ସାଉଣ୍ଡକୁ ବ୍ୟବହାରକୁ ନେଇ ଏହି ଭସାଣି ଶୋଭା ଯାତ୍ରାକୁ ବନ୍ଦ କରିଥିଲେ । ଏହା ପରେ ଯୁବକମାନେ ଉତକ୍ଷିପ୍ତ ହୋଇ ପୋଲିସକୁ ଆକ୍ରମଣ କରିଥିଲେ । ପୋଲିସକୁ ଢେଲା ପଥର ମାରି ଆକ୍ରମଣ କରିଥିଲେ ।

ଏଥିରେ ପୋଲିସ ସବଇନିସପେକ୍ଟର ସୈଭାଗ୍ୟ ପାଣିଙ୍କ ସମେତ ୪ ଜଣ ପୋଲିସ କର୍ମଚାରୀ ଆହତ ହୋଇଥିଲେ । ଏହି ଖବର ପାଇବା ପରେ ଟାଉନଥାନା ଏସଡିପିଓ ଏବଂ ଟାଉନ ଥାନା ଅଧିକାରୀ ସେଠାରେ ପହଞ୍ଚିଥିଲେ । ଏହା ପରେ ସେଠାରେ ଥିବା ୧୬ ଜଣଙ୍କୁ ଗିରଫ କରିଥିଲା । ଏହି ଘଟଣାରେ ଅନ୍ୟ ୩୦ ଜଣ ଫେରାର ଅଛନ୍ତି । ଏମାନଙ୍କ ବିରୋଧରେ ମାମଲା ରୁଜୁ ହୋଇଛି । ଆସନ୍ତା ୨୫ ତାରିଖରେ ମିଳିତ ଭସାଣି ଥିବାରୁ ପୋଲିସ ଏହା ଉପରେ କଡା ପଦକ୍ଷପ ଗ୍ରହଣ କରୁଛି ।