୪୦ ଟନ୍ ମୂଲ୍ୟବାନ କ୍ୱାର୍ଜ ପଥର ଜବତ, ୬ ଜଣଙ୍କୁ ଗିରଫ କରିଛି ବନ ବିଭାଗ

ମାଲକାନଗିରି: ମାଲକାନଗିରି ବନ ବିଭାଗକୁ ମିଳିଛି ବଡ଼ ସଫଳତା । ମାଲକାନଗିରିରୁ ମୂଲ୍ୟବାନ ଧଳା କ୍ୱାର୍ଜ ପଥର ଜବତ କରିଛି ବନ ବିଭାଗ । ପ୍ରାୟ ୪୦ ଟନ୍ ଜବତ ହୋଇଥିବା ଏହି କ୍ୱାର୍ଜ ପଥରର ଆନୁମାନିକ ମୂଲ୍ୟ ୧ କୋଟି ଟଙ୍କାରୁ ଉର୍ଦ୍ଧ୍ୱ ହେବ । ମାଫିଆମାନେ ଏହାକୁ ପଡ଼ୋଶୀ ରାଜ୍ୟକୁ ଚାଲାଣ କରୁଥିବା ଜଣାପଡ଼ିଛି । ବିଶେଷ ସୂତ୍ରରୁ ଖବର ପାଇଁ ବନ ବିଭାଗ ପକ୍ଷରୁ ଚଢ଼ାଉ କରାଯାଇଥିଲା । ଏହି ଚୋରା ଚାଲାଣରେ ସମ୍ପୃକ୍ତ ଥିବା ୬ ଜଣଙ୍କୁ ଗିରଫ କରିଛି ବନ ବିଭାଗ ।