ଆସନ୍ତା ୨୪ ଘଣ୍ଟା ପାଇଁ ୨୧ ଜିଲ୍ଲା ସାବଧାନ ! ବିଜୁଳି-ଘଡ଼ଘଡି଼ ସହ ପ୍ରବଳ ବର୍ଷା ହେବାର ସମ୍ଭାବନା

ଭୁବନେଶ୍ୱର: କାଳବୈଶାଖି ପ୍ରଭାବରେ ବିଭିନ୍ନ ସ୍ଥାନରେ ତାପମାତ୍ରା ହ୍ରାସ ପାଇଛି। ଆସନ୍ତା ୨ ଦିନ ଯାଏଁ ରାଜ୍ୟରେ ତାପମାତ୍ରାରେ ବଡ଼ ପରିବର୍ତ୍ତନ ହେବାର ସମ୍ଭାବନା ନାହିଁ। ତେବେ, ଆସନ୍ତୁ ଜାଣିବା କେଉଁ ସବୁ ସ୍ଥାନରେ ଆଜି ବର୍ଷା ନେଇ ଆଞ୍ଚଳିକ ପାଣିପାଗ ଆର୍ଲଟ ଜାରି କରିଛି…

ମାତ୍ର ୨ ଦିନ ପରେ ତାତି ପୁଣି ବଢିବ। ପ୍ରାୟ ୨ ରୁ ୩ ଡିଗ୍ରୀ ବଢିପାରେ। ଗୁରୁବାର ରାଜ୍ୟର ସର୍ବାଧିତ ତାପମାତ୍ରା ୪୦.୩ ଡିଗ୍ରୀ ସେଲସିୟସ୍ ବୌଦ୍ଧରେ ରେକର୍ଡ଼ କରାଯାଇଛି।

ଗତ ୨୪ ଘଣ୍ଟା ଭିତରେ ଦେବଗଡ, ବରଗଡ, ନୂଆପଡା, ଫୁଲବାଣୀ, ହୀରାକୁଦ, କେନ୍ଦୁଝର, ଝାରସୁଗୁଡା ଆଦି ସ୍ଥାନରେ କାଳବୈଶାଖି ପ୍ରଭାବରେ ବର୍ଷା, ପବନ ହୋଇଛି।

ଶନିବାର ଯାଏଁ ରାଜ୍ୟରେ କିଛି ସ୍ଥାନରେ ଏପରି ବର୍ଷା , ପବନ ହେବାର ସମ୍ଭାବନା ରହିଛି। ରବିବାର ଓ ସୋମବାର ପାଗ ଶୁଖିଲା ରହିବ। ମଙ୍ଗଳବାର ଓ ବୁଧବାର ରାଜ୍ୟର କେତେକାଂଶରେ କାଳବୈଶାଖିର ସମ୍ଭାବନା ରହିଛି।

ଆଜି(ଶୁକ୍ରବାର) ବିଶେଷକରି, ବାଲେଶ୍ବର, ଭଦ୍ରକ, ଯାଜପୁର, କେନ୍ଦ୍ରାପଡା,କଟକ, ଜଗତସିଂହପୁର, ପୁରୀ, ଖୋର୍ଦ୍ଧା, ନୟାଗଡ, ଗଂଜାମ, ଗଜପତି, ମାଲକାନଗିରି, କୋରାପୁଟ୍, ରାୟଗଡା , କନ୍ଧମାଳ, ବୌଦ୍ଧ, ଅନୁଗୁଳ, କେନ୍ଦୁଝର, ସୁନ୍ଦରଗଡ, ମୟୂରଭଂଜ ଓ ଢେଙ୍କାନାଳର କିଛି ସ୍ଥାନରେ ବଡ଼ ବର୍ଷା ହେବାର ସମ୍ଭାବନା ରହିଛି।

ଏହି ସବୁ ସ୍ଥାନରେ ୩୦ ରୁ ୪୦ କିମି ବେଗରେ ପବନ ବହିବା ସହ ବଜ୍ରପାତର ଆଶଙ୍କା ରହିଛି। ରବିବାର ଓ ସୋମବାର ରାଜ୍ୟରେ ପାଗ ଶୁଖିଲା ରହିବ।