(Video) ଆକାଶରେ ଉଡ଼ିଲା ୫୦୦ ଟଙ୍କିଆ ନୋଟ୍: ଲକ୍ଷ ଲକ୍ଷ ଟଙ୍କା ଗୋଟାଇ ଘରକୁ ବୋହିନେଲେ ଲୋକେ

ନୂଆଦିଲ୍ଲୀ: ଆମ ସମାଜରେ କିଛି ଲୋକ ଏପରି ଥାଆନ୍ତି, ଯେଉଁମାନ ମାଗଣା ଜିନିଷ ମିଳିଲେ ମାଟିଗୋଡ଼ି ବି ଗିଳି ଦିଅନ୍ତୁ । ଅନେକ ସମୟରେ ସୋସିଆଲ ମିଡ଼ିଆରେ ଏପରି ଦୃଶ୍ୟ ସବୁ ଦେଖିବାକୁ ମିଳିଥାଏ । ତେବେ ଏହା ମଧ୍ୟରେ ଏକ ଦୃଶ୍ୟ ଖୁବ୍ ଭାଇରାଲ ହେବାରେ ଲାଗିଛି । ଆକାଶରୁ ୫୦୦ ଟଙ୍କିଆ ନୋଟ୍ ଉଡ଼ିବାରେ ଲାଗିଥିଲା । ଗୋଟେ କି ଦୁଇଟା ନୁହଁ, ଲକ୍ଷ ଲକ୍ଷ ଏପରି ୨୦ ଲକ୍ଷ ଟଙ୍କା ଉଡ଼ିଥିଲା । ଆଉ ଏହାର ସୁଯୋଗ ନେଇ ମାଗଣା ଟଙ୍କାକୁ ଗୋଟେ ଲୋକମାନେ ଘରକୁ ବୋହି ନେଇଥିଲେ । ମାତ୍ର କିଛି ସମୟ ମଧ୍ୟରେ ରାସ୍ତା ସାରା ଖାଲି ନୋଟମୟ ହୋଇଯାଇଥିଲା ।

ଖବର ମୁତାବକ, ଉତ୍ତରପ୍ରଦେଶର ଆସିଛି ଏଭଳି ଏକ ଖବର । ଏକ ବିବାହ ଉତ୍ସବ ଅବସରରେ ଏପରି ଲକ୍ଷ ଲକ୍ଷ ଟଙ୍କାର ନୋଟ୍ ଉଡ଼ାଯାଇଛି । ଟଙ୍କେ କି ଦୁଇ ଟଙ୍କା ନୁହେଁ, ପୂରା ୨୦ ଲକ୍ଷ ଟଙ୍କା ଶୂନ୍ୟରୁ ଫୋପଡ଼ା ଯାଇଥିଲା, ଆଉ ତାହାକୁ ଲୋକମାନେ ଗୋଟାଇବାରେ ଲାଗିଥିଲେ । ସାଧାରଣ ଭାବେ ବିବାହ ସମୟରେ କିଏ ନୂଆ ପୋଷାକ ପରିଧାନ କରିବାରେ ତ କିଏ ବିଭିନ୍ନ ପ୍ରକାରର ମେନ୍ୟୁରେ ଲକ୍ଷ ଲକ୍ଷ ଟଙ୍କା ଖର୍ଚ୍ଚ କରୁଥିବା ବେଳେ ଏହି ଘଟଣାଟି କିନ୍ତୁ ସମ୍ପୂର୍ଣ୍ଣ ଭାବେ ନିଆରା ।

ୟୁପିର ସିଦ୍ଧାର୍ଥନଗର ଜିଲ୍ଲାରେ ଦେଖିବାକୁ ମିଳିଥିଲା ଏଭଳି ଏକ ଦୃଶ୍ୟ । ସେଠାରେ ବିବାୟ ଉତ୍ସବ ଚାଲିଥିବା ସମୟରେ ବରପକ୍ଷର ବନ୍ଧୁ ପରିଜନମାନେ ଛାତ ଉପରେ, ଜେସିବି ଉପରେ ଚଢ଼ି ଲକ୍ଷ ଲକ୍ଷ ଟଙ୍କାର ନୋଟ୍ ଉଡ଼ାଇଥିଲେ । ବରଯାତ୍ରୀମାନେ ବ୍ୟାଣ୍ଡ ବଜାଇ କନ୍ୟାପକ୍ଷଙ୍କ ଘର ଆଗରେ ପହଞ୍ଚିଥିଲେ । ଏହାପରେ ବରପକ୍ଷର ପରିଜନମାନେ ଛାତ ଉପରେ ଚଢ଼ିଯାଇ ଯାହା କରିଥିଲେ, ତାହା ସଭିଙ୍କୁ ଚକିତ କରିଦେଇଥିଲା । କାଗଜ ଖଣ୍ଡ ପରି ଆକାଶରୁ ୧୦୦, ୨୦୦ ଓ ୫୦୦ ଟଙ୍କିଆ ନୋଟ୍ ସବୁ ଉଡ଼ିବାରେ ଲାଗିଥିଲା । ଲାଗୁଥିଲା ସତେ ଯେମିତି ଆକାଶରୁ ଟଙ୍କା ବର୍ଷା ହେଉଛି ।